Esaïe 6
Vulgate

Appel et mission d’Ésaïe

1 in anno quo mortuus est rex Ozias vidi Dominum sedentem super solium excelsum et elevatum et ea quae sub eo erant implebant templum
Jean 12.41 Apocalypse 15.8 Jean 1.18 Daniel 7.9 Apocalypse 7.15-7.17
2 seraphin stabant super illud sex alae uni et sex alae alteri duabus velabant faciem eius et duabus velabant pedes eius et duabus volabant
Apocalypse 4.8 Psaumes 103.20 Ezéchiel 1.11 1 Rois 6.24 Esaïe 6.6
3 et clamabant alter ad alterum et dicebant sanctus sanctus sanctus Dominus exercituum plena est omnis terra gloria eius
Apocalypse 4.8-4.9 Psaumes 72.19 Esaïe 40.5 Exode 15.11 Nombres 14.21
4 et commota sunt superliminaria cardinum a voce clamantis et domus impleta est fumo
Apocalypse 15.8 Amos 9.1 Ezéchiel 1.24 1 Rois 8.10-8.12 2 Chroniques 5.13-6.1
5 et dixi vae mihi quia tacui quia vir pollutus labiis ego sum et in medio populi polluta labia habentis ego habito et Regem Dominum exercituum vidi oculis meis
Exode 6.30 Jérémie 9.3-9.8 Exode 6.12 Exode 4.10 Ezéchiel 2.6-2.8
6 et volavit ad me unus de seraphin et in manu eius calculus quem forcipe tulerat de altari
Apocalypse 8.3-8.5 Esaïe 6.2 Actes 2.3 Lévitique 16.12 Ezéchiel 10.2
7 et tetigit os meum et dixit ecce tetigit hoc labia tua et auferetur iniquitas tua et peccatum tuum mundabitur
Jérémie 1.9 1 Jean 1.7 Daniel 10.16 Esaïe 53.5 Hébreux 9.13-9.14
8 et audivi vocem Domini dicentis quem mittam et quis ibit nobis et dixi ecce ego sum mitte me
Exode 4.10-4.13 Ephésiens 3.8 Genèse 3.8-3.10 Actes 26.16-26.17 Genèse 1.26
9 et dixit vade et dices populo huic audite audientes et nolite intellegere et videte visionem et nolite cognoscere
Matthieu 13.14-13.15 Luc 8.10 Marc 4.12 Jean 12.40 Esaïe 29.13
10 excaeca cor populi huius et aures eius adgrava et oculos eius claude ne forte videat oculis suis et auribus suis audiat et corde suo intellegat et convertatur et sanem eum
Matthieu 13.15 Jérémie 5.21 Deutéronome 32.15 Actes 28.27 Esaïe 63.17
11 et dixi usquequo Domine et dixit donec desolentur civitates absque habitatore et domus sine homine et terra relinquetur deserta
Esaïe 1.7 Esaïe 3.26 Psaumes 94.3 Lévitique 26.31 Psaumes 90.13
12 et longe faciet Dominus homines et multiplicabitur quae derelicta fuerat in medio terrae
Jérémie 4.29 2 Rois 25.21 Romains 11.1-11.2 Jérémie 52.28-52.30 Esaïe 26.15
13 et adhuc in ea decimatio et convertetur et erit in ostensionem sicut terebinthus et sicuti quercus quae expandit ramos suos semen sanctum erit id quod steterit in ea
Romains 11.5-11.6 Job 14.7-14.9 Esdras 9.2 Romains 11.16-11.29 Esaïe 1.9