Amos 6.10
Vulgate

¹ vae qui opulenti estis in Sion et confiditis in monte Samariae optimates capita populorum ingredientes pompatice domum IsrahelEsaïe 32.9-32.11 Jacques 5.5 Amos 4.1 Exode 19.5-19.6 Sophonie 1.12
² transite in Chalanne et videte et ite inde in Emath magnam et descendite in Geth Palestinorum et ad optima quaeque regna horum si latior terminus eorum termino vestro estNahum 3.8 Genèse 10.10 2 Rois 18.34 2 Chroniques 26.6 Esaïe 10.9-10.11
³ qui separati estis in diem malum et adpropinquatis solio iniquitatisAmos 9.10 Ezéchiel 12.27 Esaïe 56.12 Matthieu 24.48 Ezéchiel 12.22
⁴ qui dormitis in lectis eburneis et lascivitis in stratis vestris qui comeditis agnum de grege et vitulos de medio armentiAmos 3.12 Ezéchiel 34.2-34.3 Jacques 5.5 Esaïe 22.13 1 Samuel 25.36-25.38
⁵ qui canitis ad vocem psalterii sicut David putaverunt se habere vasa canticiEsaïe 5.12 Amos 5.23 1 Chroniques 23.5 Genèse 31.27 Amos 8.3
⁶ bibentes in fialis vinum et optimo unguento delibuti et nihil patiebantur super contritione IosephGenèse 49.22 1 Corinthiens 12.26 Genèse 42.21-42.22 Matthieu 26.7-26.9 Genèse 37.25-37.28
⁷ quapropter nunc migrabunt in capite transmigrantium et auferetur factio lascivientiumAmos 7.11 Amos 5.5 Daniel 5.4-5.6 1 Rois 20.16-20.20 Esaïe 21.4
⁸ iuravit Dominus Deus in anima sua dicit Dominus Deus exercituum detestor ego superbiam Iacob et domos eius odi et tradam civitatem cum habitatoribus suisJérémie 51.14 Amos 4.2 Amos 3.11 Jérémie 22.5 Amos 8.7
⁹ quod si reliqui fuerint decem viri in domo una et ipsi morienturAmos 5.3 Esaïe 14.21 Psaumes 109.13 Esther 9.10 Job 1.2
¹⁰ et tollet eum propinquus suus et conburet eum ut efferat ossa de domo et dicet ei qui in penetrabilibus domus est numquid adhuc est apud te et respondebit finis est et dicet ei tace et non recorderis nominis DominiAmos 8.3 1 Samuel 31.12 Amos 5.13 Jérémie 44.26 Ezéchiel 20.39
¹¹ quia ecce Dominus mandabit et percutiet domum maiorem ruinis et domum minorem scissionibusAmos 3.15 Esaïe 55.11 2 Rois 25.9 Amos 9.1 Esaïe 46.10-46.11
¹² numquid currere queunt in petris equi aut arari potest in bubalis quoniam convertistis in amaritudinem iudicium et fructum iustitiae in absinthiumAmos 5.7 Osée 10.4 Amos 5.11-5.12 Esaïe 59.13-59.14 1 Rois 21.7-21.13
¹³ qui laetamini in nihili qui dicitis numquid non in fortitudine nostra adsumpsimus nobis cornuaLuc 12.19-12.20 Esaïe 28.14-28.15 Jacques 4.16 2 Rois 14.25 Esaïe 17.3-17.4
¹⁴ ecce enim suscitabo super vos domus Israël dicit Dominus Deus exercituum gentem et conteret vos ab introitu Emath usque ad torrentem deserti2 Rois 14.25 1 Rois 8.65 Jérémie 5.15-5.17 Esaïe 7.20 Esaïe 8.4-8.8