Juges 15.10
Vulgate

Exploits de Samson contre les Philistins

¹ post aliquantum autem temporis cum dies triticeae messis instarent venit Samson invisere volens uxorem suam et adtulit ei hedum de capris cumque cubiculum eius solito vellet intrare prohibuit eum pater illius dicens
Genèse 38.17 Genèse 29.21 Luc 15.29 Genèse 6.4
² putavi quod odisses eam et ideo tradidi illam amico tuo sed habet sororem quae iunior et pulchrior illa est sit tibi pro ea uxor
Juges 14.20 Actes 26.9 Genèse 38.14 Juges 14.16
³ cui respondit Samson ab hac die non erit culpa in me contra Philistheos faciam enim vobis mala
Juges 14.15
⁴ perrexitque et cepit trecentas vulpes caudasque earum iunxit ad caudas et faces ligavit in medio
Cantique 2.15 Psaumes 63.10 Lamentations 5.18
⁵ quas igne succendens dimisit ut huc illucque discurrerent quae statim perrexerunt in segetes Philisthinorum quibus succensis et conportatae iam fruges et adhuc stantes in stipula concrematae sunt in tantum ut vineas quoque et oliveta flamma consumeret
2 Samuel 14.30 Exode 22.6
⁶ dixeruntque Philisthim quis fecit hanc rem quibus dictum est Samson gener Thamnathei quia tulit uxorem eius et alteri tradidit haec operatus est ascenderuntque Philisthim et conbuserunt tam mulierem quam patrem eius
Juges 14.15 1 Thessaloniciens 4.6 Proverbes 22.8 Juges 12.1
⁷ quibus ait Samson licet haec feceritis tamen adhuc ex vobis expetam ultionem et tunc quiescam
Juges 14.19 Juges 14.4 Romains 12.19
⁸ percussitque eos ingenti plaga ita ut stupentes suram femori inponerent et descendens habitavit in spelunca petrae Aetham
Esaïe 63.3 Esaïe 25.10 Esaïe 63.6
⁹ igitur ascendentes Philisthim in terra Iuda castrametati sunt et in loco qui postea vocatus est Lehi id est Maxilla eorum est fusus exercitus
Juges 15.17 Juges 15.19 Juges 15.14
¹⁰ dixeruntque ad eos de tribu Iuda cur ascendistis adversum nos qui responderunt ut ligemus Samson venimus et reddamus ei quae in nos operatus est
¹¹ descenderunt ergo tria milia virorum de Iuda ad specum silicis Aetham dixeruntque ad Samson nescis quod Philisthim imperent nobis quare hoc facere voluisti quibus ille ait sicut fecerunt mihi feci eis
Juges 14.4 Juges 13.1 Deutéronome 28.47-28.48 Deutéronome 28.13 Psaumes 106.40-106.42
¹² ligare inquiunt te venimus et tradere in manus Philisthinorum iurate respondit mihi quod non me occidatis
Matthieu 27.2 1 Rois 2.34 Actes 7.25 1 Rois 2.25 Juges 8.21
¹³ dixerunt non te occidimus sed vinctum tradimus ligaveruntque eum duobus novis funibus et tulerunt de petra Aetham
¹⁴ qui cum venisset ad locum Maxillae et Philisthim vociferantes occurrissent ei inruit spiritus Domini in eum et sicut solent ad odorem ignis lina consumi ita vincula quibus ligatus erat dissipata sunt et soluta
Juges 14.19 Juges 3.10 1 Samuel 11.6 Juges 14.6 Juges 16.24
¹⁵ inventamque maxillam id est mandibulam asini quae iacebat arripiens interfecit in ea mille viros
Lévitique 26.8 Josué 23.10 Juges 3.31 1 Samuel 17.49-17.50 1 Samuel 14.14
¹⁶ et ait in maxilla asini in mandibula pulli asinarum delevi eos et percussi mille viros
¹⁷ cumque haec canens verba conplesset proiecit mandibulam de manu et vocavit nomen loci illius Ramathlehi quod interpretatur elevatio Maxillae
¹⁸ sitiensque valde clamavit ad Dominum et ait tu dedisti in manu servi tui salutem hanc maximam atque victoriam et en siti morior incidamque in manus incircumcisorum
Psaumes 22.14-22.15 1 Samuel 17.26 Hébreux 11.32 Genèse 32.31 2 Corinthiens 12.7-12.8
¹⁹ aperuit itaque Dominus molarem dentem in maxilla asini et egressae sunt ex eo aquae quibus haustis refocilavit spiritum et vires recepit idcirco appellatum est nomen loci illius Fons invocantis de maxilla usque in praesentem diem
Genèse 45.27 Esaïe 41.17-41.18 Exode 17.15 Genèse 30.30 Psaumes 120.1
²⁰ iudicavitque Israhel in diebus Philisthim viginti annis
Juges 13.1 Juges 16.31 Juges 13.5 Hébreux 11.32