Ezéchiel 11
Vulgate

Jugement et promesse de rétablissement

1 et elevavit me spiritus et introduxit me ad portam domus Domini orientalem quae respicit solis ortum et ecce in introitu portae viginti quinque viri et vidi in medio eorum Hiezoniam filium Azur et Pheltiam filium Banaiae principes populi
Ezéchiel 11.24 Ezéchiel 8.16 Ezéchiel 10.19 Ezéchiel 3.12 Ezéchiel 11.13
2 dixitque ad me fili hominis hii viri qui cogitant iniquitatem et tractant consilium pessimum in urbe ista
Esaïe 30.1 Jérémie 5.5 Psaumes 52.2 Psaumes 2.1-2.2 Michée 2.1-2.2
3 dicentes nonne dudum aedificatae sunt domus haec est lebes nos autem carnes
Ezéchiel 12.22 Ezéchiel 12.27 Jérémie 1.11-1.13 Ezéchiel 7.7 Ezéchiel 11.7-11.11
4 idcirco vaticinare de eis vaticinare fili hominis
Ezéchiel 3.17-3.21 Ezéchiel 3.2-3.15 Ezéchiel 25.2 Osée 6.5 Osée 8.1
5 et inruit in me spiritus Domini et dixit ad me loquere haec dicit Dominus sic locuti estis domus Israhel et cogitationes cordis vestri ego novi
Jérémie 17.10 Ezéchiel 2.2 Malachie 3.13-3.14 Psaumes 50.21 Ezéchiel 29.3
6 plurimos occidistis in urbe hac et implestis vias eius interfectis
Ezéchiel 7.23 Ezéchiel 22.27 Ezéchiel 22.9 Esaïe 1.15 Ezéchiel 22.12
7 propterea haec dicit Dominus Deus interfecti vestri quos posuistis in medio eius hii sunt carnes et haec est lebes et educam vos de medio eius
Michée 3.2-3.3 Ezéchiel 24.3-24.13 Jérémie 52.24-52.27 2 Rois 25.18-25.22 Ezéchiel 3.9-3.11
8 gladium metuistis et gladium inducam super vos ait Dominus Deus
Proverbes 10.24 Esaïe 66.4 Job 3.25 Esaïe 24.17-24.18 Jérémie 44.12-44.13
9 et eiciam vos de medio eius daboque vos in manu hostium et faciam in vobis iudicia
Ezéchiel 5.8 Psaumes 106.41 Deutéronome 28.36 Deutéronome 28.49-28.50 Ezéchiel 16.41
10 gladio cadetis in finibus Israhel iudicabo vos et scietis quia ego Dominus
2 Rois 14.25 2 Rois 25.19-25.21 Jérémie 39.6 Ezéchiel 6.7 Jérémie 52.9-52.10
11 haec non erit vobis in lebetem et vos non eritis in medio eius in carnes in finibus Israhel iudicabo vos
Ezéchiel 11.3 Ezéchiel 11.7-11.10
12 et scietis quia ego Dominus qui in praeceptis meis non ambulastis et iudicia mea non fecistis sed iuxta iudicia gentium quae in circuitu vestro sunt estis operati
Ezéchiel 8.10 Ezéchiel 8.14 Ezéchiel 8.16 2 Chroniques 33.2-33.9 2 Rois 16.10-16.11
13 et factum est cum prophetarem Pheltias filius Banaiae mortuus est et cecidi in faciem meam clamans voce magna et dixi heu heu heu Domine Deus consummationem tu facis reliquiarum Israhel
Ezéchiel 11.1 Ezéchiel 9.8 Actes 5.5 Amos 7.5 Deutéronome 9.18-9.19
14 et factum est verbum Domini ad me dicens
15 fili hominis fratres tui fratres tui viri propinqui tui et omnis domus Israhel universi quibus dixerunt habitatores Hierusalem longe recedite a Domino nobis data est terra in possessionem
Ezéchiel 33.24 Esaïe 66.5 Jean 16.2 Jérémie 24.1-24.5 Esaïe 65.5
16 propterea haec dicit Dominus Deus quia longe feci eos in gentibus et quia dispersi eos in terris ero eis in sanctificationem modicam in terris ad quas venerunt
Esaïe 8.14 Psaumes 90.1 Psaumes 31.20 Jérémie 42.11 Deutéronome 30.3-30.4
17 propterea loquere haec dicit Dominus Deus congregabo vos de populis et adunabo de terris in quibus dispersi estis daboque vobis humum Israhel
Ezéchiel 28.25 Ezéchiel 34.13 Jérémie 3.18 Jérémie 24.5 Ezéchiel 36.24
18 et ingredientur illuc et auferent omnes offensiones cunctasque abominationes eius de illa
Ezéchiel 37.23 Ezéchiel 5.11 Ezéchiel 7.20 Ezéchiel 42.7-42.8 Colossiens 3.5-3.8
19 et dabo eis cor unum et spiritum novum tribuam in visceribus eorum et auferam cor lapideum de carne eorum et dabo eis cor carneum
Ezéchiel 36.26-36.27 Jérémie 31.33 Jérémie 32.39-32.40 Psaumes 51.10 Ezéchiel 18.31
20 ut in praeceptis meis ambulent et iudicia mea custodiant faciantque ea et sint mihi in populum et ego sim eis in Deum
Ezéchiel 14.11 Psaumes 105.45 Jérémie 30.22 Jérémie 31.33 Hébreux 8.10
21 quorum cor post offendicula et abominationes suas ambulat horum viam in capite suo ponam dicit Dominus Deus
Ezéchiel 9.10 Ezéchiel 11.18 Ezéchiel 20.31 Ezéchiel 22.31 Jérémie 2.20

Départ de la gloire de Dieu

22 et elevaverunt cherubin alas suas et rotae cum eis et gloria Dei Israhel erat super ea
Ezéchiel 10.19 Ezéchiel 1.19-1.20
23 et ascendit gloria Domini de medio civitatis stetitque super montem qui est ad orientem urbis
Zacharie 14.4 Ezéchiel 8.4 Ezéchiel 10.4 Ezéchiel 43.2 Ezéchiel 10.18
24 et spiritus levavit me adduxitque in Chaldeam ad transmigrationem in visione in spiritu Dei et sublata est a me visio quam videram
Ezéchiel 11.1 Ezéchiel 8.3 Ezéchiel 1.3 Actes 10.16 Ezéchiel 3.12
25 et locutus sum ad transmigrationem omnia verba Domini quae ostenderat mihi
Ezéchiel 3.4 Ezéchiel 2.7 Ezéchiel 3.27 Ezéchiel 3.17