Job 7.8
Vulgate

¹ militia est vita hominis super terram et sicut dies mercennarii dies eius
Job 14.5-14.6 Psaumes 39.4 Job 14.13-14.14 Esaïe 38.5 Esaïe 40.2
² sicut servus desiderat umbram et sicut mercennarius praestolatur finem operis sui
Lévitique 19.13 Jérémie 6.4 Deutéronome 24.15 Jacques 5.4 Malachie 3.5
³ sic et ego habui menses vacuos et noctes laboriosas enumeravi mihi
Psaumes 6.6 Ecclésiaste 1.14 Job 16.7 Psaumes 39.5 Job 29.2
⁴ si dormiero dico quando consurgam et rursum expectabo vesperam et replebor doloribus usque ad tenebras
Deutéronome 28.67 Job 7.13-7.14 Esaïe 54.11 Job 30.17 Psaumes 6.6
⁵ induta est caro mea putredine et sordibus pulveris cutis mea aruit et contracta est
Esaïe 14.11 Job 17.14 Job 2.7-2.8 Esaïe 66.24 Ezéchiel 20.43
⁶ dies mei velocius transierunt quam a texente tela succiditur et consumpti sunt absque ulla spe
Job 9.25 Job 17.15 1 Pierre 1.24 Job 17.11 Esaïe 38.12-38.13
⁷ memento quia ventus est vita mea et non revertetur oculus meus ut videat bona
Psaumes 78.39 Jacques 4.14 Psaumes 74.18 Genèse 42.36 Job 10.21-10.22
⁸ nec aspiciet me visus hominis oculi tui in me et non subsistam
Job 20.9 Psaumes 37.36 Job 8.18 Job 13.27 Psaumes 39.11
⁹ sicut consumitur nubes et pertransit sic qui descenderit ad inferos non ascendet
2 Samuel 12.23 Job 16.22 Job 14.10-14.14 Job 30.15 Job 10.21
¹⁰ nec revertetur ultra in domum suam neque cognoscet eum amplius locus eius
Job 8.18 Psaumes 103.16 Job 20.9 Job 27.23 Job 27.21
¹¹ quapropter et ego non parcam ori meo loquar in tribulatione spiritus mei confabulabor cum amaritudine animae meae
Psaumes 40.9 1 Samuel 1.10 Job 10.1 Esaïe 38.15 Job 21.25
¹² numquid mare sum ego aut cetus quia circumdedisti me carcere
Job 38.6-38.11 Ezéchiel 32.2-32.3 Job 41.1-41.34 Lamentations 3.7 Job 7.17
¹³ si dixero consolabitur me lectulus meus et relevabor loquens mecum in strato meo
Psaumes 6.6 Job 9.27-9.28 Job 7.3-7.4 Psaumes 77.4
¹⁴ terrebis me per somnia et per visiones horrore concuties
Daniel 2.1 Genèse 41.8 Juges 7.13-7.14 Matthieu 27.19 Genèse 40.5-40.7
¹⁵ quam ob rem elegit suspendium anima mea et mortem ossa mea
2 Samuel 17.23 Matthieu 27.5
¹⁶ desperavi nequaquam ultra iam vivam parce mihi nihil enim sunt dies mei
Job 10.1 1 Rois 19.4 Job 9.21 Psaumes 39.13 Job 10.20
¹⁷ quid est homo quia magnificas eum aut quia ponis erga eum cor tuum
Hébreux 2.6 Psaumes 8.4 Psaumes 144.3 1 Samuel 24.14 Job 34.14-34.15
¹⁸ visitas eum diluculo et subito probas illum
1 Pierre 1.7 Zacharie 13.9 Exode 20.5 Esaïe 38.12-38.13 Genèse 22.1
¹⁹ usquequo non parces mihi nec dimittis me ut gluttiam salivam meam
Job 9.18 Job 14.6 Psaumes 94.3 Psaumes 13.1-13.3 Apocalypse 6.10
²⁰ peccavi quid faciam tibi o custos hominum quare posuisti me contrarium tibi et factus sum mihimet ipsi gravis
Lamentations 3.12 Psaumes 36.6 Job 7.11-7.12 Néhémie 9.6 Psaumes 21.12
²¹ cur non tolles peccatum meum et quare non auferes iniquitatem meam ecce nunc in pulvere dormiam et si mane me quaesieris non subsistam
Job 10.14 Daniel 12.2 Job 21.32-21.33 Esaïe 26.19 2 Samuel 24.10