Esaïe 47
Vulgate

Jugement de Babylone

1 descende sede in pulverem virgo filia Babylon sede in terra non est solium filiae Chaldeorum quia ultra non vocaberis mollis et tenera
Zacharie 2.7 Psaumes 137.8 Jérémie 51.33 Jérémie 46.11 Esaïe 3.26
2 tolle molam et mole farinam denuda turpitudinem tuam discoperi umerum revela crus transi flumina
Matthieu 24.41 Juges 16.21 Exode 11.5 Job 31.10 Esaïe 20.4
3 revelabitur ignominia tua et videbitur obprobrium tuum ultionem capiam et non resistet mihi homo
Nahum 3.5 Apocalypse 16.19 Jérémie 51.4 Deutéronome 32.35 Apocalypse 6.9-6.10
4 redemptor noster Dominus exercituum nomen illius Sanctus Israhel
Esaïe 43.14 Esaïe 41.14 Jérémie 50.33-50.34 Esaïe 44.6 Esaïe 54.5
5 sede tace et intra in tenebras filia Chaldeorum quia non vocaberis ultra domina regnorum
Esaïe 47.7 Apocalypse 17.18 Lamentations 1.1 Matthieu 22.12-22.13 Zacharie 2.13
6 iratus sum super populum meum contaminavi hereditatem meam et dedi eos in manu tua non posuisti eis misericordias super senem adgravasti iugum tuum valde
Zacharie 1.15 2 Chroniques 28.9 Abdias 1.16 Abdias 1.10 Esaïe 14.17
7 et dixisti in sempiternum ero domina non posuisti haec super cor tuum neque recordata es novissimi tui
Deutéronome 32.29 Esaïe 47.5 Jérémie 5.31 Esaïe 42.25 Ezéchiel 29.3
8 et nunc audi haec delicata et habitans confidenter quae dicis in corde tuo ego sum et non est praeter me amplius non sedebo vidua et ignorabo sterilitatem
Sophonie 2.15 Esaïe 32.9 Jérémie 50.11 Esaïe 47.10 Esaïe 45.6
9 venient tibi duo haec subito in die una sterilitas et viduitas universa venerunt super te propter multitudinem maleficiorum tuorum et propter duritiam incantatorum tuorum vehementem
Nahum 3.4 1 Thessaloniciens 5.3 Psaumes 73.19 Esaïe 47.12-47.13 Apocalypse 18.8-18.10
10 et fiduciam habuisti in malitia tua et dixisti non est qui videat me sapientia tua et scientia tua haec decepit te et dixisti in corde tuo ego sum et praeter me non est altera
Esaïe 5.21 Esaïe 29.15 Psaumes 52.7 Ezéchiel 8.12 Ezéchiel 9.9
11 veniet super te malum et nescies ortum eius et inruet super te calamitas quam non poteris expiare veniet super te repente miseria quam nescies
1 Thessaloniciens 5.3 Jérémie 51.39-51.42 Exode 12.29-12.30 Daniel 5.25-5.30 Matthieu 18.34
12 sta cum incantatoribus tuis et cum multitudine maleficiorum tuorum in quibus laborasti ab adulescentia tua si forte quid prosit tibi aut si possis fieri fortior
Esaïe 19.3 Esaïe 44.25 Exode 9.11 Apocalypse 17.4-17.6 Esaïe 8.19
13 defecisti in multitudine consiliorum tuorum stent et salvent te augures caeli qui contemplabantur sidera et supputabant menses ut ex eis adnuntiarent ventura tibi
Esaïe 44.25 Jérémie 51.58 Esaïe 57.10 Habakuk 2.13 Daniel 5.30
14 ecce facti sunt quasi stipula ignis conbusit eos non liberabunt animam suam de manu flammae non sunt prunae quibus calefiant nec focus ut sedeant ad eum
Nahum 1.10 Malachie 4.1 Matthieu 10.28 Esaïe 10.17 Esaïe 41.2
15 sic facta sunt tibi in quibuscumque laboraveras negotiatores tui ab adulescentia tua unusquisque in via sua erraverunt non est qui salvet te
Ezéchiel 27.12-27.25 Apocalypse 18.11-18.19 Esaïe 56.11 Jérémie 51.6-51.9