Esdras 3.12
Vulgate

Rétablissement de l’autel des sacrifices

¹ iamque venerat mensis septimus et erant filii Israhel in civitatibus suis congregatus est ergo populus quasi vir unus in Hierusalem
Lévitique 23.24 Néhémie 8.14 Exode 23.14-23.17 Lévitique 23.27-23.44 Sophonie 3.9
² et surrexit Iosue filius Iosedech et fratres eius sacerdotes et Zorobabel filius Salathihel et fratres eius et aedificaverunt altare Dei Israhel ut offerrent in eo holocaustomata sicut scriptum est in lege Mosi viri Dei
1 Chroniques 3.17 Esdras 2.2 Aggée 1.1 Luc 3.27 Matthieu 1.12-1.13
³ conlocaverunt autem altare super bases suas deterrentibus eos per circuitum populis terrarum et obtulerunt super illud holocaustum Domino mane et vespere
Nombres 28.2-28.8 Esdras 4.4 Exode 29.38-29.42 Psaumes 56.2-56.4 Esdras 8.21-8.22
⁴ feceruntque sollemnitatem tabernaculorum sicut scriptum est et holocaustum diebus singulis per ordinem secundum praeceptum opus diei in die suo
Exode 23.16 Néhémie 8.14-8.17 Nombres 29.12-29.38 Zacharie 14.16-14.19 Jean 7.2
⁵ et post haec holocaustum iuge tam in kalendis quam in universis sollemnitatibus Domini quae erant consecratae et in omnibus in quibus ultro offerebatur munus Deo
Nombres 29.39 Deutéronome 12.17 Nombres 28.14 Nombres 29.13 Lévitique 1.3
⁶ a primo die mensis septimi coeperunt offerre holocaustum Domino porro templum Dei fundatum necdum erat
⁷ dederunt autem pecunias latomis et cementariis cibum quoque et potum et oleum Sidoniis Tyriisque ut deferrent ligna cedrina de Libano ad mare Ioppes iuxta quod praeceperat Cyrus rex Persarum eis
1 Rois 5.6 Actes 12.20 Actes 9.36 2 Chroniques 2.10-2.16 Ezéchiel 27.17

Pose des fondations du temple

⁸ anno autem secundo adventus eorum ad templum Dei in Hierusalem mense secundo coeperunt Zorobabel filius Salathihel et Iosue filius Iosedech et reliqui de fratribus eorum sacerdotes et Levitae et omnes qui venerant de captivitate in Hierusalem et constituerunt Levitas a viginti annis et supra ut urguerent opus Domini
1 Chroniques 23.24-23.32 1 Chroniques 23.4 Esdras 4.3 Nombres 4.3
⁹ stetitque Iosue filii eius et fratres eius Cedmihel et filii eius et filii Iuda quasi unus ut instarent super eos qui faciebant opus in templo Dei filii Enadad filii eorum et fratres eorum Levitae
Esdras 2.40 Esdras 3.8 Néhémie 7.43
¹⁰ fundato igitur a cementariis templo Domini steterunt sacerdotes in ornatu suo cum tubis et Levitae filii Asaph in cymbalis ut laudarent Deum per manus David regis Israhel
Zacharie 4.10 Exode 28.40-28.42 1 Chroniques 6.31-6.48 Nombres 10.1-10.10 1 Chroniques 16.42
¹¹ et concinebant in hymnis et confessione Domino quoniam bonus quoniam in aeternum misericordia eius super Israhel omnis quoque populus vociferabatur clamore magno in laudando Dominum eo quod fundatum esset templum Domini
1 Chroniques 16.34 Néhémie 12.24 2 Chroniques 7.3 Psaumes 107.1 Psaumes 106.1
¹² plurimi etiam de sacerdotibus et Levitis et principes patrum seniores qui viderant templum prius cum fundatum esset et hoc templum in oculis eorum flebant voce magna et multi vociferantes in laetitia elevabant vocem
Aggée 2.3 Jérémie 31.8-31.9 Psaumes 126.6 Job 8.7 Daniel 2.34-2.35
¹³ nec poterat quisquam agnoscere vocem clamoris laetantium et vocem fletus populi commixtim enim populus vociferabatur clamore magno et vox audiebatur procul
1 Rois 1.45 Jérémie 33.11 Juges 2.5 Exode 32.17-32.18 Psaumes 100.1-100.2