Ezéchiel 8
Vulgate

¹ et factum est in anno sexto in sexto mense in quinta mensis ego sedebam in domo mea et senes Iuda sedebant coram me et cecidit super me ibi manus Domini Dei Ezéchiel 20.1 Ezéchiel 1.2-1.3 Ezéchiel 14.1 Ezéchiel 33.31 Ezéchiel 37.1
² et vidi et ecce similitudo quasi aspectus ignis ab aspectu lumborum eius et deorsum ignis et a lumbis eius et sursum quasi aspectus splendoris ut visio electri Ezéchiel 1.4 Ezéchiel 1.26-1.27 Apocalypse 1.14-1.15 Daniel 7.9-7.10
³ et emissa similitudo manus adprehendit me in cincinno capitis mei et elevavit me spiritus inter terram et caelum et adduxit in Hierusalem in visione Dei iuxta ostium interius quod respiciebat aquilonem ubi erat statutum idolum zeli ad provocandam aemulationem Deutéronome 32.16 Ezéchiel 11.1 Ezéchiel 2.9 Exode 20.5 Ezéchiel 11.24
⁴ et ecce ibi gloria Dei Israhel secundum visionem quam videram in campo Ezéchiel 3.22-3.23 Ezéchiel 11.22-11.23 Exode 25.22 Ezéchiel 1.26-1.28 Hébreux 1.3
⁵ et dixit ad me fili hominis leva oculos tuos ad viam aquilonis et levavi oculos meos ad viam aquilonis et ecce ab aquilone portae altaris idolum zeli in ipso introitu Ezéchiel 8.3 Jérémie 3.2 Psaumes 48.2 Psaumes 78.58 Jérémie 32.34
⁶ et dixit ad me fili hominis putasne vides tu quid isti faciant abominationes magnas quas domus Israhel facit hic ut procul recedam a sanctuario meo et adhuc conversus videbis abominationes maiores Ezéchiel 5.11 Ezéchiel 10.19 Ezéchiel 8.9 2 Rois 23.4-23.6 Ezéchiel 8.14
⁷ et introduxit me ad ostium atrii et vidi et ecce foramen unum in pariete 1 Rois 7.12 2 Rois 21.5
⁸ et dixit ad me fili hominis fode parietem et cum perfodissem parietem apparuit ostium unum Esaïe 29.15 Jérémie 2.34 Amos 9.2-9.3 Job 34.22 Jérémie 23.24
⁹ et dixit ad me ingredere et vide abominationes pessimas quas isti faciunt hic Ezéchiel 20.8
¹⁰ et ingressus vidi et ecce omnis similitudo reptilium et animalium abominatio et universa idola domus Israhel depicta erant in pariete in circuitu per totum Exode 20.4 Romains 1.23 Lévitique 11.10-11.12 Deutéronome 4.18 Esaïe 57.6-57.10
¹¹ et septuaginta viri de senioribus domus Israhel et Hiezonias filius Saphan stabat in medio eorum stantium ante picturas et unusquisque habebat turibulum in manu sua et vapor nebulae de ture consurgebat Nombres 11.16 Nombres 16.35 Nombres 16.17 Jérémie 19.1 Nombres 11.25
¹² et dixit ad me certe vides fili hominis quae seniores domus Israhel faciunt in tenebris unusquisque in abscondito cubiculi sui dicunt enim non videt Dominus nos dereliquit Dominus terram Esaïe 29.15 Ezéchiel 9.9 Psaumes 10.11 Ezéchiel 8.15 Ezéchiel 8.6-8.8
¹³ et dixit ad me adhuc conversus videbis abominationes maiores quas isti faciunt Ezéchiel 8.6 Jérémie 9.3 Ezéchiel 8.15 2 Timothée 3.13
¹⁴ et introduxit me per ostium portae domus Domini quod respiciebat ad aquilonem et ecce ibi mulieres sedebant plangentes Adonidem Ezéchiel 44.4 Ezéchiel 46.9
¹⁵ et dixit ad me certe vidisti fili hominis adhuc conversus videbis abominationes maiores his Ezéchiel 8.6 Ezéchiel 8.12-8.13 Ezéchiel 8.9 2 Timothée 3.13
¹⁶ et introduxit me in atrium domus Domini interius et ecce in ostio templi Domini inter vestibulum et altare quasi viginti quinque viri dorsa habentes contra templum Domini et facies ad orientem et adorabant ad ortum solis Jérémie 2.27 Joël 2.17 Deutéronome 17.3 Deutéronome 4.19 Job 31.26-31.28
¹⁷ et dixit ad me certe vidisti fili hominis numquid leve est hoc domui Iuda ut facerent abominationes istas quas fecerunt hic quia replentes terram iniquitate conversi sunt ad inritandum me et ecce adplicant ramum ad nares suas Ezéchiel 9.9 Ezéchiel 7.23 Michée 2.2 Amos 3.10 Sophonie 1.9
¹⁸ ergo et ego faciam in furore non parcet oculus meus nec miserebor et cum clamaverint ad aures meas voce magna non exaudiam eos Michée 3.4 Esaïe 1.15 Jérémie 11.11 Zacharie 7.13 Proverbes 1.28