Psaumes 144
Biblia Hebraica Stuttgartensia

¹ לְדָוִ֨ד׀ בָּ֘ר֤וּךְ יְהוָ֨ה׀ צוּרִ֗י הַֽמְלַמֵּ֣ד יָדַ֣י לַקְרָ֑ב אֶ֝צְבְּעֹותַ֗י לַמִּלְחָמָֽה׃ Psaumes 18.34 Psaumes 18.2 Psaumes 44.3-44.4 Ephésiens 6.10-6.11 2 Samuel 22.35
² חַסְדִּ֥י וּמְצוּדָתִי֮ מִשְׂגַּבִּ֪י וּֽמְפַלְטִ֫י לִ֥י מָ֭גִנִּי וּבֹ֣ו חָסִ֑יתִי הָרֹודֵ֖ד עַמִּ֣י תַחְתָּֽי׃ Psaumes 18.2 Psaumes 91.2 Psaumes 59.9 2 Samuel 22.2-22.3 Psaumes 18.47
³ יְֽהוָ֗ה מָה־אָ֭דָם וַתֵּדָעֵ֑הוּ בֶּן־אֱ֝נֹ֗ושׁ וַֽתְּחַשְּׁבֵֽהוּ׃ Psaumes 8.4 Hébreux 2.6 Job 7.17 Psaumes 146.3-146.4 Job 15.14
⁴ אָ֭דָם לַהֶ֣בֶל דָּמָ֑ה יָ֝מָ֗יו כְּצֵ֣ל עֹובֵֽר׃ Psaumes 102.11 Psaumes 109.23 Job 8.9 Psaumes 62.9 Job 14.1-14.3
⁵ יְ֭הוָה הַט־שָׁמֶ֣יךָ וְתֵרֵ֑ד גַּ֖ע בֶּהָרִ֣ים וְֽיֶעֱשָֽׁנוּ׃ Psaumes 18.9 Psaumes 104.32 Hébreux 12.18 Exode 19.18 Esaïe 64.1-64.2
⁶ בְּרֹ֣וק בָּ֭רָק וּתְפִיצֵ֑ם שְׁלַ֥ח חִ֝צֶּ֗יךָ וּתְהֻמֵּֽם׃ Deutéronome 32.23 Deutéronome 32.42 Psaumes 18.13-18.14 Psaumes 45.5 Psaumes 7.12-7.13
⁷ שְׁלַ֥ח יָדֶ֗יךָ מִמָּ֫רֹ֥ום פְּצֵ֣נִי וְ֭הַצִּילֵנִי מִמַּ֣יִם רַבִּ֑ים מִ֝יַּ֗ד בְּנֵ֣י נֵכָֽר׃ Psaumes 18.16 Psaumes 69.1-69.2 Apocalypse 17.15 2 Samuel 22.17 Psaumes 54.3
⁸ אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃ Psaumes 12.2 Psaumes 41.6 Esaïe 44.20 Psaumes 62.4 Genèse 14.22
⁹ אֱֽלֹהִ֗ים שִׁ֣יר חָ֭דָשׁ אָשִׁ֣ירָה לָּ֑ךְ בְּנֵ֥בֶל עָ֝שֹׂ֗ור אֲזַמְּרָה־לָּֽךְ׃ Psaumes 33.2-33.3 Psaumes 40.3 Psaumes 108.2-108.3 Psaumes 149.1 Psaumes 150.3-150.5
¹⁰ הַנֹּותֵ֥ן תְּשׁוּעָ֗ה לַמְּלָ֫כִ֥ים הַ֭פֹּוצֶה אֶת־דָּוִ֥ד עַבְדֹּ֗ו מֵחֶ֥רֶב רָעָֽה׃ Psaumes 18.50 Psaumes 140.7 Psaumes 33.16-33.18 2 Samuel 21.16-21.17 1 Samuel 17.45-17.46
¹¹ פְּצֵ֥נִי וְהַצִּילֵנִי֮ מִיַּ֪ד בְּֽנֵי־נֵ֫כָ֥ר אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃ 2 Samuel 16.5-16.14 2 Samuel 10.6-10.19 Psaumes 12.2 Psaumes 144.7-144.8 2 Samuel 17.1-17.14
¹² אֲשֶׁ֤ר בָּנֵ֨ינוּ׀ כִּנְטִעִים֮ מְגֻדָּלִ֪ים בִּֽנְעוּרֵ֫יהֶ֥ם בְּנֹותֵ֥ינוּ כְזָוִיֹּ֑ת מְ֝חֻטָּבֹ֗ות תַּבְנִ֥ית הֵיכָֽל׃ Psaumes 128.3 Psaumes 127.4-127.5 Job 42.15 Cantique 8.8-8.9 1 Pierre 3.3-3.6
¹³ מְזָוֵ֣ינוּ מְלֵאִים֮ מְפִיקִ֥ים מִזַּ֗ן אֶ֫ל־זַ֥ן צֹאונֵ֣נוּ מַ֭אֲלִיפֹות מְרֻבָּבֹ֗ות בְּחוּצֹותֵֽינוּ׃ Lévitique 26.5 Genèse 30.29-30.31 Lévitique 26.10 Psaumes 107.37-107.38 Deutéronome 28.4
¹⁴ אַלּוּפֵ֗ינוּ מְֽסֻבָּ֫לִ֥ים אֵֽין־פֶּ֭רֶץ וְאֵ֣ין יֹוצֵ֑את וְאֵ֥ין צְ֝וָחָ֗ה בִּרְחֹבֹתֵֽינוּ׃ Lamentations 1.4-1.6 Zacharie 8.3-8.5 Deutéronome 28.7 Jérémie 14.18 Juges 5.8
¹⁵ אַשְׁרֵ֣י הָ֭עָם שֶׁכָּ֣כָה לֹּ֑ו אַֽשְׁרֵ֥י הָ֝עָ֗ם שֶׁיֲהוָ֥ה אֱלֹהָֽיו׃ Psaumes 33.12 Psaumes 146.5 Deutéronome 33.29 Ephésiens 1.3 Psaumes 89.15