Josué 23
Vulgate

Encouragements de Josué aux chefs d’Israël

1 evoluto autem multo tempore postquam pacem Dominus dederat Israheli subiectis in gyro nationibus universis et Iosue iam longevo et persenilis aetatis
Josué 13.1 Josué 21.44 Josué 11.23 Deutéronome 31.2 Genèse 25.8
2 vocavit Iosue omnem Israhelem maioresque natu et principes ac duces et magistros dixitque ad eos ego senui et progressioris aetatis sum
Josué 24.1 1 Chroniques 28.1 Deutéronome 31.28 Actes 20.17-20.35
3 vosque cernitis omnia quae fecerit Dominus Deus vester cunctis per circuitum nationibus quomodo pro vobis ipse pugnaverit
Exode 14.14 Josué 10.42 Josué 10.14 Deutéronome 20.4 Psaumes 44.1-44.3
4 et nunc quia vobis sorte divisit omnem terram ab orientali parte Iordanis usque ad mare Magnum multaeque adhuc supersunt nationes
Josué 13.6-13.7 Josué 13.2 Josué 18.10
5 Dominus Deus vester disperdet eas et auferet a facie vestra et possidebitis terram sicut vobis pollicitus est
Josué 13.6 Exode 34.11 Deutéronome 11.23 Exode 33.2 Josué 23.12-23.13
6 tantum confortamini et estote solliciti ut custodiatis cuncta quae scripta sunt in volumine legis Mosi et non declinetis ab eis nec ad dextram nec ad sinistram
Deutéronome 5.32 Deutéronome 28.14 Ephésiens 6.10-6.19 Hébreux 12.4 Deutéronome 17.20
7 ne postquam intraveritis ad gentes quae inter vos futurae sunt iuretis in nomine deorum earum et serviatis eis et adoretis illos
Psaumes 16.4 Exode 23.13 Jérémie 5.7 Deutéronome 7.2-7.3 Exode 23.33
8 sed adhereatis Domino Deo vestro quod fecistis usque in diem hanc
Deutéronome 10.20 Deutéronome 13.4 Josué 22.5 Deutéronome 11.22 Deutéronome 4.4
9 et tunc auferet Dominus in conspectu vestro gentes magnas et robustissimas et nullus vobis resistere poterit
Deutéronome 11.23 Josué 1.5 Exode 23.30 Josué 1.8-1.9 Josué 15.14
10 unus e vobis persequetur hostium mille viros quia Dominus Deus vester pro vobis ipse pugnabit sicut pollicitus est
Lévitique 26.8 Deutéronome 32.30 Deutéronome 3.22 Psaumes 35.1 Exode 14.14
11 hoc tantum diligentissime praecavete ut diligatis Dominum Deum vestrum
Josué 22.5 Hébreux 12.15 Proverbes 4.23 1 Corinthiens 16.22 Ephésiens 5.15
12 quod si volueritis gentium harum quae inter vos habitant erroribus adherere et cum eis miscere conubia atque amicitias copulare
Deutéronome 7.3 Néhémie 13.23-13.26 Genèse 34.3 1 Rois 11.4 1 Jean 2.9
13 iam nunc scitote quod Dominus Deus vester non eas deleat ante faciem vestram sed sint vobis in foveam ac laqueum et offendiculum ex latere vestro et sudes in oculis vestris donec vos auferat atque disperdat de terra hac optima quam tradidit vobis
Deutéronome 7.16 Nombres 33.55 Exode 23.33 Psaumes 69.22 2 Rois 25.21
14 en ego hodie ingrediar viam universae terrae et toto animo cognoscetis quod de omnibus verbis quae se Dominus praestaturum nobis esse pollicitus est unum non praeterierit in cassum
1 Rois 2.2 Lévitique 26.3-26.13 1 Rois 8.56 Luc 21.33 Exode 23.27-23.30
15 sicut ergo implevit opere quod promisit et prospera cuncta venerunt sic adducet super vos quicquid malorum comminatus est donec vos auferat atque disperdat de terra hac optima quam tradidit vobis
Deutéronome 28.15-28.68 Juges 10.6-10.7 Lévitique 26.14-26.46 Juges 3.8 Luc 21.22-21.24
16 eo quod praeterieritis pactum Domini Dei vestri quod pepigit vobiscum et servieritis diis alienis et adoraveritis eos cito atque velociter consurget in vos furor Domini et auferemini de terra hac optima quam tradidit vobis
2 Rois 24.20 Deutéronome 4.25-4.26