Psaumes 27
Biblia Hebraica Stuttgartensia

Le triomphe de la foi

1 לְדָוִ֨ד׀ יְהוָ֤ה׀ אֹורִ֣י וְ֭יִשְׁעִי מִמִּ֣י אִירָ֑א יְהוָ֥ה מָֽעֹוז־חַ֝יַּ֗י מִמִּ֥י אֶפְחָֽד׃
Psaumes 118.6 Hébreux 13.6 Exode 15.2 2 Corinthiens 12.9 Esaïe 60.19-60.20
2 בִּקְרֹ֤ב עָלַ֨י׀ מְרֵעִים֮ לֶאֱכֹ֪ל אֶת־בְּשָׂ֫רִ֥י צָרַ֣י וְאֹיְבַ֣י לִ֑י הֵ֖מָּה כָשְׁל֣וּ וְנָפָֽלוּ׃
Psaumes 14.4 Job 19.22 Jean 18.3-18.6 Psaumes 118.12 Psaumes 53.4
3 אִם־תַּחֲנֶ֬ה עָלַ֨י׀ מַחֲנֶה֮ לֹֽא־יִירָ֪א לִ֫בִּ֥י אִם־תָּק֣וּם עָ֭לַי מִלְחָמָ֑ה בְּ֝זֹ֗את אֲנִ֣י בֹוטֵֽחַ׃
Psaumes 3.6 Philippiens 1.28 1 Pierre 3.14 Romains 8.35-8.37 Esaïe 41.11-41.12
4 אַחַ֤ת׀ שָׁאַ֣לְתִּי מֵֽאֵת־יְהוָה֮ אֹותָ֪הּ אֲבַ֫קֵּ֥שׁ שִׁבְתִּ֣י בְּבֵית־יְ֭הוָה כָּל־יְמֵ֣י חַיַּ֑י לַחֲזֹ֥ות בְּנֹֽעַם־יְ֝הוָ֗ה וּלְבַקֵּ֥ר בְּהֵיכָלֹֽו׃
Psaumes 26.8 Psaumes 23.6 Psaumes 65.4 Psaumes 84.10 Psaumes 84.4
5 כִּ֤י יִצְפְּנֵ֨נִי׀ בְּסֻכֹּה֮ בְּיֹ֪ום רָ֫עָ֥ה יַ֭סְתִּרֵנִי בְּסֵ֣תֶר אָהֳלֹ֑ו בְּ֝צ֗וּר יְרֹומְמֵֽנִי׃
Psaumes 31.20 Psaumes 40.2 Psaumes 91.1 Psaumes 138.7 Psaumes 17.8
6 וְעַתָּ֨ה יָר֪וּם רֹאשִׁ֡י עַ֤ל אֹֽיְבַ֬י סְֽבִיבֹותַ֗י וְאֶזְבְּחָ֣ה בְ֭אָהֳלֹו זִבְחֵ֣י תְרוּעָ֑ה אָשִׁ֥ירָה וַ֝אֲזַמְּרָ֗ה לַיהוָֽה׃
Psaumes 3.3 Psaumes 107.22 Esaïe 12.6 Hébreux 13.15 Psaumes 43.3-43.4
7 שְׁמַע־יְהוָ֖ה קֹולִ֥י אֶקְרָ֗א וְחָנֵּ֥נִי וַעֲנֵֽנִי׃
Psaumes 130.2-130.4 Psaumes 5.2 Psaumes 13.3 Psaumes 143.1-143.2 Psaumes 4.1
8 לְךָ֤׀ אָמַ֣ר לִ֭בִּי בַּקְּשׁ֣וּ פָנָ֑י אֶת־פָּנֶ֖יךָ יְהוָ֣ה אֲבַקֵּֽשׁ׃
Psaumes 105.4 Jérémie 29.12-29.13 Psaumes 119.58 Esaïe 55.6-55.7 Psaumes 63.1-63.2
9 אַל־תַּסְתֵּ֬ר פָּנֶ֨יךָ׀ מִמֶּנִּי֮ אַֽל־תַּט־בְּאַ֗ף עַ֫בְדֶּ֥ךָ עֶזְרָתִ֥י הָיִ֑יתָ אַֽל־תִּטְּשֵׁ֥נִי וְאַל־תַּֽ֝עַזְבֵ֗נִי אֱלֹהֵ֥י יִשְׁעִֽי׃
Psaumes 69.17 Psaumes 143.7 Psaumes 102.2 Psaumes 24.5 Psaumes 13.1
10 כִּי־אָבִ֣י וְאִמִּ֣י עֲזָב֑וּנִי וַֽיהוָ֣ה יַֽאַסְפֵֽנִי׃
Esaïe 49.15 Esaïe 40.11 2 Timothée 4.16 Jean 16.32 2 Samuel 16.11
11 הֹ֤ורֵ֥נִי יְהוָ֗ה דַּ֫רְכֶּ֥ךָ וּ֭נְחֵנִי בְּאֹ֣רַח מִישֹׁ֑ור לְ֝מַ֗עַן שֹׁורְרָֽי׃
Psaumes 5.8 Psaumes 86.11 Psaumes 26.12 Psaumes 25.4-25.5 Psaumes 64.6
12 אַֽל־תִּ֭תְּנֵנִי בְּנֶ֣פֶשׁ צָרָ֑י כִּ֥י קָֽמוּ־בִ֥י עֵֽדֵי־שֶׁ֝֗קֶר וִיפֵ֥חַ חָמָֽס׃
Psaumes 35.11 Actes 9.1 Psaumes 41.2 Actes 6.11-6.13 Psaumes 41.11
13 ל̣ׄוּלֵ̣֗ׄא̣ׄ הֶ֭אֱמַנְתִּי לִרְאֹ֥ות בְּֽטוּב־יְהוָ֗ה בְּאֶ֣רֶץ חַיִּֽים׃
Psaumes 142.5 Psaumes 56.13 2 Corinthiens 4.8-4.14 Ezéchiel 26.20 2 Corinthiens 4.16
14 קַוֵּ֗ה אֶל־יְה֫וָ֥ה חֲ֭זַק וְיַאֲמֵ֣ץ לִבֶּ֑ךָ וְ֝קַוֵּ֗ה אֶל־יְהוָֽה׃
Psaumes 31.24 Psaumes 37.34 Esaïe 40.31 Esaïe 30.18 Habakuk 2.3