Esaïe 62.4
Septante

Le salut de Jérusalem

¹ διὰ Σιων οὐ σιωπήσομαι καὶ διὰ Ιερουσαλημ οὐκ ἀνήσω ἕως ἂν ἐξέλθῃ ὡς φῶς ἡ δικαιοσύνη μου τὸ δὲ σωτήριόν μου ὡς λαμπὰς καυθήσεται.
Esaïe 62.6-62.7 Proverbes 4.18 1 Pierre 2.9 Psaumes 102.13-102.16 Luc 2.30-2.32
² καὶ ὄψονται ἔθνη τὴν δικαιοσύνην σου καὶ βασιλεῖς τὴν δόξαν σου καὶ καλέσει σε τὸ ὄνομά σου τὸ καινόν ὃ ὁ κύριος ὀνομάσει αὐτό.
Esaïe 62.12 Esaïe 62.4 Genèse 17.15 Esaïe 65.15 Genèse 17.5
³ καὶ ἔσῃ στέφανος κάλλους ἐν χειρὶ κυρίου καὶ διάδημα βασιλείας ἐν χειρὶ θεοῦ σου.
Zacharie 9.16 1 Thessaloniciens 2.19 Esaïe 28.5 Luc 2.14
⁴ καὶ οὐκέτι κληθήσῃ καταλελειμμένη καὶ ἡ γῆ σου οὐ κληθήσεται ἔρημος σοὶ γὰρ κληθήσεται θέλημα ἐμόν καὶ τῇ γῇ σου οἰκουμένη.
Sophonie 3.17 Jérémie 32.41 Esaïe 54.1 Osée 2.19-2.20 1 Pierre 2.10
⁵ καὶ ὡς συνοικῶν νεανίσκος παρθένῳ οὕτως κατοικήσουσιν οἱ υἱοί σου μετὰ σοῦ καὶ ἔσται ὃν τρόπον εὐφρανθήσεται νυμφίος ἐπὶ νύμφῃ οὕτως εὐφρανθήσεται κύριος ἐπὶ σοί.
Esaïe 65.19 Hébreux 12.2 Jérémie 32.41 Esaïe 49.18-49.22 Psaumes 45.11-45.16
⁶ καὶ ἐπὶ τῶν τειχέων σου Ιερουσαλημ κατέστησα φύλακας ὅλην τὴν ἡμέραν καὶ ὅλην τὴν νύκτα οἳ διὰ τέλους οὐ σιωπήσονται μιμνῃσκόμενοι κυρίου.
Esaïe 52.8 Esaïe 56.10 2 Chroniques 8.14 Jérémie 6.17 Ezéchiel 3.17-3.21
⁷ οὐκ ἔστιν γὰρ ὑμῖν ὅμοιος ἐὰν διορθώσῃ καὶ ποιήσῃ Ιερουσαλημ ἀγαυρίαμα ἐπὶ τῆς γῆς.
Sophonie 3.19-3.20 Jérémie 33.9 Luc 18.1-18.8 Apocalypse 11.15 Esaïe 60.18
⁸ ὤμοσεν κύριος κατὰ τῆς δεξιᾶς αὐτοῦ καὶ κατὰ τῆς ἰσχύος τοῦ βραχίονος αὐτοῦ εἰ ἔτι δώσω τὸν σῖτόν σου καὶ τὰ βρώματά σου τοῖς ἐχθροῖς σου καὶ εἰ ἔτι πίονται υἱοὶ ἀλλότριοι τὸν οἶνόν σου ἐφ’ ᾧ ἐμόχθησας.
Deutéronome 28.33 Jérémie 5.17 Esaïe 65.21-65.23 Deutéronome 28.31 Juges 6.3-6.6
⁹ ἀλλ’ ἢ οἱ συνάγοντες φάγονται αὐτὰ καὶ αἰνέσουσιν κύριον καὶ οἱ συνάγοντες πίονται αὐτὰ ἐν ταῖς ἐπαύλεσιν ταῖς ἁγίαις μου.
Deutéronome 12.12 Deutéronome 12.7 Deutéronome 14.23-14.29 Deutéronome 16.14 Deutéronome 16.11
¹⁰ πορεύεσθε διὰ τῶν πυλῶν μου καὶ ὁδοποιήσατε τῷ λαῷ μου καὶ τοὺς λίθους τοὺς ἐκ τῆς ὁδοῦ διαρρίψατε ἐξάρατε σύσσημον εἰς τὰ ἔθνη.
Esaïe 57.14 Esaïe 49.22 Esaïe 11.10 Esaïe 40.3 Hébreux 12.13
¹¹ ἰδοὺ γὰρ κύριος ἐποίησεν ἀκουστὸν ἕως ἐσχάτου τῆς γῆς εἴπατε τῇ θυγατρὶ Σιων ἰδού σοι ὁ σωτὴρ παραγίνεται ἔχων τὸν ἑαυτοῦ μισθὸν καὶ τὸ ἔργον πρὸ προσώπου αὐτοῦ.
Zacharie 9.9 Matthieu 21.5 Apocalypse 22.12 Esaïe 40.9-40.10 Jean 12.15
¹² καὶ καλέσει αὐτὸν λαὸν ἅγιον λελυτρωμένον ὑπὸ κυρίου σὺ δὲ κληθήσῃ ἐπιζητουμένη πόλις καὶ οὐκ ἐγκαταλελειμμένη.
1 Pierre 2.9 Esaïe 62.4 Deutéronome 26.19 Esaïe 35.9 Deutéronome 7.6