1 Corinthiens 12.6
Bible en Swahili de l’est

Les dons spirituels et leur diversité

¹ Basi, ndugu zangu, kwa habari ya karama za roho, sitaki mkose kufahamu.
² Mwajua ya kuwa mlipokuwa watu wa Mataifa, mlichukuliwa kufuata sanamu zisizonena, kama mlivyoongozwa.
³ Kwa hiyo nawaarifu, ya kwamba hakuna mtu anenaye katika Roho wa Mungu, kusema, Yesu amelaaniwa; wala hawezi mtu kusema, Yesu ni Bwana, isipokuwa katika Roho Mtakatifu.
⁴ Basi pana tofauti za karama; bali Roho ni yeye yule.
⁵ Tena pana tofauti za huduma, na Bwana ni yeye yule.
⁶ Kisha pana tofauti za kutenda kazi, bali Mungu ni yeye yule azitendaye kazi zote katika wote.
⁷ Lakini kila mmoja hupewa ufunuo wa Roho kwa kufaidiana.
⁸ Maana mtu mmoja kwa Roho apewa neno la hekima; na mwingine neno la maarifa, apendavyo Roho yeye yule;
⁹ mwingine imani katika Roho yeye yule; na mwingine karama za kuponya katika Roho yule mmoja;
¹⁰ na mwingine matendo ya miujiza; na mwingine unabii; na mwingine kupambanua roho; mwingine aina za lugha; na mwingine tafsiri za lugha;
¹¹ lakini kazi hizi zote huzitenda Roho huyo mmoja, yeye yule, akimgawia kila mtu peke yake kama apendavyo yeye.
¹² Maana kama vile mwili ni mmoja, nao una viungo vingi, na viungo vyote vya mwili ule, navyo ni vingi, ni mwili mmoja; vivyo hivyo na Kristo.
¹³ Kwa maana katika Roho mmoja sisi sote tulibatizwa kuwa mwili mmoja, kwamba tu Wayahudi, au kwamba tu Wayunani; ikiwa tu watumwa au ikiwa tu huru; nasi sote tulinyweshwa Roho mmoja.
¹⁴ Kwa maana mwili si kiungo kimoja, bali ni vingi.
¹⁵ Mguu ukisema, Kwa kuwa mimi si mkono, mimi si wa mwili; je! Si wa mwili kwa sababu hiyo?
¹⁶ Na sikio likisema, Kwa kuwa mimi si jicho, mimi si la mwili; je! Si la mwili kwa sababu hiyo?
¹⁷ Kama mwili wote ukiwa jicho, ku wapi kusikia? Kama wote ni sikio ku wapi kunusa?
¹⁸ Bali Mungu amevitia viungo kila kimoja katika mwili kama alivyotaka.
¹⁹ Lakini kama vyote vingekuwa kiungo kimoja, mwili ungekuwa wapi?
²⁰ Lakini sasa viungo ni vingi, ila mwili ni mmoja.
²¹ Na jicho haliwezi kuuambia mkono, Sina haja na wewe; wala tena kichwa hakiwezi kuiambia miguu, Sina haja na ninyi.
²² Bali zaidi sana vile viungo vya mwili vidhaniwavyo kuwa vinyonge zaidi vyahitajiwa zaidi.
²³ Na vile viungo vya mwili vidhaniwavyo kuwa havina heshima, viungo vile twavipa heshima zaidi; na viungo vyetu visivyo na uzuri vina uzuri zaidi sana.
²⁴ Kwa maana viungo vyetu vilivyo na uzuri havina uhitaji; bali Mungu ameuungamanisha mwili, na kukipa heshima zaidi kile kiungo kilichopungukiwa;
²⁵ ili kusiwe na faraka katika mwili, bali viungo vitunzane kila kiungo na mwenziwe.
²⁶ Na kiungo kimoja kikiumia, viungo vyote huumia nacho, na kiungo kimoja kikitukuzwa, viungo vyote hufurahi pamoja nacho.
²⁷ Basi ninyi mmekuwa mwili wa Kristo, na viungo kila kimoja peke yake.
²⁸ Na Mungu ameweka wengine katika Kanisa, wa kwanza mitume, wa pili manabii, wa tatu waalimu, kisha miujiza, kisha karama za kuponya wagonjwa, na masaidiano, na maongozi, na aina za lugha.
²⁹ Je! Wote ni mitume? Wote ni manabii? Wote ni waalimu? Wote wanatenda miujiza?
³⁰ Wote wana karama za kuponya wagonjwa? Wote wanena kwa lugha? Wote wafasiri?
³¹ Takeni sana karama zilizo kuu. Hata hivyo nawaonyesha njia iliyo bora.