Psaumes 81.9
Bible en Swahili de l’est

Invitation à écouter le Seigneur

¹ Mwimbieni Mungu, nguvu zetu, nyimbo za furaha, Mshangilieni Mungu wa Yakobo.
² Pazeni zaburi, pigeni matari, Kinubi chenye sauti nzuri, na kinanda.
³ Pigeni panda mwandamo wa mwezi, Wakati wa mbalamwezi, sikukuu yetu.
⁴ Kwa maana ni sheria kwa Israeli, Ni hukumu ya Mungu wa Yakobo.
⁵ Aliamuru iwe ushuhuda katika Yusufu, Alipoondoka juu ya nchi ya Misri; Maneno yake nisiyemjua naliyasikia.
⁶ Nimelitenga bega lake na mzigo, Mikono yake ikaachana na kikapu.
⁷ Katika shida uliniita nikakuokoa; Nalikuitikia katika sitara ya radi; Nalikujaribu penye maji ya Meriba.
⁸ Enyi watu wangu, sikieni, nami nitawaonya, Ee Israeli, kama ukitaka kunisikiliza;
⁹ Usiwe na mungu mgeni ndani yako; Wala usimsujudie mungu mwingine.
¹⁰ Mimi ndimi Bwana, Mungu wako, Niliyekupandisha toka nchi ya Misri; Fumbua sana kinywa chako nami nitakijaza.
¹¹ Lakini watu wangu hawakuisikiliza sauti yangu, Wala Israeli hawakunitaka.
¹² Nikawaacha wakaenda kwa ukaidi wa mioyo yao, Waenende katika mashauri yao.
¹³ Laiti watu wangu wangenisikiliza, Na Israeli angeenenda katika njia zangu;
¹⁴ Ningewadhili adui zao kwa upesi, Na juu ya watesi wao ningegeuza mkono wangu;
¹⁵ Wamchukiao Bwana wangenyenyekea mbele zake, Bali wakati wao ungedumu milele.
¹⁶ Naam, ningewalisha kwa unono wa ngano, Ningewashibisha kwa asali itokayo mwambani.