Esther 6.3
Vulgate

¹ noctem illam rex duxit insomnem iussitque adferri sibi historias et annales priorum temporum qui cum illo praesente legerentur
Daniel 2.1 Daniel 6.18 Esther 10.2 Esther 2.23 1 Samuel 23.26-23.27
² ventum est ad eum locum ubi scriptum erat quomodo nuntiasset Mardocheus insidias Bagathan et Thares eunuchorum regem Asuerum iugulare cupientium
Esther 2.21-2.22
³ quod cum rex audisset ait quid pro hac fide honoris ac praemii Mardocheus consecutus est dixeruntque ei servi illius ac ministri nihil omnino mercedis accepit
Ecclésiaste 9.15 Genèse 40.23 Daniel 5.29 Actes 28.8-28.10 1 Samuel 17.25-17.26
⁴ statimque rex quis est inquit in atrio Aman quippe interius atrium domus regiae intraverat ut suggereret regi et iuberet Mardocheum adfigi patibulo quod ei fuerat praeparatum
Esther 5.14 Esther 4.11 Psaumes 2.4 Esther 5.1 Ecclésiaste 9.10
⁵ responderunt pueri Aman stat in atrio dixitque rex ingrediatur
⁶ cumque esset ingressus ait illi quid debet fieri viro quem rex honorare desiderat cogitans Aman in corde suo et reputans quod nullum alium rex nisi se vellet honorare
Proverbes 18.12 Abdias 1.3 Proverbes 16.18 Jérémie 32.41 Matthieu 3.17
⁷ respondit homo quem rex honorare cupit
Esther 6.11 Esther 6.9
⁸ debet indui vestibus regiis et inponi super equum qui de sella regis est et accipere regium diadema super caput suum
1 Rois 1.33 Esther 2.17 Esther 1.11 Luc 15.22 1 Samuel 18.4
⁹ et primus de regis principibus ac tyrannis teneat equum eius et per plateam civitatis incedens clamet ac dicat sic honorabitur quemcumque rex voluerit honorare
Genèse 41.43 1 Rois 1.33-1.34 Zacharie 9.9
¹⁰ dixitque ei rex festina et sumpta stola et equo fac ita ut locutus es Mardocheo Iudaeo qui sedet ante fores palatii cave ne quicquam de his quae locutus es praetermittas
Luc 14.11 Apocalypse 18.7 Daniel 4.37 2 Rois 10.10
¹¹ tulit itaque Aman stolam et equum indutumque Mardocheum in platea civitatis et inpositum equo praecedebat atque clamabat hoc honore condignus est quemcumque rex voluerit honorare
Luc 1.52 Esdras 6.13 Apocalypse 3.9 Esaïe 60.14 Esther 8.15
¹² reversus est Mardocheus ad ianuam palatii et Aman festinavit ire in domum suam lugens et operto capite
2 Samuel 15.30 Jérémie 14.3-14.4 1 Rois 21.4 Psaumes 131.1-131.2 Esther 7.8
¹³ narravitque Zares uxori suae et amicis omnia quae evenissent sibi cui responderunt sapientes quos habebat in consilio et uxor eius si de semine Iudaeorum est Mardocheus ante quem cadere coepisti non poteris ei resistere sed cades in conspectu eius
Proverbes 28.18 Daniel 5.26-5.28 Esther 5.10-5.14 Genèse 40.19 Osée 14.9
¹⁴ adhuc illis loquentibus venerunt eunuchi regis et cito eum ad convivium quod regina paraverat pergere conpulerunt
Esther 5.8 Esther 5.14 Deutéronome 32.35-32.36