Ezéchiel 26.21
Vulgate

Sur Tyr

¹ et factum est in undecimo anno prima mensis factus est sermo Domini ad me dicens
Ezéchiel 20.1 Ezéchiel 8.1 Jérémie 39.2 Ezéchiel 1.2
² fili hominis pro eo quod dixit Tyrus de Hierusalem euge confractae sunt portae populorum conversa est ad me implebor deserta est
Esaïe 23.1-23.18 Joël 3.4 Jérémie 25.22 Ezéchiel 36.2 Ezéchiel 25.2-25.3
³ propterea haec dicit Dominus Deus ecce ego super te Tyre et ascendere faciam ad te gentes multas sicut ascendit mare fluctuans
Jérémie 51.42 Esaïe 5.30 Michée 4.11 Luc 21.25 Jérémie 50.42
⁴ et dissipabunt muros Tyri et destruent turres eius et radam pulverem eius de ea et dabo eam in limpidissimam petram
Esaïe 23.11 Amos 1.10 Ezéchiel 26.9 Zacharie 9.3 Jérémie 5.10
⁵ siccatio sagenarum erit in medio maris quia ego locutus sum ait Dominus Deus et erit in direptionem gentibus
Ezéchiel 29.19 Ezéchiel 47.10 Ezéchiel 25.7 Ezéchiel 27.32 Ezéchiel 26.14
⁶ filiae quoque eius quae sunt in agro gladio interficientur et scient quia ego Dominus
Ezéchiel 16.46 Ezéchiel 26.8 Ezéchiel 25.14 Ezéchiel 16.48 Ezéchiel 25.17
⁷ quia haec dicit Dominus Deus ecce ego adducam ad Tyrum Nabuchodonosor regem Babylonis ab aquilone regem regum cum equis et curribus et equitibus et coetu populoque magno
Nahum 2.3-2.4 Daniel 2.37 Esdras 7.12 Ezéchiel 23.24 Daniel 2.47
⁸ filias tuas quae sunt in agro gladio interficiet et circumdabit te munitionibus et conportabit aggerem in gyro et levabit contra te clypeum
Ezéchiel 21.22 Jérémie 6.6 Jérémie 52.4 Jérémie 32.24 2 Samuel 20.15
⁹ et vineas et arietes temperabit in muros tuos et turres tuas destruet in armatura sua
2 Chroniques 26.15
¹⁰ inundatione equorum eius operiet te pulvis eorum a sonitu equitum et rotarum et curruum movebuntur muri tui dum ingressus fuerit portas tuas quasi per introitus urbis dissipatae
Ezéchiel 26.15 Jérémie 47.3 Ezéchiel 27.28 Josué 6.20 Ezéchiel 26.7
¹¹ ungulis equorum suorum conculcabit omnes plateas tuas populum tuum gladio caedet et statuae tuae nobiles in terram corruent
Esaïe 5.28 Esaïe 26.5 Habakuk 1.8 Jérémie 51.27 Jérémie 43.13
¹² vastabunt opes tuas diripient negotiationes tuas et destruent muros tuos et domos tuas praeclaras subvertent et lapides tuos et ligna tua et pulverem tuum in medio aquarum ponent
Esaïe 23.8 2 Chroniques 32.27 Amos 5.11 Zacharie 7.14 Nahum 2.9
¹³ et quiescere faciam multitudinem canticorum tuorum et sonitus cithararum tuarum non audietur amplius
Jérémie 7.34 Esaïe 23.16 Esaïe 24.8-24.9 Esaïe 14.11 Jérémie 25.10
¹⁴ et dabo te in limpidissimam petram siccatio sagenarum eris nec aedificaberis ultra quia ego locutus sum dicit Dominus Deus
Job 12.14 Malachie 1.4 Nombres 23.19 Deutéronome 13.16 Ezéchiel 26.4-26.5
¹⁵ haec dicit Dominus Deus Tyro numquid non a sonitu ruinae tuae et gemitu interfectorum tuorum cum occisi fuerint in medio tui commovebuntur insulae
Ezéchiel 27.35 Jérémie 49.21 Ezéchiel 26.18 Ezéchiel 31.16 Ezéchiel 32.10
¹⁶ et descendent de sedibus suis omnes principes maris et auferent exuvias suas et vestimenta sua varia abicient et induentur stupore in terra sedebunt et adtoniti super repentino casu tuo admirabuntur
Ezéchiel 32.10 Job 8.22 Osée 11.10 Jonas 3.6 Esaïe 3.26
¹⁷ et adsumentes super te lamentum dicent tibi quomodo peristi quae habitas in mari urbs inclita quae fuisti fortis in mari cum habitatoribus tuis quos formidabant universi
Esaïe 14.12 Ezéchiel 19.1 2 Samuel 1.25-1.27 Esaïe 23.4 Apocalypse 18.16-18.19
¹⁸ nunc stupebunt naves in die pavoris tui et turbabuntur insulae in mari eo quod nullus egrediatur ex te
Ezéchiel 26.15 Esaïe 23.5-23.7 Esaïe 23.10-23.12 Ezéchiel 27.35 Esaïe 41.5
¹⁹ quia haec dicit Dominus Deus cum dedero te urbem desolatam sicut civitates quae non habitantur et adduxero super te abyssum et operuerint te aquae multae
Esaïe 8.7-8.8 Ezéchiel 26.3 Daniel 9.26 Apocalypse 17.15 Daniel 11.40
²⁰ et detraxero te cum his qui descendunt in lacum ad populum sempiternum et conlocavero te in terra novissima sicut solitudines veteres cum his qui deducuntur in lacum ut non habiteris porro dedero gloriam in terra viventium
Psaumes 27.13 Zacharie 2.8 Lamentations 3.6 Ezéchiel 34.1-34.31 Amos 9.2
²¹ in nihilum redigam te et non eris et requisita non invenieris ultra in sempiternum dicit Dominus Deus
Ezéchiel 27.36 Apocalypse 18.21 Ezéchiel 28.19 Psaumes 37.36 Jérémie 51.64