Esaïe 47.8
Septante

Jugement de Babylone

¹ κατάβηθι κάθισον ἐπὶ τὴν γῆν παρθένος θυγάτηρ Βαβυλῶνος εἴσελθε εἰς τὸ σκότος θυγάτηρ Χαλδαίων ὅτι οὐκέτι προστεθήσῃ κληθῆναι ἁπαλὴ καὶ τρυφερά.
Zacharie 2.7 Psaumes 137.8 Jérémie 51.33 Jérémie 46.11 Esaïe 3.26
² λαβὲ μύλον ἄλεσον ἄλευρον ἀποκάλυψαι τὸ κατακάλυμμά σου ἀνακάλυψαι τὰς πολιάς ἀνάσυραι τὰς κνήμας διάβηθι ποταμούς.
Matthieu 24.41 Juges 16.21 Exode 11.5 Job 31.10 Esaïe 20.4
³ ἀνακαλυφθήσεται ἡ αἰσχύνη σου φανήσονται οἱ ὀνειδισμοί σου τὸ δίκαιον ἐκ σοῦ λήμψομαι οὐκέτι μὴ παραδῶ ἀνθρώποις.
Nahum 3.5 Jérémie 51.4 Deutéronome 32.35 Apocalypse 6.9-6.10 Esaïe 59.17-59.18
⁴ εἶπεν ὁ ῥυσάμενός σε κύριος σαβαωθ ὄνομα αὐτῷ ἅγιος Ισραηλ.
Esaïe 43.14 Esaïe 41.14 Jérémie 50.33-50.34 Esaïe 44.6 Esaïe 54.5
⁵ κάθισον κατανενυγμένη εἴσελθε εἰς τὸ σκότος θυγάτηρ Χαλδαίων οὐκέτι μὴ κληθῇς ἰσχὺς βασιλείας.
Esaïe 47.7 Lamentations 1.1 Matthieu 22.12-22.13 Zacharie 2.13 Esaïe 14.23
⁶ παρωξύνθην ἐπὶ τῷ λαῷ μου ἐμίανας τὴν κληρονομίαν μου ἐγὼ ἔδωκα εἰς τὴν χεῖρά σου σὺ δὲ οὐκ ἔδωκας αὐτοῖς ἔλεος τοῦ πρεσβυτέρου ἐβάρυνας τὸν ζυγὸν σφόδρα.
Zacharie 1.15 2 Chroniques 28.9 Abdias 1.16 Abdias 1.10 Esaïe 14.17
⁷ καὶ εἶπας εἰς τὸν αἰῶνα ἔσομαι ἄρχουσα οὐκ ἐνόησας ταῦτα ἐν τῇ καρδίᾳ σου οὐδὲ ἐμνήσθης τὰ ἔσχατα.
Esaïe 47.5 Deutéronome 32.29 Jérémie 5.31 Esaïe 42.25 Ezéchiel 29.3
⁸ νῦν δὲ ἄκουσον ταῦτα ἡ τρυφερὰ ἡ καθημένη πεποιθυῖα ἡ λέγουσα ἐν τῇ καρδίᾳ αὐτῆς ἐγώ εἰμι καὶ οὐκ ἔστιν ἑτέρα οὐ καθιῶ χήρα οὐδὲ γνώσομαι ὀρφανείαν.
Sophonie 2.15 Esaïe 32.9 Jérémie 50.11 Esaïe 47.10 Esaïe 45.6
⁹ νῦν δὲ ἥξει ἐξαίφνης ἐπὶ σὲ τὰ δύο ταῦτα ἐν μιᾷ ἡμέρᾳ χηρεία καὶ ἀτεκνία ἥξει ἐξαίφνης ἐπὶ σὲ ἐν τῇ φαρμακείᾳ σου ἐν τῇ ἰσχύι τῶν ἐπαοιδῶν σου σφόδρα.
Nahum 3.4 1 Thessaloniciens 5.3 Psaumes 73.19 Esaïe 47.12-47.13 Apocalypse 18.8-18.10
¹⁰ τῇ ἐλπίδι τῆς πονηρίας σου σὺ γὰρ εἶπας ἐγώ εἰμι καὶ οὐκ ἔστιν ἑτέρα γνῶθι ὅτι ἡ σύνεσις τούτων καὶ ἡ πορνεία σου ἔσται σοι αἰσχύνη καὶ εἶπας τῇ καρδίᾳ σου ἐγώ εἰμι καὶ οὐκ ἔστιν ἑτέρα.
Esaïe 5.21 Esaïe 29.15 Psaumes 52.7 Ezéchiel 8.12 Ezéchiel 9.9
¹¹ καὶ ἥξει ἐπὶ σὲ ἀπώλεια καὶ οὐ μὴ γνῷς βόθυνος καὶ ἐμπεσῇ εἰς αὐτόν καὶ ἥξει ἐπὶ σὲ ταλαιπωρία καὶ οὐ μὴ δυνήσῃ καθαρὰ γενέσθαι καὶ ἥξει ἐπὶ σὲ ἐξαπίνης ἀπώλεια καὶ οὐ μὴ γνῷς.
1 Thessaloniciens 5.3 Jérémie 51.39-51.42 Exode 12.29-12.30 Daniel 5.25-5.30 Matthieu 18.34
¹² στῆθι νῦν ἐν ταῖς ἐπαοιδαῖς σου καὶ τῇ πολλῇ φαρμακείᾳ σου ἃ ἐμάνθανες ἐκ νεότητός σου εἰ δυνήσῃ ὠφεληθῆναι.
Esaïe 44.25 Exode 9.11 Apocalypse 17.4-17.6 Esaïe 8.19 Exode 7.11
¹³ κεκοπίακας ἐν ταῖς βουλαῖς σου στήτωσαν καὶ σωσάτωσάν σε οἱ ἀστρολόγοι τοῦ οὐρανοῦ οἱ ὁρῶντες τοὺς ἀστέρας ἀναγγειλάτωσάν σοι τί μέλλει ἐπὶ σὲ ἔρχεσθαι.
Esaïe 44.25 Jérémie 51.58 Esaïe 57.10 Daniel 5.30 Daniel 5.7-5.8
¹⁴ ἰδοὺ πάντες ὡς φρύγανα ἐπὶ πυρὶ κατακαήσονται καὶ οὐ μὴ ἐξέλωνται τὴν ψυχὴν αὐτῶν ἐκ φλογός ὅτι ἔχεις ἄνθρακας πυρός κάθισαι ἐπ’ αὐτούς.
Nahum 1.10 Malachie 4.1 Matthieu 10.28 Esaïe 10.17 Esaïe 41.2
¹⁵ οὗτοι ἔσονταί σοι βοήθεια ἐκοπίασας ἐν τῇ μεταβολῇ σου ἐκ νεότητος ἄνθρωπος καθ’ ἑαυτὸν ἐπλανήθη σοὶ δὲ οὐκ ἔσται σωτηρία.
Ezéchiel 27.12-27.25 Apocalypse 18.11-18.19 Esaïe 56.11 Jérémie 51.6-51.9