Esaïe 64
Septante

¹ ὡς κηρὸς ἀπὸ πυρὸς τήκεται καὶ κατακαύσει πῦρ τοὺς ὑπεναντίους καὶ φανερὸν ἔσται τὸ ὄνομα κυρίου ἐν τοῖς ὑπεναντίοις ἀπὸ προσώπου σου ἔθνη ταραχθήσονται. Michée 1.3-1.4 Amos 9.13 Marc 1.10 Psaumes 68.8 Apocalypse 20.11
² ὅταν ποιῇς τὰ ἔνδοξα τρόμος λήμψεται ἀπὸ σοῦ ὄρη. Jérémie 5.22 Psaumes 99.1 Jérémie 33.9 Exode 14.4 Psaumes 98.1-98.2
³ ἀπὸ τοῦ αἰῶνος οὐκ ἠκούσαμεν οὐδὲ οἱ ὀφθαλμοὶ ἡμῶν εἶδον θεὸν πλὴν σοῦ καὶ τὰ ἔργα σου ἃ ποιήσεις τοῖς ὑπομένουσιν ἔλεον. Psaumes 66.3 Psaumes 106.22 Psaumes 66.5 Deutéronome 4.34 Esaïe 64.1
⁴ συναντήσεται γὰρ τοῖς ποιοῦσιν τὸ δίκαιον καὶ τῶν ὁδῶν σου μνησθήσονται ἰδοὺ σὺ ὠργίσθης καὶ ἡμεῖς ἡμάρτομεν διὰ τοῦτο ἐπλανήθημεν. Psaumes 31.19 1 Corinthiens 2.9-2.10 Jacques 5.7 Genèse 49.18 Esaïe 25.9
⁵ καὶ ἐγενήθημεν ὡς ἀκάθαρτοι πάντες ἡμεῖς ὡς ῥάκος ἀποκαθημένης πᾶσα ἡ δικαιοσύνη ἡμῶν καὶ ἐξερρύημεν ὡς φύλλα διὰ τὰς ἀνομίας ἡμῶν οὕτως ἄνεμος οἴσει ἡμᾶς. Psaumes 90.7-90.9 Exode 20.24 Malachie 3.6 Osée 11.8 Jérémie 31.18-31.20
⁶ καὶ οὐκ ἔστιν ὁ ἐπικαλούμενος τὸ ὄνομά σου καὶ ὁ μνησθεὶς ἀντιλαβέσθαι σου ὅτι ἀπέστρεψας τὸ πρόσωπόν σου ἀφ’ ἡμῶν καὶ παρέδωκας ἡμᾶς διὰ τὰς ἁμαρτίας ἡμῶν. Psaumes 90.5-90.6 Job 14.4 Romains 7.24 Zacharie 3.3 Ephésiens 2.1-2.2
⁷ καὶ νῦν κύριε πατὴρ ἡμῶν σύ ἡμεῖς δὲ πηλὸς ἔργον τῶν χειρῶν σου πάντες. Esaïe 59.16 Osée 7.7 Ezéchiel 22.30 Ezéchiel 24.11 Osée 5.15
⁸ μὴ ὀργίζου ἡμῖν σφόδρα καὶ μὴ ἐν καιρῷ μνησθῇς ἁμαρτιῶν ἡμῶν καὶ νῦν ἐπίβλεψον ὅτι λαός σου πάντες ἡμεῖς. Esaïe 29.16 Esaïe 45.9 Jérémie 18.2-18.6 Esaïe 63.16 Romains 9.20-9.24
⁹ πόλις τοῦ ἁγίου σου ἐγενήθη ἔρημος Σιων ὡς ἔρημος ἐγενήθη Ιερουσαλημ εἰς κατάραν. Psaumes 79.13 Psaumes 74.1-74.2 Esaïe 43.25 Psaumes 79.5-79.9 Psaumes 119.94
¹⁰ ὁ οἶκος τὸ ἅγιον ἡμῶν καὶ ἡ δόξα ἣν ηὐλόγησαν οἱ πατέρες ἡμῶν ἐγενήθη πυρίκαυστος καὶ πάντα τὰ ἔνδοξα συνέπεσεν. Esaïe 1.7 Daniel 12.7 Luc 21.21 2 Chroniques 36.19-36.21 Lamentations 5.18
¹¹ καὶ ἐπὶ πᾶσι τούτοις ἀνέσχου κύριε καὶ ἐσιώπησας καὶ ἐταπείνωσας ἡμᾶς σφόδρα. Lamentations 1.7 Psaumes 74.5-74.7 2 Rois 25.9 2 Chroniques 36.19 Lamentations 1.10-1.11