Job 3
Biblia Hebraica Stuttgartensia

¹ אַחֲרֵי־כֵ֗ן פָּתַ֤ח אִיֹּוב֙ אֶת־פִּ֔יהוּ וַיְקַלֵּ֖ל אֶת־יֹומֹֽו׃ פ Jérémie 20.14-20.15 Psaumes 106.33 Psaumes 39.2-39.3 Job 1.22 Job 35.16
² וַיַּ֥עַן אִיֹּ֗וב וַיֹּאמַֽר׃ Juges 18.14
³ יֹ֣אבַד יֹ֖ום אִוָּ֣לֶד בֹּ֑ו וְהַלַּ֥יְלָה אָ֝מַ֗ר הֹ֣רָה גָֽבֶר׃ Jérémie 20.14-20.18 Job 10.18-10.19 Jérémie 15.10
⁴ הַיֹּ֥ום הַה֗וּא יְֽהִ֫י חֹ֥שֶׁךְ אַֽל־יִדְרְשֵׁ֣הוּ אֱלֹ֣והַּ מִמָּ֑עַל וְאַל־תֹּופַ֖ע עָלָ֣יו נְהָרָֽה׃ Joël 2.2 Deutéronome 11.12 Apocalypse 16.10 Actes 27.20 Exode 10.22-10.23
⁵ יִגְאָלֻ֡הוּ חֹ֣שֶׁךְ וְ֭צַלְמָוֶת תִּשְׁכָּן־עָלָ֣יו עֲנָנָ֑ה יְ֝בַעֲתֻ֗הוּ כִּֽמְרִ֥ירֵי יֹֽום׃ Job 10.21-10.22 Psaumes 23.4 Job 28.3 Esaïe 9.2 Jérémie 13.16
⁶ הַלַּ֥יְלָה הַהוּא֮ יִקָּחֵ֪ה֫וּ אֹ֥פֶל אַל־יִ֭חַדְּ בִּימֵ֣י שָׁנָ֑ה בְּמִסְפַּ֥ר יְ֝רָחִ֗ים אַל־יָבֹֽא׃ ⁷ הִנֵּ֤ה הַלַּ֣יְלָה הַ֭הוּא יְהִ֣י גַלְמ֑וּד אַל־תָּבֹ֖א רְנָנָ֣ה בֹֽו׃ Esaïe 13.20-13.22 Apocalypse 18.22-18.23 Jérémie 7.34 Esaïe 24.8
⁸ יִקְּבֻ֥הוּ אֹרְרֵי־יֹ֑ום הָ֝עֲתִידִ֗ים עֹרֵ֥ר לִוְיָתָֽן׃ Job 41.1 Job 41.10 Amos 5.16 Job 41.25 2 Chroniques 35.25
⁹ יֶחְשְׁכוּ֮ כֹּוכְבֵ֪י נִ֫שְׁפֹּ֥ו יְקַו־לְאֹ֥ור וָאַ֑יִן וְאַל־יִ֝רְאֶ֗ה בְּעַפְעַפֵּי־שָֽׁחַר׃ Job 41.18 Job 30.26 Jérémie 13.16 Jérémie 8.15
¹⁰ כִּ֤י לֹ֣א סָ֭גַר דַּלְתֵ֣י בִטְנִ֑י וַיַּסְתֵּ֥ר עָ֝מָ֗ל מֵעֵינָֽי׃ 1 Samuel 1.5 Job 6.2-6.3 Genèse 29.31 Job 23.2 Genèse 20.18
¹¹ לָ֤מָּה לֹּ֣א מֵרֶ֣חֶם אָמ֑וּת מִבֶּ֖טֶן יָצָ֣אתִי וְאֶגְוָֽע׃ Job 10.18-10.19 Osée 9.14 Psaumes 71.6 Psaumes 139.13-139.16 Jérémie 15.10
¹² מַ֭דּוּעַ קִדְּמ֣וּנִי בִרְכָּ֑יִם וּמַה־שָּׁ֝דַ֗יִם כִּ֣י אִינָֽק׃ Genèse 30.3 Esaïe 66.12 Genèse 50.23 Ezéchiel 16.4-16.5
¹³ כִּֽי־עַ֭תָּה שָׁכַ֣בְתִּי וְאֶשְׁקֹ֑וט יָ֝שַׁ֗נְתִּי אָ֤ז׀ יָנ֬וּחַֽ לִֽי׃ Job 21.13 Job 10.22 Job 7.8-7.10 Job 19.27 Job 14.10-14.12
¹⁴ עִם־מְ֭לָכִים וְיֹ֣עֲצֵי אָ֑רֶץ הַבֹּנִ֖ים חֳרָבֹ֣ות לָֽמֹו׃ Job 15.28 Esaïe 14.10-14.16 Psaumes 49.6-49.10 Job 30.23 Ezéchiel 27.18-27.32
¹⁵ אֹ֣ו עִם־שָׂ֭רִים זָהָ֣ב לָהֶ֑ם הַֽמְמַלְאִ֖ים בָּתֵּיהֶ֣ם כָּֽסֶף׃ Nombres 22.18 1 Rois 10.27 Job 27.16-27.17 Zacharie 9.3 Sophonie 1.18
¹⁶ אֹ֚ו כְנֵ֣פֶל טָ֭מוּן לֹ֣א אֶהְיֶ֑ה כְּ֝עֹלְלִ֗ים לֹא־רָ֥אוּ אֹֽור׃ Psaumes 58.8 1 Corinthiens 15.8 Ecclésiaste 6.3
¹⁷ שָׁ֣ם רְ֭שָׁעִים חָ֣דְלוּ רֹ֑גֶז וְשָׁ֥ם יָ֝נ֗וּחוּ יְגִ֣יעֵי כֹֽחַ׃ Job 17.16 Apocalypse 14.13 Hébreux 4.9 Job 14.13 2 Thessaloniciens 1.6-1.7
¹⁸ יַ֭חַד אֲסִירִ֣ים שַׁאֲנָ֑נוּ לֹ֥א שָׁ֝מְע֗וּ קֹ֣ול נֹגֵֽשׂ׃ Job 39.7 Exode 5.6-5.8 Esaïe 14.3-14.4 Juges 4.3 Exode 5.15-5.19
¹⁹ קָטֹ֣ן וְ֭גָדֹול שָׁ֣ם ה֑וּא וְ֝עֶ֗בֶד חָפְשִׁ֥י מֵאֲדֹנָֽיו׃ Ecclésiaste 12.7 Job 30.23 Psaumes 49.6-49.10 Psaumes 49.14-49.20 Ecclésiaste 12.5
²⁰ לָ֤מָּה יִתֵּ֣ן לְעָמֵ֣ל אֹ֑ור וְ֝חַיִּ֗ים לְמָ֣רֵי נָֽפֶשׁ׃ Jérémie 20.18 Job 7.15-7.16 Proverbes 31.6 1 Samuel 1.10 Job 6.9
²¹ הַֽמְחַכִּ֣ים לַמָּ֣וֶת וְאֵינֶ֑נּוּ וַֽ֝יַּחְפְּרֻ֗הוּ מִמַּטְמֹונִֽים׃ Apocalypse 9.6 Proverbes 2.4 1 Rois 19.4 Jonas 4.8 Jonas 4.3
²² הַשְּׂמֵחִ֥ים אֱלֵי־גִ֑יל יָ֝שִׂ֗ישׂוּ כִּ֣י יִמְצְאוּ־קָֽבֶר׃ ²³ לְ֭גֶבֶר אֲשֶׁר־דַּרְכֹּ֣ו נִסְתָּ֑רָה וַיָּ֖סֶךְ אֱלֹ֣והַּ בַּעֲדֹֽו׃ Job 19.8 Lamentations 3.7 Esaïe 40.27 Job 19.6 Job 12.14
²⁴ כִּֽי־לִפְנֵ֣י לַ֭חְמִי אַנְחָתִ֣י תָבֹ֑א וַֽיִּתְּכ֥וּ כַ֝מַּ֗יִם שַׁאֲגֹתָֽי׃ Psaumes 102.9 Psaumes 42.3-42.4 Psaumes 80.5 Psaumes 38.8 Psaumes 22.1-22.2
²⁵ כִּ֤י פַ֣חַד פָּ֭חַדְתִּי וַיֶּאֱתָיֵ֑נִי וַאֲשֶׁ֥ר יָ֝גֹ֗רְתִּי יָ֣בֹא לִֽי׃ Job 1.5 Job 30.15 Job 31.23
²⁶ לֹ֤א שָׁלַ֨וְתִּי׀ וְלֹ֖א שָׁקַ֥טְתִּי וְֽלֹא־נָ֗חְתִּי וַיָּ֥בֹא רֹֽגֶז׃ פ Job 7.14 Psaumes 143.11 Job 27.9