Psaumes 17.8
Biblia Hebraica Stuttgartensia

¹ תְּפִלָּ֗ה לְדָ֫וִ֥ד שִׁמְעָ֤ה יְהוָ֨ה׀ צֶ֗דֶק הַקְשִׁ֥יבָה רִנָּתִ֗י הַאֲזִ֥ינָה תְפִלָּתִ֑י בְּ֝לֹ֗א שִׂפְתֵ֥י מִרְמָֽה׃Psaumes 142.6 Psaumes 61.1 Psaumes 86.1 Psaumes 7.8 Psaumes 43.1
² מִ֭לְּפָנֶיךָ מִשְׁפָּטִ֣י יֵצֵ֑א עֵ֝ינֶ֗יךָ תֶּחֱזֶ֥ינָה מֵישָׁרִֽים׃Psaumes 37.6 Ezéchiel 18.25 Jude 1.24 Ezéchiel 33.17 Ezéchiel 33.20
³ בָּ֘חַ֤נְתָּ לִבִּ֨י׀ פָּ֘קַ֤דְתָּ לַּ֗יְלָה צְרַפְתַּ֥נִי בַל־תִּמְצָ֑א זַ֝מֹּתִ֗י בַּל־יַעֲבָר־פִּֽי׃Job 23.10 1 Pierre 1.7 Psaumes 39.1 Psaumes 66.10 Zacharie 13.9
⁴ לִפְעֻלֹּ֣ות אָ֭דָם בִּדְבַ֣ר שְׂפָתֶ֑יךָ אֲנִ֥י שָׁ֝מַ֗רְתִּי אָרְחֹ֥ות פָּרִֽיץ׃Job 31.33 Psaumes 119.9-119.11 Jean 17.17 Psaumes 14.1-14.3 1 Corinthiens 3.3
⁵ תָּמֹ֣ךְ אֲ֭שֻׁרַי בְּמַעְגְּלֹותֶ֑יךָ בַּל־נָמֹ֥וטּוּ פְעָמָֽי׃Psaumes 18.36 Psaumes 119.133 Psaumes 44.18 Psaumes 119.116-119.117 Psaumes 38.16
⁶ אֲנִֽי־קְרָאתִ֣יךָ כִֽי־תַעֲנֵ֣נִי אֵ֑ל הַֽט־אָזְנְךָ֥ לִ֝֗י שְׁמַ֣ע אִמְרָתִֽי׃Psaumes 116.2 Psaumes 86.7 Psaumes 66.19-66.20 Psaumes 13.3-13.4 Daniel 9.17-9.19
⁷ הַפְלֵ֣ה חֲ֭סָדֶיךָ מֹושִׁ֣יעַ חֹוסִ֑ים מִ֝מִּתְקֹומְמִ֗ים בִּֽימִינֶֽךָ׃Psaumes 31.21 Psaumes 20.6 Psaumes 78.12 Psaumes 60.5 Actes 2.33
⁸ שָׁ֭מְרֵנִי כְּאִישֹׁ֣ון בַּת־עָ֑יִן בְּצֵ֥ל כְּ֝נָפֶ֗יךָ תַּסְתִּירֵֽנִי׃Deutéronome 32.10 Psaumes 36.7 Psaumes 63.7 Psaumes 91.1 Psaumes 57.1
⁹ מִפְּנֵ֣י רְ֭שָׁעִים ז֣וּ שַׁדּ֑וּנִי אֹיְבַ֥י בְּ֝נֶ֗פֶשׁ יַקִּ֥יפוּ עָלָֽי׃1 Chroniques 17.9 Psaumes 35.4 1 Samuel 24.11 Psaumes 7.5 Psaumes 31.20
¹⁰ חֶלְבָּ֥מֹו סָּגְר֑וּ פִּ֝֗ימֹו דִּבְּר֥וּ בְגֵאֽוּת׃1 Samuel 2.3 Psaumes 31.18 Job 15.27 Psaumes 119.70 2 Pierre 2.18
¹¹ אַ֭שֻּׁרֵינוּ עַתָּ֣ה סְבָב֑וּנוּ עֵינֵיהֶ֥ם יָ֝שִׁ֗יתוּ לִנְטֹ֥ות בָּאָֽרֶץ׃Psaumes 10.8-10.10 1 Samuel 26.2-26.3 1 Samuel 24.2-24.3 Psaumes 37.14 1 Samuel 23.26
¹² דִּמְיֹנֹ֗ו כְּ֭אַרְיֵה יִכְסֹ֣וף לִטְרֹ֑וף וְ֝כִכְפִ֗יר יֹשֵׁ֥ב בְּמִסְתָּרִֽים׃Psaumes 7.2 Psaumes 10.9 Psaumes 22.13 1 Pierre 5.8 2 Timothée 4.17
¹³ קוּמָ֤ה יְהוָ֗ה קַדְּמָ֣ה פָ֭נָיו הַכְרִיעֵ֑הוּ פַּלְּטָ֥ה נַ֝פְשִׁ֗י מֵרָשָׁ֥ע חַרְבֶּֽךָ׃Psaumes 3.7 Psaumes 44.26 Actes 4.28 Psaumes 119.126 Esaïe 10.15
¹⁴ מִֽמְתִ֥ים יָדְךָ֨׀ יְהוָ֡ה מִֽמְתִ֬ים מֵחֶ֗לֶד חֶלְקָ֥ם בַּֽחַיִּים֮ וּֽצְפוּנְךָ֮ תְּמַלֵּ֪א בִ֫טְנָ֥ם יִשְׂבְּע֥וּ בָנִ֑ים וְהִנִּ֥יחוּ יִ֝תְרָ֗ם לְעֹולְלֵיהֶֽם׃Luc 16.25 Luc 16.8 Jean 17.14 Jean 15.19 Luc 12.19-12.21
¹⁵ אֲנִ֗י בְּ֭צֶדֶק אֶחֱזֶ֣ה פָנֶ֑יךָ אֶשְׂבְּעָ֥ה בְ֝הָקִ֗יץ תְּמוּנָתֶֽךָ׃Psaumes 16.11 Psaumes 11.7 Philippiens 3.21 Apocalypse 21.23 Esaïe 26.19