Jérémie 1
Septante

Prophéties sur Juda

Appel et mission de Jérémie

1 τὸ ῥῆμα τοῦ θεοῦ ὃ ἐγένετο ἐπὶ Ιερεμιαν τὸν τοῦ Χελκιου ἐκ τῶν ἱερέων ὃς κατῴκει ἐν Αναθωθ ἐν γῇ Βενιαμιν.
1 Chroniques 6.60 Jérémie 11.21 Ezéchiel 1.3 2 Chroniques 36.21 Jérémie 32.7-32.9
2 ὃς ἐγενήθη λόγος τοῦ θεοῦ πρὸς αὐτὸν ἐν ταῖς ἡμέραις Ιωσια υἱοῦ Αμως βασιλέως Ιουδα ἔτους τρισκαιδεκάτου ἐν τῇ βασιλείᾳ αὐτοῦ.
Michée 1.1 Jonas 1.1 Jérémie 25.3 Jérémie 1.11 Jérémie 1.4
3 καὶ ἐγένετο ἐν ταῖς ἡμέραις Ιωακιμ υἱοῦ Ιωσια βασιλέως Ιουδα ἕως ἑνδεκάτου ἔτους Σεδεκια υἱοῦ Ιωσια βασιλέως Ιουδα ἕως τῆς αἰχμαλωσίας Ιερουσαλημ ἐν τῷ πέμπτῳ μηνί.
2 Chroniques 36.5-36.8 Jérémie 39.2 2 Rois 23.34 Jérémie 52.1-52.34 2 Chroniques 36.11-36.21
4 καὶ ἐγένετο λόγος κυρίου πρός με λέγων.
Ezéchiel 3.16 Ezéchiel 1.3 Jérémie 1.2
5 πρὸ τοῦ με πλάσαι σε ἐν κοιλίᾳ ἐπίσταμαί σε καὶ πρὸ τοῦ σε ἐξελθεῖν ἐκ μήτρας ἡγίακά σε προφήτην εἰς ἔθνη τέθεικά σε.
Esaïe 49.1 Psaumes 139.16 Psaumes 71.5-71.6 Romains 8.29 Galates 1.15-1.16
6 καὶ εἶπα ὦ δέσποτα κύριε ἰδοὺ οὐκ ἐπίσταμαι λαλεῖν ὅτι νεώτερος ἐγώ εἰμι.
Exode 6.12 Jérémie 32.17 Exode 4.10-4.16 1 Rois 3.7-3.9 Jérémie 14.13
7 καὶ εἶπεν κύριος πρός με μὴ λέγε ὅτι νεώτερος ἐγώ εἰμι ὅτι πρὸς πάντας οὓς ἐὰν ἐξαποστείλω σε πορεύσῃ καὶ κατὰ πάντα ὅσα ἐὰν ἐντείλωμαί σοι λαλήσεις.
Nombres 22.20 Ezéchiel 3.27 Marc 16.15-16.16 Matthieu 28.20 Actes 20.27
8 μὴ φοβηθῇς ἀπὸ προσώπου αὐτῶν ὅτι μετὰ σοῦ ἐγώ εἰμι τοῦ ἐξαιρεῖσθαί σε λέγει κύριος.
Josué 1.5 Josué 1.9 Exode 3.12 Luc 12.4-12.5 Jérémie 15.20-15.21
9 καὶ ἐξέτεινεν κύριος τὴν χεῖρα αὐτοῦ πρός με καὶ ἥψατο τοῦ στόματός μου καὶ εἶπεν κύριος πρός με ἰδοὺ δέδωκα τοὺς λόγους μου εἰς τὸ στόμα σου.
Exode 4.11-4.12 Ezéchiel 3.10 Esaïe 51.16 Matthieu 10.19 Exode 4.15-4.16
10 ἰδοὺ κατέστακά σε σήμερον ἐπὶ ἔθνη καὶ βασιλείας ἐκριζοῦν καὶ κατασκάπτειν καὶ ἀπολλύειν καὶ ἀνοικοδομεῖν καὶ καταφυτεύειν.
Jérémie 31.28 2 Corinthiens 10.4-10.5 Jérémie 24.6 Amos 9.11 Jérémie 31.4-31.5
11 καὶ ἐγένετο λόγος κυρίου πρός με λέγων τί σὺ ὁρᾷς Ιερεμια καὶ εἶπα βακτηρίαν καρυΐνην.
Amos 7.8 Amos 8.2 Zacharie 5.2 Zacharie 4.2 Jérémie 24.3
12 καὶ εἶπεν κύριος πρός με καλῶς ἑώρακας διότι ἐγρήγορα ἐγὼ ἐπὶ τοὺς λόγους μου τοῦ ποιῆσαι αὐτούς.
Ezéchiel 12.28 Ezéchiel 12.25 Deutéronome 32.35 Ezéchiel 12.22-12.23 Luc 20.39
13 καὶ ἐγένετο λόγος κυρίου πρός με ἐκ δευτέρου λέγων τί σὺ ὁρᾷς καὶ εἶπα λέβητα ὑποκαιόμενον καὶ τὸ πρόσωπον αὐτοῦ ἀπὸ προσώπου βορρᾶ.
2 Corinthiens 13.1-13.2 Ezéchiel 11.7 Ezéchiel 11.3 Zacharie 4.2 Genèse 41.32
14 καὶ εἶπεν κύριος πρός με ἀπὸ προσώπου βορρᾶ ἐκκαυθήσεται τὰ κακὰ ἐπὶ πάντας τοὺς κατοικοῦντας τὴν γῆν.
Esaïe 41.25 Jérémie 10.22 Jérémie 4.6 Jérémie 46.20 Ezéchiel 1.4
15 διότι ἰδοὺ ἐγὼ συγκαλῶ πάσας τὰς βασιλείας ἀπὸ βορρᾶ τῆς γῆς λέγει κύριος καὶ ἥξουσιν καὶ θήσουσιν ἕκαστος τὸν θρόνον αὐτοῦ ἐπὶ τὰ πρόθυρα τῶν πυλῶν Ιερουσαλημ καὶ ἐπὶ πάντα τὰ τείχη τὰ κύκλῳ αὐτῆς καὶ ἐπὶ πάσας τὰς πόλεις Ιουδα.
Jérémie 4.16 Jérémie 25.9 Jérémie 39.3 Jérémie 9.11 Esaïe 22.7
16 καὶ λαλήσω πρὸς αὐτοὺς μετὰ κρίσεως περὶ πάσης τῆς κακίας αὐτῶν ὡς ἐγκατέλιπόν με καὶ ἔθυσαν θεοῖς ἀλλοτρίοις καὶ προσεκύνησαν τοῖς ἔργοις τῶν χειρῶν αὐτῶν.
Jérémie 7.9 Jérémie 19.4 Deutéronome 28.20 Esaïe 2.8 Jérémie 4.12
17 καὶ σὺ περίζωσαι τὴν ὀσφύν σου καὶ ἀνάστηθι καὶ εἰπὸν πρὸς αὐτοὺς πάντα ὅσα ἂν ἐντείλωμαί σοι μὴ φοβηθῇς ἀπὸ προσώπου αὐτῶν μηδὲ πτοηθῇς ἐναντίον αὐτῶν ὅτι μετὰ σοῦ ἐγώ εἰμι τοῦ ἐξαιρεῖσθαί σε λέγει κύριος.
1 Rois 18.46 Ezéchiel 3.14-3.18 1 Pierre 1.13 Job 38.3 Jérémie 1.7-1.8
18 ἰδοὺ τέθεικά σε ἐν τῇ σήμερον ἡμέρᾳ ὡς πόλιν ὀχυρὰν καὶ ὡς τεῖχος χαλκοῦν ὀχυρὸν ἅπασιν τοῖς βασιλεῦσιν Ιουδα καὶ τοῖς ἄρχουσιν αὐτοῦ καὶ τῷ λαῷ τῆς γῆς.
Jérémie 6.27 Esaïe 50.7 Jérémie 15.20 Ezéchiel 3.8-3.9 Jérémie 36.27-36.32
19 καὶ πολεμήσουσίν σε καὶ οὐ μὴ δύνωνται πρὸς σέ διότι μετὰ σοῦ ἐγώ εἰμι τοῦ ἐξαιρεῖσθαί σε εἶπεν κύριος.
Josué 1.9 Jérémie 1.8 Jérémie 20.11 Psaumes 129.2 Jérémie 20.1-20.6