Amos 6
Vulgate

Corruption et inconscience des grands

1 vae qui opulenti estis in Sion et confiditis in monte Samariae optimates capita populorum ingredientes pompatice domum Israhel
Esaïe 32.9-32.11 Jacques 5.5 Amos 4.1 Sophonie 1.12 Luc 12.17-12.20
2 transite in Chalanne et videte et ite inde in Emath magnam et descendite in Geth Palestinorum et ad optima quaeque regna horum si latior terminus eorum termino vestro est
Nahum 3.8 Genèse 10.10 2 Rois 18.34 2 Chroniques 26.6 Esaïe 10.9-10.11
3 qui separati estis in diem malum et adpropinquatis solio iniquitatis
Amos 9.10 Ezéchiel 12.27 Esaïe 56.12 Amos 5.12 Psaumes 94.20
4 qui dormitis in lectis eburneis et lascivitis in stratis vestris qui comeditis agnum de grege et vitulos de medio armenti
Ezéchiel 34.2-34.3 Jacques 5.5 Amos 3.12 Psaumes 73.7 Luc 12.19-12.20
5 qui canitis ad vocem psalterii sicut David putaverunt se habere vasa cantici
Esaïe 5.12 Amos 5.23 1 Chroniques 23.5 1 Pierre 4.3 1 Chroniques 15.16
6 bibentes in fialis vinum et optimo unguento delibuti et nihil patiebantur super contritione Ioseph
Genèse 49.22 1 Timothée 5.23 Jérémie 30.7 Amos 2.8 Osée 3.1
7 quapropter nunc migrabunt in capite transmigrantium et auferetur factio lascivientium
Amos 7.11 Daniel 5.4-5.6 1 Rois 20.16-20.20 Amos 5.5 Esther 7.1-7.2
8 iuravit Dominus Deus in anima sua dicit Dominus Deus exercituum detestor ego superbiam Iacob et domos eius odi et tradam civitatem cum habitatoribus suis
Jérémie 51.14 Amos 4.2 Jérémie 22.5 Amos 8.7 Psaumes 47.4
9 quod si reliqui fuerint decem viri in domo una et ipsi morientur
Amos 5.3 1 Samuel 2.33 Job 1.19 Job 20.28 Esther 5.11
10 et tollet eum propinquus suus et conburet eum ut efferat ossa de domo et dicet ei qui in penetrabilibus domus est numquid adhuc est apud te et respondebit finis est et dicet ei tace et non recorderis nominis Domini
1 Samuel 31.12 Amos 8.3 Amos 5.13 Jérémie 44.26 Ezéchiel 20.39
11 quia ecce Dominus mandabit et percutiet domum maiorem ruinis et domum minorem scissionibus
Amos 3.15 Esaïe 55.11 2 Rois 25.9 Zacharie 14.2 Amos 3.6-3.7
12 numquid currere queunt in petris equi aut arari potest in bubalis quoniam convertistis in amaritudinem iudicium et fructum iustitiae in absinthium
Amos 5.7 Osée 10.4 Amos 5.11-5.12 1 Rois 21.7-21.13 Esaïe 59.13-59.14
13 qui laetamini in nihili qui dicitis numquid non in fortitudine nostra adsumpsimus nobis cornua
Luc 12.19-12.20 Esaïe 28.14-28.15 2 Rois 14.25 Jacques 4.16 Job 31.25
14 ecce enim suscitabo super vos domus Israël dicit Dominus Deus exercituum gentem et conteret vos ab introitu Emath usque ad torrentem deserti
2 Rois 14.25 1 Rois 8.65 Jérémie 5.15-5.17 2 Rois 17.6 Nombres 34.7-34.8