Nombres 36
Vulgate

Complément à la loi sur l’héritage

1 accesserunt autem et principes familiarum Galaad filii Machir filii Manasse de stirpe filiorum Ioseph locutique sunt Mosi coram principibus Israhel atque dixerunt
Nombres 27.1 1 Chroniques 7.14-7.16 Josué 17.2-17.3 Nombres 26.29-26.33
2 tibi domino nostro praecepit Dominus ut terram sorte divideres filiis Israhel et ut filiabus Salphaad fratris nostri dares possessionem debitam patri
Nombres 33.54 Job 42.15 Josué 17.3-17.6 Josué 13.6 Josué 14.1-14.2
3 quas si alterius tribus homines uxores acceperint sequetur possessio sua et translata ad aliam tribum de nostra hereditate minuetur
4 atque ita fiet ut cum iobeleus id est quinquagesimus annus remissionis advenerit confundatur sortium distributio et aliorum possessio ad alios transeat
Lévitique 25.23 Lévitique 25.10-25.18 Esaïe 61.2 Luc 4.18-4.19
5 respondit Moses filiis Israhel et Domino praecipiente ait recte tribus filiorum Ioseph locuta est
Nombres 27.7 Deutéronome 5.28
6 et haec lex super filiabus Salphaad a Domino promulgata est nubant quibus volunt tantum ut suae tribus hominibus
Genèse 24.57-24.58 Nombres 36.12 Genèse 24.3 2 Corinthiens 6.14
7 ne commisceatur possessio filiorum Israhel de tribu in tribum omnes enim viri ducent uxores de tribu et cognatione sua
1 Rois 21.3 Nombres 36.9
8 et cunctae feminae maritos de eadem tribu accipient ut hereditas permaneat in familiis
1 Chroniques 23.22
9 nec sibi misceantur tribus sed ita maneant
10 ut a Domino separatae sunt feceruntque filiae Salphaad ut fuerat imperatum
Lévitique 24.23 2 Chroniques 30.12 Exode 39.42-39.43 Matthieu 28.20
11 et nupserunt Maala et Thersa et Egla et Melcha et Noa filiis patrui sui
Nombres 27.1 Nombres 26.33
12 de familia Manasse qui fuit filius Ioseph et possessio quae illis fuerat adtributa mansit in tribu et familia patris earum
13 haec sunt mandata atque iudicia quae praecepit Dominus per manum Mosi ad filios Israhel in campestribus Moab super Iordanem contra Hiericho
Lévitique 27.34 Nombres 22.1 Nombres 26.3 Lévitique 13.59 Lévitique 7.37-7.38