Psaumes 10.4
Bible en Swahili de l’est

Le méchant et son sort

¹ Ee Bwana, kwa nini wasimama mbali? Kwani kujificha nyakati za shida?
² Kwa kiburi chake asiye haki mnyonge anafuatiwa kwa ukali; Na wanaswe kwa hila zizo hizo walizoziwaza.
³ Maana mdhalimu hujisifia tamaa ya nafsi yake, Na mwenye choyo humkana Bwana na kumdharau.
⁴ Mdhalimu kwa kiburi cha uso wake Asema, Hatapatiliza. Jumla ya mawazo yake ni, Hakuna Mungu;
⁵ Njia zake ni thabiti kila wakati. Hukumu zako ziko juu asizione, Adui zake wote awafyonya.
⁶ Asema moyoni mwake, Sitaondoshwa, Kizazi baada ya kizazi sitakuwamo taabuni.
⁷ Kinywa chake kimejaa laana, Na hila na dhuluma. Chini ya ulimi wake kuna madhara na uovu,
⁸ Hukaa katika maoteo ya vijiji. Mahali pa siri humwua asiye na hatia, Macho yake humvizia mtu duni.
⁹ Huotea faraghani kama simba pangoni, Huotea amkamate mtu mnyonge. Naam, humkamata mtu mnyonge, Akimkokota wavuni mwake.
¹⁰ Hujikunyata na kuinama; Watu duni huanguka kwa nguvu zake.
¹¹ Asema moyoni mwake, Mungu amesahau, Auficha uso wake, haoni kamwe.
¹² Bwana, uondoke, Ee Mungu, uuinue mkono wako, Usiwasahau wanyonge.
¹³ Kwani mdhalimu kumdharau Mungu. Akisema moyoni mwake, Hutapatiliza?
¹⁴ Umeona, maana unaangalia madhara na jeuri, Uyatwae mkononi mwako. Mtu duni hukuachia nafsi yake, Maana umekuwa msaidizi wa yatima.
¹⁵ Uuvunje mkono wake mdhalimu, Na mbaya, uipatilize dhuluma yake, hata usiione.
¹⁶ Bwana ndiye Mfalme milele na milele; Mataifa wamepotea kutoka nchi yake.
¹⁷ Bwana, umeisikia tamaa ya wanyonge, Utaitengeneza mioyo yao, utalitega sikio lako.
¹⁸ Ili kumhukumu yatima naye aliyeonewa, Binadamu aliye udongo asizidi kudhulumu.