Esaïe 59.15
Vulgate

Crimes et jugement de Juda

¹ ecce non est adbreviata manus Domini ut salvare nequeat neque adgravata est auris eius ut non exaudiat
Esaïe 50.2 Nombres 11.23 Jérémie 32.17 Esaïe 65.24 Hébreux 7.25
² sed iniquitates vestrae diviserunt inter vos et Deum vestrum et peccata vestra absconderunt faciem eius a vobis ne exaudiret
Jérémie 5.25 Michée 3.4 Esaïe 1.15 Ezéchiel 39.23-39.24 Deutéronome 31.17-31.18
³ manus enim vestrae pollutae sunt sanguine et digiti vestri iniquitate labia vestra locuta sunt mendacium et lingua vestra iniquitatem fatur
Esaïe 1.15 Osée 4.2 Jérémie 2.30 Esaïe 1.21 Ezéchiel 7.23
⁴ non est qui invocet iustitiam neque est qui iudicet vere sed confidunt in nihili et loquuntur vanitates conceperunt laborem et pepererunt iniquitatem
Job 15.35 Esaïe 30.12 Jérémie 7.8 Jérémie 7.4 Jacques 1.15
⁵ ova aspidum ruperunt et telas araneae texuerunt qui comederit de ovis eorum morietur et quod confotum est erumpet in regulum
Proverbes 23.32 Matthieu 3.7 Job 8.14 Matthieu 12.34 Esaïe 14.29
⁶ telae eorum non erunt in vestimentum neque operientur operibus suis opera eorum opera inutilia et opus iniquitatis in manibus eorum
Ezéchiel 7.11 Jérémie 6.7 Esaïe 57.12 Amos 3.10 Sophonie 1.9
⁷ pedes eorum ad malum currunt et festinant ut effundant sanguinem innocentem cogitationes eorum cogitationes inutiles vastitas et contritio in viis eorum
Proverbes 6.17 Romains 3.15-3.17 Proverbes 1.16 Marc 7.21-7.22 Apocalypse 17.6
⁸ viam pacis nescierunt et non est iudicium in gressibus eorum semitae eorum incurvatae sunt eis omnis qui calcat in ea ignorat pacem
Luc 1.79 Esaïe 57.20-57.21 Esaïe 48.22 Proverbes 28.18 Amos 6.1-6.6
⁹ propter hoc elongatum est iudicium a nobis et non adprehendet nos iustitia expectavimus lucem et ecce tenebrae splendorem et in tenebris ambulavimus
Esaïe 5.30 Jérémie 14.19 Job 30.26 Lamentations 5.16-5.17 Michée 1.12
¹⁰ palpavimus sicut caeci parietem et quasi absque oculis adtrectavimus inpegimus meridie quasi in tenebris in caligosis quasi mortui
Deutéronome 28.29 Lamentations 3.6 Job 5.14 Amos 8.9 Jean 12.35
¹¹ rugiemus quasi ursi omnes et quasi columbae meditantes gememus expectavimus iudicium et non est salutem et elongata est a nobis
Esaïe 38.14 Ezéchiel 7.16 Osée 7.14 Esaïe 51.20 Psaumes 38.8
¹² multiplicatae sunt enim iniquitates nostrae coram te et peccata nostra responderunt nobis quia scelera nostra nobiscum et iniquitates nostras cognovimus
Esdras 9.6 Osée 5.5 Jérémie 14.7 Ezéchiel 23.2-23.49 1 Thessaloniciens 2.15-2.16
¹³ peccare et mentiri contra Dominum et aversi sumus ne iremus post tergum Dei nostri ut loqueremur calumniam et transgressionem concepimus et locuti sumus de corde verba mendacii
Marc 7.21-7.22 Jérémie 17.13 Jacques 3.6 Esaïe 48.8 Hébreux 3.12
¹⁴ et conversum est retrorsum iudicium et iustitia longe stetit quia corruit in platea veritas et aequitas non potuit ingredi
Habakuk 1.4 Esaïe 10.1-10.2 Michée 7.3-7.5 Esaïe 59.4 Psaumes 82.2-82.5
¹⁵ et facta est veritas in oblivione et qui recessit a malo praedae patuit et vidit Dominus et malum apparuit in oculis eius quia non est iudicium
Jérémie 5.1-5.2 Habakuk 1.13-1.14 Actes 26.24 Osée 9.7 Marc 3.21
¹⁶ et vidit quia non est vir et aporiatus est quia non est qui occurrat et salvavit sibi brachium suum et iustitia eius ipsa confirmavit eum
Psaumes 98.1 Esaïe 52.10 Ezéchiel 22.30 Psaumes 106.23 Genèse 18.23-18.32
¹⁷ indutus est iustitia ut lorica et galea salutis in capite eius indutus est vestimentis ultionis et opertus est quasi pallio zeli
Ephésiens 6.17 Ephésiens 6.14 1 Thessaloniciens 5.8 Esaïe 51.9 Romains 13.12-13.14
¹⁸ sicut ad vindictam quasi ad retributionem indignationis hostibus suis et vicissitudinem inimicis suis insulis vicem reddet
Esaïe 63.6 Jérémie 17.10 Job 34.11 Ezéchiel 5.13 Luc 21.22
¹⁹ et timebunt qui ab occidente nomen Domini et qui ab ortu solis gloriam eius cum venerit quasi fluvius violentus quem spiritus Domini cogit
Psaumes 113.3 Esaïe 49.12 Apocalypse 20.1-20.3 Esaïe 30.28 Malachie 1.11
²⁰ et venerit Sion redemptor et eis qui redeunt ab iniquitate in Iacob dicit Dominus
Romains 11.26-11.27 Hébreux 12.14 Ezéchiel 18.30-18.31 Actes 26.20 Joël 2.32
²¹ hoc foedus meum cum eis dicit Dominus spiritus meus qui est in te et verba mea quae posui in ore tuo non recedent de ore tuo et de ore seminis tui et de ore seminis seminis tui dixit Dominus amodo et usque in sempiternum
Jérémie 31.31-31.34 Hébreux 10.16 Ezéchiel 36.25-36.27 Jérémie 32.38-32.41 2 Corinthiens 3.17-3.18