Michée 4.7
Vulgate

¹ et in novissimo dierum erit mons domus Domini praeparatus in vertice montium et sublimis super colles et fluent ad eum populiEsaïe 2.1-2.4 Zacharie 8.3 Jérémie 3.17 Psaumes 22.27 Daniel 2.44
² et properabunt gentes multae et dicent venite ascendamus ad montem Domini et ad domum Dei Iacob et docebit nos de viis suis et ibimus in semitis eius quia de Sion egredietur lex et verbum Domini de HierusalemEsaïe 54.13 Psaumes 25.8-25.9 Jérémie 31.6 Esaïe 2.3 Psaumes 25.12
³ et iudicabit inter populos multos et corripiet gentes fortes usque in longinquum et concident gladios suos in vomeres et hastas suas in ligones non sumet gens adversus gentem gladium et non discent ultra belligerareEsaïe 2.4 Matthieu 25.31-25.32 Psaumes 110.5-110.6 Esaïe 65.25 Psaumes 98.9
⁴ et sedebit vir subtus vineam suam et subtus ficum suam et non erit qui deterreat quia os Domini exercituum locutum estEsaïe 1.20 1 Rois 4.25 Zacharie 3.10 Esaïe 40.5 Esaïe 58.14
⁵ quia omnes populi ambulabunt unusquisque in nomine dei sui nos autem ambulabimus in nomine Domini Dei nostri in aeternum et ultraZacharie 10.12 2 Rois 17.29 Esaïe 2.5 Esaïe 26.8 Colossiens 3.17
⁶ in die illa dicit Dominus congregabo claudicantem et eam quam eieceram colligam et quam adflixeramSophonie 3.19 Psaumes 147.2 Ezéchiel 34.12-34.17 Jérémie 3.18 Ezéchiel 39.25-39.29
⁷ et ponam claudicantem in reliquias et eam quae laboraverat in gentem robustam et regnabit Dominus super eos in monte Sion ex hoc nunc et usque in aeternumLuc 1.33 Michée 2.12 Michée 5.7-5.8 Esaïe 24.23 Daniel 7.14
⁸ et tu turris Gregis nebulosa filiae Sion usque ad te veniet et veniet potestas prima regnum filiae HierusalemApocalypse 22.5 Zacharie 9.10 Esaïe 5.2 Genèse 35.21 Abdias 1.21
⁹ nunc quare maerore contraheris numquid rex non est tibi aut consiliarius tuus periit quia conprehendit te dolor sicut parturientemJérémie 8.19 Esaïe 13.8 Esaïe 21.3 Osée 13.10-13.11 Lamentations 4.20
¹⁰ dole et satage filia Sion quasi parturiens quia nunc egredieris de civitate et habitabis in regione et venies usque ad Babylonem ibi liberaberis ibi redimet te Dominus de manu inimicorum tuorum2 Rois 20.18 Esaïe 48.20 Osée 2.14 Esaïe 45.13 Osée 13.13
¹¹ et nunc congregatae sunt super te gentes multae quae dicunt lapidetur et aspiciat in Sion oculus nosterAbdias 1.12 Michée 7.10 Esaïe 5.25-5.30 Lamentations 2.15-2.16 Esaïe 8.7-8.8
¹² ipsi autem non cognoverunt cogitationes Domini et non intellexerunt consilium eius quia congregavit eos quasi faenum areaeEsaïe 55.8 Romains 11.33-11.34 Luc 3.17 Jérémie 29.11 Zacharie 14.1-14.3
¹³ surge et tritura filia Sion quia cornu tuum ponam ferreum et ungulas tuas ponam aereas et comminues populos multos et interficiam Domino rapinas eorum et fortitudinem eorum Domino universae terraeEsaïe 23.18 Daniel 2.44 Apocalypse 2.26-2.27 Apocalypse 21.24-21.26 Zacharie 9.13-9.15
¹⁴ nunc vastaberis filia latronis obsidionem posuerunt super nos in virga percutient maxillam iudicis Israhel