Exode 31
Septante

¹ καὶ ἐλάλησεν κύριος πρὸς Μωυσῆν λέγων. ² ἰδοὺ ἀνακέκλημαι ἐξ ὀνόματος τὸν Βεσελεηλ τὸν τοῦ Ουριου τὸν Ωρ τῆς φυλῆς Ιουδα. Exode 36.1 Exode 35.30 Exode 33.17 Esaïe 45.3-45.4 Exode 33.12
³ καὶ ἐνέπλησα αὐτὸν πνεῦμα θεῖον σοφίας καὶ συνέσεως καὶ ἐπιστήμης ἐν παντὶ ἔργῳ. Exode 35.31 1 Rois 7.14 1 Corinthiens 12.4-12.11 Esaïe 28.26 Esaïe 28.6
⁴ διανοεῖσθαι καὶ ἀρχιτεκτονῆσαι ἐργάζεσθαι τὸ χρυσίον καὶ τὸ ἀργύριον καὶ τὸν χαλκὸν καὶ τὴν ὑάκινθον καὶ τὴν πορφύραν καὶ τὸ κόκκινον τὸ νηστὸν καὶ τὴν βύσσον τὴν κεκλωσμένην. 2 Chroniques 2.13-2.14 Exode 28.15 Exode 26.1 2 Chroniques 2.7 1 Rois 7.14
⁵ καὶ τὰ λιθουργικὰ καὶ εἰς τὰ ἔργα τὰ τεκτονικὰ τῶν ξύλων ἐργάζεσθαι κατὰ πάντα τὰ ἔργα. Exode 28.9-28.21
⁶ καὶ ἐγὼ ἔδωκα αὐτὸν καὶ τὸν Ελιαβ τὸν τοῦ Αχισαμαχ ἐκ φυλῆς Δαν καὶ παντὶ συνετῷ καρδίᾳ δέδωκα σύνεσιν καὶ ποιήσουσιν πάντα ὅσα σοι συνέταξα. Exode 28.3 Exode 35.34-36.1 Exode 35.10 Proverbes 2.6-2.7 Exode 37.1-37.29
⁷ τὴν σκηνὴν τοῦ μαρτυρίου καὶ τὴν κιβωτὸν τῆς διαθήκης καὶ τὸ ἱλαστήριον τὸ ἐπ’ αὐτῆς καὶ τὴν διασκευὴν τῆς σκηνῆς. Exode 36.8-37.9 Exode 27.9-27.19 Exode 25.10-25.22 Exode 26.1-26.37
⁸ καὶ τὰ θυσιαστήρια καὶ τὴν τράπεζαν καὶ πάντα τὰ σκεύη αὐτῆς καὶ τὴν λυχνίαν τὴν καθαρὰν καὶ πάντα τὰ σκεύη αὐτῆς. Exode 37.10-37.28 Exode 30.1-30.10 Exode 25.23-25.40
⁹ καὶ τὸν λουτῆρα καὶ τὴν βάσιν αὐτοῦ. Exode 38.1-38.8 Exode 30.18-30.21 Exode 27.1-27.8 Exode 40.11
¹⁰ καὶ τὰς στολὰς τὰς λειτουργικὰς Ααρων καὶ τὰς στολὰς τῶν υἱῶν αὐτοῦ ἱερατεύειν μοι. Nombres 4.5-4.14 Lévitique 8.7-8.8 Exode 28.1-28.43 Lévitique 8.13 Exode 39.1-39.43
¹¹ καὶ τὸ ἔλαιον τῆς χρίσεως καὶ τὸ θυμίαμα τῆς συνθέσεως τοῦ ἁγίου κατὰ πάντα ὅσα ἐγὼ ἐνετειλάμην σοι ποιήσουσιν. Exode 37.29 Exode 30.23-30.38
¹² καὶ ἐλάλησεν κύριος πρὸς Μωυσῆν λέγων. ¹³ καὶ σὺ σύνταξον τοῖς υἱοῖς Ισραηλ λέγων ὁρᾶτε καὶ τὰ σάββατά μου φυλάξεσθε σημεῖόν ἐστιν παρ’ ἐμοὶ καὶ ἐν ὑμῖν εἰς τὰς γενεὰς ὑμῶν ἵνα γνῶτε ὅτι ἐγὼ κύριος ὁ ἁγιάζων ὑμᾶς. Ezéchiel 20.20 Ezéchiel 20.12 Exode 31.17 Lévitique 19.30 Lévitique 19.3
¹⁴ καὶ φυλάξεσθε τὰ σάββατα ὅτι ἅγιον τοῦτό ἐστιν κυρίου ὑμῖν ὁ βεβηλῶν αὐτὸ θανάτῳ θανατωθήσεται πᾶς ὃς ποιήσει ἐν αὐτῷ ἔργον ἐξολεθρευθήσεται ἡ ψυχὴ ἐκείνη ἐκ μέσου τοῦ λαοῦ αὐτοῦ. Exode 35.2-35.3 Néhémie 9.14 Ezéchiel 20.24 Ezéchiel 20.21 Esaïe 58.13-58.14
¹⁵ ἓξ ἡμέρας ποιήσεις ἔργα τῇ δὲ ἡμέρᾳ τῇ ἑβδόμῃ σάββατα ἀνάπαυσις ἁγία τῷ κυρίῳ πᾶς ὃς ποιήσει ἔργον τῇ ἡμέρᾳ τῇ ἑβδόμῃ θανάτῳ θανατωθήσεται. Exode 16.23 Lévitique 23.3 Genèse 2.2 Exode 34.21 Luc 23.56
¹⁶ καὶ φυλάξουσιν οἱ υἱοὶ Ισραηλ τὰ σάββατα ποιεῖν αὐτὰ εἰς τὰς γενεὰς αὐτῶν διαθήκη αἰώνιος. Genèse 17.11 Jérémie 50.5 Genèse 9.13
¹⁷ ἐν ἐμοὶ καὶ τοῖς υἱοῖς Ισραηλ σημεῖόν ἐστιν αἰώνιον ὅτι ἐν ἓξ ἡμέραις ἐποίησεν κύριος τὸν οὐρανὸν καὶ τὴν γῆν καὶ τῇ ἡμέρᾳ τῇ ἑβδόμῃ ἐπαύσατο καὶ κατέπαυσεν. Genèse 1.31 Exode 31.13 Genèse 2.2-2.3 Ezéchiel 20.12 Hébreux 4.10
¹⁸ καὶ ἔδωκεν Μωυσεῖ ἡνίκα κατέπαυσεν λαλῶν αὐτῷ ἐν τῷ ὄρει τῷ Σινα τὰς δύο πλάκας τοῦ μαρτυρίου πλάκας λιθίνας γεγραμμένας τῷ δακτύλῳ τοῦ θεοῦ. Exode 24.12 Deutéronome 5.22 Exode 32.15-32.16 Deutéronome 4.13 2 Corinthiens 3.3