Psaumes 75
Biblia Hebraica Stuttgartensia

¹ לַמְנַצֵּ֥חַ אַל־תַּשְׁחֵ֑ת מִזְמֹ֖ור לְאָסָ֣ף שִֽׁיר׃ Psaumes 145.18 Psaumes 138.2 Psaumes 76.1 Jérémie 10.6 Psaumes 58.1
² (75.1) הֹ֘ודִ֤ינוּ לְּךָ֨׀ אֱֽלֹהִ֗ים הֹ֭ודִינוּ וְקָרֹ֣וב שְׁמֶ֑ךָ סִ֝פְּר֗וּ נִפְלְאֹותֶֽיךָ׃ Actes 1.7 Ecclésiaste 3.17 2 Samuel 2.4 Psaumes 102.13 Psaumes 78.70-78.72
³ (75.2) כִּ֭י אֶקַּ֣ח מֹועֵ֑ד אֲ֝נִ֗י מֵישָׁרִ֥ים אֶשְׁפֹּֽט׃ 1 Samuel 2.8 Esaïe 24.19 Esaïe 49.8 Psaumes 60.1-60.3 1 Samuel 18.7
⁴ (75.3) נְֽמֹגִ֗ים אֶ֥רֶץ וְכָל־יֹשְׁבֶ֑יהָ אָנֹכִ֨י תִכַּ֖נְתִּי עַמּוּדֶ֣יהָ סֶּֽלָה׃ Zacharie 1.21 Daniel 7.20-7.21 Psaumes 94.8 Proverbes 1.22 Psaumes 148.14
⁵ (75.4) אָמַ֣רְתִּי לַֽ֭הֹולְלִים אַל־תָּהֹ֑לּוּ וְ֝לָרְשָׁעִ֗ים אַל־תָּרִ֥ימוּ קָֽרֶן׃ Ezéchiel 2.4 Exode 32.9 Actes 7.51 2 Chroniques 30.8 Deutéronome 31.27
⁶ (75.5) אַל־תָּרִ֣ימוּ לַמָּרֹ֣ום קַרְנְכֶ֑ם תְּדַבְּר֖וּ בְצַוָּ֣אר עָתָֽק׃ Psaumes 3.3
⁷ (75.6) כִּ֤י לֹ֣א מִ֭מֹּוצָא וּמִֽמַּעֲרָ֑ב וְ֝לֹ֗א מִמִּדְבַּ֥ר הָרִֽים׃ Psaumes 50.6 Daniel 2.21-2.22 Daniel 2.37 2 Samuel 5.2 Psaumes 113.7-113.8
⁸ (75.7) כִּֽי־אֱלֹהִ֥ים שֹׁפֵ֑ט זֶ֥ה יַ֝שְׁפִּ֗יל וְזֶ֣ה יָרִֽים׃ Job 21.20 Proverbes 23.30 Psaumes 11.6 Jérémie 25.15 Psaumes 60.3
⁹ (75.8) כִּ֤י כֹ֪וס בְּֽיַד־יְהוָ֡ה וְיַ֤יִן חָמַ֨ר׀ מָ֥לֵא מֶסֶךְ֮ וַיַּגֵּ֪ר מִ֫זֶּ֥ה אַךְ־שְׁ֭מָרֶיהָ יִמְצ֣וּ יִשְׁתּ֑וּ כֹּ֝֗ל רִשְׁעֵי־אָֽרֶץ׃ Psaumes 104.33 Psaumes 40.10 Psaumes 9.14 Psaumes 145.1-145.2
¹⁰ (75.9) וַ֭אֲנִי אַגִּ֣יד לְעֹלָ֑ם אֲ֝זַמְּרָ֗ה לֵאלֹהֵ֥י יַעֲקֹֽב׃ Psaumes 89.17 Psaumes 92.10 Jérémie 48.25 Psaumes 148.14 Psaumes 101.8
¹¹ (75.10) וְכָל־קַרְנֵ֣י רְשָׁעִ֣ים אֲגַדֵּ֑עַ תְּ֝רֹומַ֗מְנָה קַֽרְנֹ֥ות צַדִּֽיק׃