1 Yosia alikuwa na umri wa miaka minane alipoanza kutawala; akatawala miaka thelathini na mmoja katika Yerusalemu; na jina la mama yake aliitwa Yedida, binti Adaya wa Bozkathi.
Josué 15.39 Matthieu 1.10 Esaïe 3.4 Psaumes 8.2 Jérémie 1.2
2 Akafanya yaliyo mema machoni pa Bwana, akaenda katika njia yote ya Daudi baba yake, wala hakugeuka upande wa kuume wala wa kushoto.
Deutéronome 5.32 Josué 1.7 Proverbes 4.27 2 Rois 16.2 1 Rois 11.38
3 Ikawa, katika mwaka wa kumi na nane wa mfalme Yosia, mfalme akamtuma Shafani, mwana wa Azalia, mwana wa Meshulamu, mwandishi, nyumbani kwa Bwana, akisema,
2 Chroniques 34.3-34.33
4 Enenda kwa Hilkia, kuhani mkuu, ili aihesabu fedha yote inayoletwa nyumbani mwa Bwana, ambayo mabawabu wameipokea kwa watu;
2 Rois 12.4 Psaumes 84.10 2 Chroniques 8.14 2 Chroniques 24.8-24.12 Néhémie 11.19
5 tena waitie ile fedha katika mikono ya wafanya kazi wanaoisimamia nyumba ya Bwana; wakapewe wafanya kazi waliomo ndani ya nyumba ya Bwana, ili wapate kupatengeneza mahali palipobomoka ndani ya nyumba;
2 Rois 12.11-12.14 2 Rois 12.5 2 Chroniques 24.27 2 Chroniques 24.7 2 Chroniques 24.12-24.13
6 wapewe maseremala, na wajenzi, na waashi; ili kununua miti na mawe yaliyochongwa wapate kuitengeneza nyumba.
7 Lakini hawakuulizwa habari za ile fedha waliyokabidhiwa; maana walitenda kazi kwa uaminifu.
2 Rois 12.15 1 Corinthiens 4.2 Proverbes 28.20 Exode 36.5-36.6 Luc 16.10-16.12
8 Naye Hilkia, kuhani mkuu, akamwambia Shafani, mwandishi, Nimekiona kitabu cha torati katika nyumba ya Bwana. Hilkia akampa Shafani kile kitabu, naye akakisoma.
Deutéronome 31.24-31.26 2 Chroniques 34.14-34.28
9 Shafani mwandishi akamwendea mfalme, akamletea mfalme habari tena, akasema, Watumishi wako wamezitoa zile fedha zilizoonekana ndani ya nyumba, nao wamewakabidhi wafanya kazi wanaoisimamia nyumba ya Bwana.
Jérémie 41.2 Jérémie 26.24 2 Rois 22.12 2 Rois 25.22 2 Rois 22.3
10 Kisha Shafani mwandishi akamwambia mfalme, akasema, Hilkia kuhani amenipa kitabu. Shafani akakisoma mbele ya mfalme.
Jérémie 36.21 Néhémie 8.1-8.7 Jérémie 22.1-22.2 Néhémie 8.14-8.15 Deutéronome 17.18-17.20
11 Ikawa, mfalme alipokwisha kuyasikia maneno ya kitabu hicho cha torati, alirarua nguo zake.
Jonas 3.6-3.7 Joël 2.13 Jérémie 36.24 Josué 7.6 2 Rois 22.19
12 Mfalme akamwamuru Hilkia kuhani, na Ahikamu, mwana wa Shafani, na Akbori, mwana wa Mikaya, na Shafani mwandishi, na Asaya, mtumishi wa mfalme akasema,
Jérémie 26.24 2 Rois 25.22 2 Chroniques 34.19-34.21 Jérémie 26.22 2 Rois 22.9
13 Enendeni, mkamwulize Bwana kwa ajili yangu, na kwa ajili ya watu hawa, na kwa ajili ya Yuda yote, katika habari za maneno ya kitabu hiki kilichoonekana; kwa kuwa hasira ya Bwana ni kubwa aliyotukasirikia, kwa sababu baba zetu hawakuyaangalia maneno ya kitabu hiki, kufanya kama hayo yote tuliyoandikiwa.
Deutéronome 31.17-31.18 Deutéronome 29.23-29.28 Ezéchiel 20.1-20.3 Proverbes 3.6 Jérémie 16.12
14 Basi Hilkia kuhani, na Ahikamu, na Akbori, na Shafani, na Asaya, wakamwendea Hulda, nabii mke, mkewe Shalumu, mwana wa Tikva, mwana wa Harhasi, mtunza mavazi ya mfalme; (naye alikaa Yerusalemu katika mtaa wa pili;) wakasema naye.
2 Chroniques 34.22 Actes 21.9 Michée 6.4 Exode 15.20 Luc 2.36
15 Akawaambia, Bwana, Mungu wa Israeli, asema hivi; Mwambieni mtu yule aliyewatuma ninyi kwangu,
2 Rois 1.6 2 Rois 1.16 Jérémie 23.28
16 Bwana asema hivi, Tazama, mimi nitaleta uovu juu ya mahali hapa, na juu yao wakaao hapa, naam, maneno yote ya kitabu alichokisoma mfalme wa Yuda;
Josué 23.15 Daniel 9.11-9.14 2 Chroniques 34.24-34.25 Deutéronome 30.17-30.18 2 Rois 25.1-25.4
17 kwa sababu wameniacha mimi, wameifukizia uvumba miungu mingine, ili wapate kunikasirisha kwa kazi yote ya mikono yao; kwa hiyo hasira yangu itawaka juu ya mahali hapa, isizimike.
Psaumes 115.4-115.8 Psaumes 106.35-106.42 Jérémie 7.20 Juges 10.6-10.7 Néhémie 9.26-9.27
18 Lakini yule mfalme wa Yuda, aliyewatuma ninyi kumwuliza Bwana, mtamwambia hivi, Bwana, Mungu wa Israeli, asema hivi, Kwa habari ya maneno yale uliyoyasikia,
Malachie 3.16-3.17 Esaïe 3.10 2 Chroniques 34.26-34.28
19 kwa kuwa moyo wako ulikuwa mwororo, nawe ukajinyenyekesha mbele za Bwana, hapo ulipoyasikia maneno niliyoyanena juu ya mahali hapa, na juu ya wenyeji wake, ya kwamba watakuwa ukiwa na laana, nawe ulizirarua nguo zako, ukalia mbele zangu; basi, mimi nami nimekusikia wewe, asema Bwana.
Jérémie 26.6 Psaumes 51.17 1 Rois 21.29 Esaïe 57.15 Exode 10.3
20 Kwa hiyo tazama, nitakukusanya pamoja na baba zako, nawe utawekwa kaburini mwako kwa amani; wala macho yako hayatauona uovu huo wote nitakaouleta juu ya mahali hapa. Basi wakamletea mfalme habari tena.
Psaumes 37.37 1 Chroniques 17.11 Esaïe 57.1-57.2 Deutéronome 31.16 2 Chroniques 34.28