1 Διὸ ἀφέντες τὸν τῆς ἀρχῆς τοῦ Χριστοῦ λόγον ἐπὶ τὴν τελειότητα φερώμεθα, μὴ πάλιν θεμέλιον καταβαλλόμενοι μετανοίας ἀπὸ νεκρῶν ἔργων, καὶ πίστεως ἐπὶ θεόν,
Hébreux 5.12-5.14 Hébreux 9.14 2 Corinthiens 7.10 Ezéchiel 18.30-18.32 Actes 20.21
2 βαπτισμῶν ⸀διδαχὴν ἐπιθέσεώς τε χειρῶν, ἀναστάσεώς ⸀τε νεκρῶν καὶ κρίματος αἰωνίου.
Actes 17.31-17.32 Actes 6.6 Actes 17.18 Matthieu 3.14 2 Corinthiens 5.10
3 καὶ τοῦτο ⸀ποιήσομεν ἐάνπερ ἐπιτρέπῃ ὁ θεός.
Actes 18.21 1 Corinthiens 16.7 1 Corinthiens 4.19 Jacques 4.15 Romains 15.32
4 Ἀδύνατον γὰρ τοὺς ἅπαξ φωτισθέντας γευσαμένους τε τῆς δωρεᾶς τῆς ἐπουρανίου καὶ μετόχους γενηθέντας πνεύματος ἁγίου
2 Pierre 2.20-2.22 Hébreux 10.32 Hébreux 10.26-10.29 Jean 15.6 Matthieu 5.13
5 καὶ καλὸν γευσαμένους θεοῦ ῥῆμα δυνάμεις τε μέλλοντος αἰῶνος,
Hébreux 2.5 2 Pierre 2.20 1 Pierre 2.3 Matthieu 13.20-13.21 Marc 6.20
6 καὶ παραπεσόντας, πάλιν ἀνακαινίζειν εἰς μετάνοιαν, ἀνασταυροῦντας ἑαυτοῖς τὸν υἱὸν τοῦ θεοῦ καὶ παραδειγματίζοντας.
Hébreux 10.29 2 Pierre 2.21 Hébreux 6.4 Esaïe 1.28 1 Jean 5.16
7 γῆ γὰρ ἡ πιοῦσα τὸν ἐπ’ αὐτῆς ⸂ἐρχόμενον πολλάκις⸃ ὑετόν, καὶ τίκτουσα βοτάνην εὔθετον ἐκείνοις δι’ οὓς καὶ γεωργεῖται, μεταλαμβάνει εὐλογίας ἀπὸ τοῦ θεοῦ·
Malachie 3.10 Psaumes 126.6 Psaumes 104.11-104.13 Lévitique 25.21 Psaumes 65.9-65.13
8 ἐκφέρουσα δὲ ἀκάνθας καὶ τριβόλους ἀδόκιμος καὶ κατάρας ἐγγύς, ἧς τὸ τέλος εἰς καῦσιν.
Genèse 3.17-3.18 Luc 13.7-13.9 Jérémie 44.22 Jean 15.6 Deutéronome 29.28
9 Πεπείσμεθα δὲ περὶ ὑμῶν, ἀγαπητοί, τὰ κρείσσονα καὶ ἐχόμενα σωτηρίας, εἰ καὶ οὕτως λαλοῦμεν·
Hébreux 6.4-6.6 Hébreux 2.3 Hébreux 10.34 Marc 16.16 Hébreux 5.9
10 οὐ γὰρ ἄδικος ὁ θεὸς ἐπιλαθέσθαι τοῦ ἔργου ὑμῶν ⸀καὶ τῆς ἀγάπης ἧς ἐνεδείξασθε εἰς τὸ ὄνομα αὐτοῦ, διακονήσαντες τοῖς ἁγίοις καὶ διακονοῦντες.
Matthieu 10.42 Proverbes 14.31 1 Thessaloniciens 1.3 Actes 10.4 Philémon 1.5-1.7
11 ἐπιθυμοῦμεν δὲ ἕκαστον ὑμῶν τὴν αὐτὴν ἐνδείκνυσθαι σπουδὴν πρὸς τὴν πληροφορίαν τῆς ἐλπίδος ἄχρι τέλους,Hébreux 3.6 Hébreux 3.14 Hébreux 10.22 Romains 5.2-5.5 1 Corinthiens 15.58
12 ἵνα μὴ νωθροὶ γένησθε, μιμηταὶ δὲ τῶν διὰ πίστεως καὶ μακροθυμίας κληρονομούντων τὰς ἐπαγγελίας.
Hébreux 13.7 Hébreux 10.36 Proverbes 24.30-24.34 Hébreux 1.14 Proverbes 18.9
13 Τῷ γὰρ Ἀβραὰμ ἐπαγγειλάμενος ὁ θεός, ἐπεὶ κατ’ οὐδενὸς εἶχεν μείζονος ὀμόσαι, ὤμοσεν καθ’ ἑαυτοῦ,
Luc 1.73 Genèse 22.15-22.18 Ezéchiel 32.13 Psaumes 105.9-105.10 Michée 7.20
14 λέγων· ⸀Εἰ μὴν εὐλογῶν εὐλογήσω σε καὶ πληθύνων πληθυνῶ σε·
Genèse 22.17 Genèse 48.4 Exode 32.13 Néhémie 9.23 Genèse 17.2
15 καὶ οὕτως μακροθυμήσας ἐπέτυχεν τῆς ἐπαγγελίας.
Hébreux 6.12 Genèse 21.2-21.7 Genèse 12.2-12.3 Habakuk 2.2-2.3 Exode 1.7
16 ⸀ἄνθρωποι γὰρ κατὰ τοῦ μείζονος ὀμνύουσιν, καὶ πάσης αὐτοῖς ἀντιλογίας πέρας εἰς βεβαίωσιν ὁ ὅρκος·
Exode 22.11 Matthieu 23.20-23.22 2 Samuel 21.2 Josué 9.15-9.20 Genèse 21.30-21.31
17 ἐν ᾧ περισσότερον βουλόμενος ὁ θεὸς ἐπιδεῖξαι τοῖς κληρονόμοις τῆς ἐπαγγελίας τὸ ἀμετάθετον τῆς βουλῆς αὐτοῦ ἐμεσίτευσεν ὅρκῳ,
Hébreux 11.9 Proverbes 19.21 Hébreux 6.18 Psaumes 110.4 Esaïe 14.26-14.27
18 ἵνα διὰ δύο πραγμάτων ἀμεταθέτων, ἐν οἷς ἀδύνατον ψεύσασθαι ⸀θεόν, ἰσχυρὰν παράκλησιν ἔχωμεν οἱ καταφυγόντες κρατῆσαι τῆς προκειμένης ἐλπίδος·
Tite 1.2 Nombres 23.19 1 Samuel 15.29 Esaïe 27.5 Matthieu 3.7
19 ἣν ὡς ἄγκυραν ἔχομεν τῆς ψυχῆς, ⸀ἀσφαλῆ τε καὶ βεβαίαν καὶ εἰσερχομένην εἰς τὸ ἐσώτερον τοῦ καταπετάσματος,
Lévitique 16.2 Romains 8.28-8.39 Hébreux 9.7 Lévitique 16.15 Hébreux 9.3
20 ὅπου πρόδρομος ὑπὲρ ἡμῶν εἰσῆλθεν Ἰησοῦς, κατὰ τὴν τάξιν Μελχισέδεκ ἀρχιερεὺς γενόμενος εἰς τὸν αἰῶνα.
Hébreux 4.14 Hébreux 5.6 Hébreux 9.24 Hébreux 12.2 Hébreux 3.1