Psaumes 62.7
Biblia Hebraica Stuttgartensia

Dieu le seul refuge

¹ לַמְנַצֵּ֥חַ עַֽל־יְדוּת֗וּן מִזְמֹ֥ור לְדָוִֽד׃
Psaumes 37.7 Psaumes 33.20 Psaumes 37.39 Psaumes 121.2 Psaumes 123.2
² (62.1) אַ֣ךְ אֶל־אֱ֭לֹהִים דּֽוּמִיָּ֣ה נַפְשִׁ֑י מִ֝מֶּ֗נּוּ יְשׁוּעָתִֽי׃
Psaumes 18.2 Psaumes 59.17 Psaumes 62.6 2 Corinthiens 4.8-4.9 Psaumes 73.25-73.26
³ (62.2) אַךְ־ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹא־אֶמֹּ֥וט רַבָּֽה׃
Jérémie 4.14 Psaumes 140.2 Psaumes 38.12 Proverbes 1.22 Psaumes 82.2
⁴ (62.3) עַד־אָ֤נָה׀ תְּהֹֽותְת֣וּ עַל אִישׁ֮ תְּרָצְּח֪וּ כֻ֫לְּכֶ֥ם כְּקִ֥יר נָט֑וּי גָּ֝דֵ֗ר הַדְּחוּיָֽה׃
Psaumes 28.3 Psaumes 55.21 Psaumes 5.9 Proverbes 13.5 Matthieu 22.34-22.35
⁵ (62.4) אַ֤ךְ מִשְּׂאֵתֹ֨ו׀ יָעֲצ֣וּ לְהַדִּיחַ֮ יִרְצ֪וּ כָ֫זָ֥ב בְּפִ֥יו יְבָרֵ֑כוּ וּ֝בְקִרְבָּ֗ם יְקַלְלוּ־סֶֽלָה׃
Psaumes 27.13-27.14 Michée 7.7 Psaumes 71.5 Psaumes 104.1 Psaumes 146.1
⁶ (62.5) אַ֣ךְ לֵ֭אלֹהִים דֹּ֣ומִּי נַפְשִׁ֑י כִּי־מִ֝מֶּ֗נּוּ תִּקְוָתִֽי׃
Psaumes 62.2 Psaumes 112.6 Psaumes 16.8 Proverbes 12.7 Osée 1.7
⁷ (62.6) אַךְ־ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹ֣א אֶמֹּֽוט׃
Jérémie 3.23 Psaumes 85.9 Esaïe 45.25 Psaumes 94.22 Psaumes 3.3
⁸ (62.7) עַל־אֱ֭לֹהִים יִשְׁעִ֣י וּכְבֹודִ֑י צוּר־עֻזִּ֥י מַ֝חְסִ֗י בֵּֽאלֹהִֽים׃
Lamentations 2.19 Philippiens 4.6 1 Samuel 1.15 Psaumes 142.2 Psaumes 42.4
⁹ (62.8) בִּטְח֘וּ בֹ֤ו בְכָל־עֵ֨ת׀ עָ֗ם שִׁפְכֽוּ־לְפָנָ֥יו לְבַבְכֶ֑ם אֱלֹהִ֖ים מַחֲסֶה־לָּ֣נוּ סֶֽלָה׃
Psaumes 39.5 Esaïe 40.15 Esaïe 40.17 Psaumes 39.11 Psaumes 116.11
¹⁰ (62.9) אַ֤ךְ׀ הֶ֥בֶל בְּנֵֽי־אָדָם֮ כָּזָ֪ב בְּנֵ֫י אִ֥ישׁ בְּמֹאזְנַ֥יִם לַעֲלֹ֑ות הֵ֝֗מָּה מֵהֶ֥בֶל יָֽחַד׃
Esaïe 30.12 Psaumes 52.7 Marc 10.23 1 Timothée 6.17 Deutéronome 8.12-8.14
¹¹ (62.10) אַל־תִּבְטְח֣וּ בְעֹשֶׁק֮ וּבְגָזֵ֪ל אַל־תֶּ֫הְבָּ֥לוּ חַ֤יִל׀ כִּֽי־יָנ֑וּב אַל־תָּשִׁ֥יתוּ לֵֽב׃
Apocalypse 19.1 Psaumes 68.34-68.35 Esaïe 26.4 Job 33.14 Job 40.5
¹² (62.11) אַחַ֤ת׀ דִּבֶּ֬ר אֱלֹהִ֗ים שְׁתַּֽיִם־ז֥וּ שָׁמָ֑עְתִּי כִּ֥י עֹ֝֗ז לֵאלֹהִֽים׃
Job 34.11 Matthieu 16.27 Psaumes 103.8 Daniel 9.9 1 Corinthiens 3.8
¹³ (62.12) וּלְךָֽ־אֲדֹנָ֥י חָ֑סֶד כִּֽי־אַתָּ֨ה תְשַׁלֵּ֖ם לְאִ֣ישׁ כְּֽמַעֲשֵֽׂהוּ׃