Esther 4.8
Vulgate

Démarche de Mardochée auprès d’Esther

¹ quae cum audisset Mardocheus scidit vestimenta sua et indutus est sacco spargens cinerem capiti et in platea mediae civitatis voce magna clamabat ostendens amaritudinem animi sui
2 Samuel 13.19 Ezéchiel 27.30-27.31 Daniel 9.3 2 Samuel 1.11 Esaïe 22.4
² et hoc heiulatu usque ad fores palatii gradiens non enim erat licitum indutum sacco aulam regis intrare
³ in omnibus quoque provinciis oppidis ac locis ad quae crudele regis dogma pervenerat planctus ingens erat apud Iudaeos ieiunium ululatus et fletus sacco et cinere multis pro strato utentibus
Esaïe 22.4 Daniel 9.3 Esaïe 22.12 Esaïe 58.5 1 Samuel 11.4
⁴ ingressae sunt autem puellae Hester et eunuchi nuntiaveruntque ei quod audiens consternata est et misit vestem ut ablato sacco induerent eum quam accipere noluit
Psaumes 77.2 1 Samuel 8.15 Genèse 37.35 Esther 1.12 Actes 8.27
⁵ accitoque Athac eunucho quem rex ministrum ei dederat praecepit ut iret ad Mardocheum et disceret ab eo cur hoc faceret
1 Corinthiens 12.26 Hébreux 4.15 Esther 1.12 Esther 1.10 Romains 12.15
⁶ egressusque Athac ivit ad Mardocheum stantem in platea civitatis ante ostium palatii
Esther 9.12 Esther 7.2 Esther 4.3
⁷ qui indicavit ei omnia quae acciderant quomodo Aman promisisset ut in thesauros regis pro Iudaeorum nece inferret argentum
Esther 3.2-3.15
⁸ exemplarque edicti quod pendebat in Susis dedit ei ut reginae ostenderet et moneret eam ut intraret ad regem et deprecaretur eum pro populo suo
Proverbes 16.14-16.15 Ecclésiaste 10.4 1 Timothée 6.17 Esther 7.3-7.4 Esther 3.14-3.15
⁹ regressus Athac nuntiavit Hester omnia quae Mardocheus dixerat
¹⁰ quae respondit ei et iussit ut diceret Mardocheo
¹¹ omnes servi regis et cunctae quae sub dicione eius sunt norunt provinciae quod sive vir sive mulier invocatus interius atrium regis intraverit absque ulla cunctatione statim interficiatur nisi forte rex auream virgam ad eum tetenderit pro signo clementiae atque ita possit vivere ego igitur quomodo ad regem intrare potero quae triginta iam diebus non sum vocata ad eum
Esther 8.4 Esther 5.1-5.2 Daniel 2.9 Esther 2.14 Esther 6.4
¹² quod cum audisset Mardocheus
¹³ rursum mandavit Hester dicens ne putes quod animam tuam tantum liberes quia in domo regis es prae cunctis Iudaeis
Proverbes 24.10-24.12 Jean 12.25 Philippiens 2.30 Matthieu 16.24-16.25 Hébreux 12.3
¹⁴ si enim nunc silueris per aliam occasionem liberabuntur Iudaei et tu et domus patris tui peribitis et quis novit utrum idcirco ad regnum veneris ut in tali tempore parareris
Genèse 45.4-45.8 Esaïe 54.17 1 Samuel 12.22 Jérémie 46.28 Jérémie 30.11
¹⁵ rursumque Hester haec Mardocheo verba mandavit
¹⁶ vade et congrega omnes Iudaeos quos in Susis reppereris et orate pro me non comedatis et non bibatis tribus diebus ac noctibus et ego cum ancillulis meis similiter ieiunabo et tunc ingrediar ad regem contra legem faciens invocata tradensque me morti et periculo
Joël 2.12-2.17 Actes 20.24 2 Chroniques 20.3 Josué 24.15 Jonas 3.4-3.9
¹⁷ ivit itaque Mardocheus et fecit omnia quae ei Hester praeceperat