Osée 7.10
Vulgate

Reproches contre les alliances politiques

¹ cum sanare vellem Israhel revelata est iniquitas Ephraim et malitia Samariae quia operati sunt mendacium et fur ingressus est spolians latrunculus foris
Osée 6.4 Osée 4.2 Michée 6.16 Esaïe 59.12 Michée 7.3-7.7
² et ne forte dicant in cordibus suis omnem malitiam eorum me recordatum nunc circumdederunt eos adinventiones suae coram facie mea factae sunt
Psaumes 90.8 Jérémie 2.19 Jérémie 14.10 Psaumes 9.16 Hébreux 4.13
³ in malitia sua laetificaverunt regem et in mendaciis suis principes
Romains 1.32 Michée 7.3 Jérémie 28.1-28.4 Jérémie 37.19 Jérémie 5.31
⁴ omnes adulterantes quasi clibanus succensus a coquente quievit paululum civitas a commixtione fermenti donec fermentaretur totum
Jérémie 9.2 Jacques 4.4 Jérémie 5.7-5.8 Osée 7.6-7.7 Osée 4.2
⁵ dies regis nostri coeperunt principes furere a vino extendit manum suam cum inlusoribus
Esaïe 28.1 Psaumes 1.1 1 Rois 13.4 Psaumes 69.12 Esaïe 5.22-5.23
⁶ quia adplicuerunt quasi clibanum cor suum cum insidiaretur eis tota nocte dormivit coquens eos mane ipse succensus quasi ignis flammae
Osée 7.7 Michée 2.1 1 Samuel 19.11-19.15 Psaumes 21.9 Psaumes 10.8-10.9
⁷ omnes calefacti sunt quasi clibanus et devoraverunt iudices suos omnes reges eorum ceciderunt non est qui clamet in eis ad me
2 Rois 15.14 2 Rois 15.25 2 Rois 15.10 2 Rois 15.30 Esaïe 64.7
⁸ Ephraim in populis ipse commiscebatur Ephraim factus est subcinericius qui non reversatur
Psaumes 106.35 Osée 5.13 Osée 9.3 Sophonie 1.5 Néhémie 13.23-13.25
⁹ comederunt alieni robur eius et ipse nescivit sed et cani effusi sunt in eo et ipse ignoravit
Osée 8.7 2 Rois 13.22 2 Rois 15.19 2 Rois 13.3-13.7 Proverbes 23.35
¹⁰ et humiliabitur superbia Israhel in facie eius nec reversi sunt ad Dominum Deum suum et non quaesierunt eum in omnibus his
Osée 5.5 Esaïe 9.13 Amos 4.6-4.13 Jérémie 25.5-25.7 Proverbes 27.22
¹¹ et factus est Ephraim quasi columba seducta non habens cor Aegyptum invocabant ad Assyrios abierunt
Osée 5.13 Osée 12.1 Osée 4.11 Osée 11.11 Osée 9.3
¹² et cum profecti fuerint expandam super eos rete meum quasi volucrem caeli detraham eos caedam eos secundum auditionem coetus eorum
Ezéchiel 12.13 Deutéronome 28.15-28.68 Ecclésiaste 9.12 Job 19.6 Jérémie 16.16
¹³ vae eis quoniam recesserunt a me vastabuntur quia praevaricati sunt in me et ego redemi eos et ipsi locuti sunt contra me mendacia
Osée 9.12 Osée 11.12 Osée 9.17 Ezéchiel 18.2 Apocalypse 8.13
¹⁴ et non clamaverunt ad me in corde suo sed ululabant in cubilibus suis super triticum et vinum ruminabant recesserunt a me
Amos 2.8 Job 35.9-35.10 Michée 2.11 Zacharie 7.5 Juges 9.27
¹⁵ et ego erudivi et confortavi brachia eorum et in me cogitaverunt malitiam
Nahum 1.9 Psaumes 106.43-106.45 2 Rois 13.5 2 Rois 14.25-14.27 Hébreux 12.5
¹⁶ reversi sunt ut essent absque iugo facti sunt quasi arcus dolosus cadent in gladio principes eorum a furore linguae suae ista subsannatio eorum in terra Aegypti
Psaumes 78.57 Osée 9.3 Psaumes 73.9 Ezéchiel 23.32 Psaumes 12.4