Lévitique 5.4
Vulgate

¹ si peccaverit anima et audierit vocem iurantis testisque fuerit quod aut ipse vidit aut conscius est nisi indicaverit portabit iniquitatem suam
Lévitique 5.17 Proverbes 29.24 Lévitique 7.18 Lévitique 19.8 Matthieu 26.63
² anima quae tetigerit aliquid inmundum sive quod occisum a bestia est aut per se mortuum vel quodlibet aliud reptile et oblita fuerit inmunditiae suae rea est et deliquit
Lévitique 5.17 Nombres 19.11-19.16 Deutéronome 14.8 Lévitique 4.13 Luc 11.44
³ et si tetigerit quicquam de inmunditia hominis iuxta omnem inpuritatem qua pollui solet oblitaque cognoverit postea subiacebit delicto
Nombres 19.11-19.16 Lévitique 12.1-12.8 Lévitique 15.1-15.33 Lévitique 22.4-22.6
⁴ anima quae iuraverit et protulerit labiis suis ut vel male quid faceret vel bene et id ipsum iuramento et sermone firmaverit oblitaque postea intellexerit delictum suum
1 Samuel 25.22 Marc 6.23 Juges 11.31 Actes 23.12 1 Samuel 14.24-14.28
⁵ agat paenitentiam pro peccato
Nombres 5.7 Lévitique 16.21 Proverbes 28.13 Lévitique 26.40 Josué 7.19
⁶ et offerat agnam de gregibus sive capram orabitque pro eo sacerdos et pro peccato eius
Lévitique 4.28 Lévitique 4.32 Ezéchiel 40.39 Ezéchiel 42.13 Lévitique 19.21-19.22
⁷ sin autem non potuerit offerre pecus offerat duos turtures vel duos pullos columbarum Domino unum pro peccato et alterum in holocaustum
Lévitique 12.8 Lévitique 14.31 Lévitique 14.21-14.22 Luc 2.24 Hébreux 10.6-10.10
⁸ dabitque eos sacerdoti qui primum offerens pro peccato retorquebit caput eius ad pinnulas ita ut collo hereat et non penitus abrumpatur
Lévitique 1.15 Lévitique 1.17 Romains 4.25 1 Pierre 3.18
⁹ et asperget de sanguine eius parietem altaris quicquid autem reliquum fuerit faciet destillare ad fundamentum eius quia pro peccato est
Lévitique 4.18 Lévitique 4.30 Lévitique 4.7 Lévitique 4.34 Lévitique 4.25
¹⁰ alterum vero adolebit holocaustum ut fieri solet rogabitque pro eo sacerdos et pro peccato eius et dimittetur ei
Lévitique 1.14-1.17 Lévitique 4.26 Lévitique 4.20 Lévitique 5.16 Lévitique 5.13
¹¹ quod si non quiverit manus eius offerre duos turtures vel duos pullos columbae offeret pro peccato similam partem oephi decimam non mittet in eam oleum nec turis aliquid inponet quia pro peccato est
Nombres 5.15 Lévitique 2.1-2.2 Lévitique 5.9 Nombres 15.4-15.9 Lévitique 2.4-2.5
¹² tradetque eam sacerdoti qui plenum ex toto pugillum hauriens cremabit super altare in monumentum eius qui obtulit
Lévitique 4.35 Lévitique 2.9 Lévitique 2.2 Lévitique 3.11 Lévitique 3.4
¹³ rogans pro illo et expians reliquam vero partem ipse habebit in munere
Lévitique 2.3 Lévitique 4.26 Lévitique 7.6 1 Samuel 2.28 Osée 4.8

Le sacrifice de culpabilité

¹⁴ locutus est Dominus ad Mosen dicens
¹⁵ anima si praevaricans caerimonias per errorem in his quae Domino sunt sanctificata peccaverit offeret pro delicto suo arietem inmaculatum de gregibus qui emi potest duobus siclis iuxta pondus sanctuarii
Exode 30.13 Lévitique 7.1 Esdras 10.19 Lévitique 6.6 Lévitique 7.6
¹⁶ ipsumque quod intulit damni restituet et quintam partem ponet supra tradens sacerdoti qui rogabit pro eo offerens arietem et dimittetur ei
Lévitique 22.14 Nombres 5.7 Lévitique 27.27 Lévitique 27.15 Lévitique 27.13
¹⁷ anima si peccaverit per ignorantiam feceritque unum ex his quae Domini lege prohibentur et peccati rea intellexerit iniquitatem suam
Lévitique 4.13 Lévitique 4.27 Luc 12.48 Lévitique 5.15 Romains 14.23
¹⁸ offeret arietem inmaculatum de gregibus sacerdoti iuxta mensuram aestimationemque peccati qui orabit pro eo quod nesciens fecerit et dimittetur ei
Lévitique 5.15-5.16 Lévitique 6.6-6.7 Lévitique 1.4 1 Timothée 2.5-2.6 Lévitique 4.20
¹⁹ quia per errorem deliquit in Dominum
Esdras 10.2 2 Corinthiens 5.19-5.21 Psaumes 51.4 Malachie 3.8
²⁰ locutus est Dominus ad Mosen dicens
²¹ anima quae peccaverit et contempto Domino negaverit depositum proximo suo quod fidei eius creditum fuerat vel vi aliquid extorserit aut calumniam fecerit
²² sive rem perditam invenerit et infitians insuper peierarit et quodlibet aliud ex pluribus fecerit in quibus peccare solent homines
²³ convicta delicti reddet
²⁴ omnia quae per fraudem voluit obtinere integra et quintam insuper partem domino cui damnum intulerat
²⁵ pro peccato autem suo offeret arietem inmaculatum de grege et dabit eum sacerdoti iuxta aestimationem mensuramque delicti
²⁶ qui rogabit pro eo coram Domino et dimittetur illi pro singulis quae faciendo peccaverit