2 Rois 23.9
Vulgate

¹ et renuntiaverunt regi quod dixerat qui misit et congregati sunt ad eum omnes senes Iuda et Hierusalem
2 Chroniques 30.2 2 Samuel 6.1 2 Chroniques 29.20 2 Chroniques 34.29-34.33 Deutéronome 31.28
² ascenditque rex templum Domini et omnes viri Iuda universique qui habitant in Hierusalem cum eo sacerdotes et prophetae et omnis populus a parvo usque ad magnum legitque cunctis audientibus omnia verba libri foederis qui inventus est in domo Domini
2 Rois 22.8 Deutéronome 31.10-31.13 Apocalypse 20.12 Actes 26.22 1 Rois 8.9
³ stetitque rex super gradum et percussit foedus coram Domino ut ambularent post Dominum et custodirent praecepta eius et testimonia et caerimonias in omni corde et in tota anima et suscitarent verba foederis huius quae scripta erant in libro illo adquievitque populus pacto
2 Rois 11.17 2 Rois 11.14 Deutéronome 13.4 Esdras 10.3 Matthieu 22.36-22.37
⁴ et praecepit rex Helciae pontifici et sacerdotibus secundi ordinis et ianitoribus ut proicerent de templo Domini omnia vasa quae facta fuerant Baal et in luco et universae militiae caeli et conbusit ea foris Hierusalem in convalle Cedron et tulit pulverem eorum in Bethel
2 Rois 21.3 2 Rois 21.7 2 Rois 25.18 2 Chroniques 33.3 2 Chroniques 33.7
⁵ et delevit aruspices quos posuerant reges Iuda ad sacrificandum in excelsis per civitates Iuda et in circuitu Hierusalem et eos qui adolebant incensum Baal et soli et lunae et duodecim signis et omni militiae caeli
Jérémie 8.1-8.2 Osée 10.5 Jérémie 44.17-44.19 2 Rois 21.3-21.4
⁶ et efferri fecit lucum de domo Domini foras Hierusalem in convalle Cedron et conbusit eum ibi et redegit in pulverem et proiecit super sepulchrum vulgi
2 Chroniques 34.4 2 Rois 23.15 2 Rois 10.27 Deutéronome 7.25 2 Rois 21.7
⁷ destruxit quoque aediculas effeminatorum quae erant in domo Domini pro quibus mulieres texebant quasi domunculas luci
Ezéchiel 16.16 1 Rois 15.12 1 Rois 14.24 Exode 35.25-35.26 Ezéchiel 8.14
⁸ congregavitque omnes sacerdotes de civitatibus Iuda et contaminavit excelsa ubi sacrificabant sacerdotes de Gabaa usque Bersabee et destruxit aras portarum in introitu ostii Iosue principis civitatis quod erat ad sinistram portae civitatis
1 Rois 15.22 Josué 21.17 Zacharie 14.10 Esaïe 10.29 Genèse 21.31
⁹ verumtamen non ascendebant sacerdotes excelsorum ad altare Domini in Hierusalem sed tantum comedebant azyma in medio fratrum suorum
Ezéchiel 44.10-44.14 Ezéchiel 44.29-44.31 Malachie 2.8-2.9 1 Samuel 2.36
¹⁰ contaminavit quoque Thafeth quod est in convalle filii Ennom ut nemo consecraret filium suum aut filiam per ignem Moloch
Esaïe 30.33 Jérémie 19.6 Lévitique 18.21 Jérémie 7.31-7.32 Jérémie 32.35
¹¹ abstulit quoque equos quos dederant reges Iudae soli in introitu templi Domini iuxta exedram Nathanmelech eunuchi qui erat in Farurim currus autem solis conbusit igni
Ezéchiel 8.16 Deutéronome 4.19 2 Chroniques 34.4 2 Chroniques 14.5 2 Rois 23.5
¹² altaria quoque quae erant super tecta cenaculi Ahaz quae fecerant reges Iuda et altaria quae fecerat Manasses in duobus atriis templi Domini destruxit rex et cucurrit inde et dispersit cinerem eorum in torrentem Cedron
Sophonie 1.5 Jérémie 19.13 2 Rois 21.5 2 Chroniques 33.5 2 Chroniques 33.15
¹³ excelsa quoque quae erant in Hierusalem ad dexteram partem montis Offensionis quae aedificaverat Salomon rex Israhel Astharoth idolo Sidoniorum et Chamos offensioni Moab et Melchom abominationi filiorum Ammon polluit rex
1 Rois 11.5 1 Rois 11.7 Nombres 21.29 Jérémie 48.13 Néhémie 13.26
¹⁴ et contrivit statuas et succidit lucos replevitque loca eorum ossibus mortuorum
Exode 23.24 Deutéronome 7.5 2 Rois 23.16 2 Chroniques 34.3-34.4 Nombres 33.52
¹⁵ insuper et altare quod erat in Bethel excelsum quod fecerat Hieroboam filius Nabath qui peccare fecit Israhel et altare illud et excelsum destruxit atque conbusit et comminuit in pulverem succenditque etiam lucum
1 Rois 14.16 2 Rois 23.6 1 Rois 12.28-13.1 1 Rois 21.22 2 Rois 10.31
¹⁶ et conversus Iosias vidit ibi sepulchra quae erant in monte misitque et tulit ossa de sepulchris et conbusit ea super altare et polluit illud iuxta verbum Domini quod locutus est vir Dei qui praedixerat verba haec
Matthieu 24.35 1 Rois 13.32 Jean 10.35 1 Rois 13.1-13.2
¹⁷ et ait quis est titulus ille quem video responderuntque ei cives illius urbis sepulchrum est hominis Dei qui venit de Iuda et praedixit verba haec quae fecisti super altare Bethel
1 Rois 13.1 1 Rois 13.30-13.31
¹⁸ et ait dimittite eum nemo commoveat ossa eius et intacta manserunt ossa illius cum ossibus prophetae qui venerat de Samaria
1 Rois 13.31 1 Rois 13.1-13.22
¹⁹ insuper et omnia fana excelsorum quae erant in civitatibus Samariae quae fecerant reges Israhel ad inritandum Dominum abstulit Iosias et fecit eis secundum omnia opera quae fecerat in Bethel
2 Chroniques 34.6-34.7 Psaumes 78.58 Michée 6.16 Jérémie 7.18-7.19 2 Chroniques 30.6-30.11
²⁰ et occidit universos sacerdotes excelsorum qui erant ibi super altaria et conbusit ossa humana super ea reversusque est Hierusalem
2 Rois 11.18 2 Rois 10.25 Exode 22.20 2 Chroniques 34.5 1 Rois 13.2
²¹ et praecepit omni populo dicens facite phase Domino Deo vestro secundum quod scriptum est in libro foederis huius
Deutéronome 16.1-16.8 Exode 12.3-12.20 Nombres 28.16-28.25 Lévitique 23.5-23.8 2 Chroniques 35.1-35.19
²² nec enim factum est phase tale a diebus iudicum qui iudicaverunt Israhel et omnium dierum regum Israhel et regum Iuda
2 Chroniques 30.1-30.3 2 Chroniques 35.3-35.19 2 Chroniques 30.13-30.20
²³ sicut in octavodecimo anno regis Iosiae factum est phase istud Domino in Hierusalem
²⁴ sed et pythones et ariolos et figuras idolorum et inmunditias abominationesque quae fuerant in terra Iuda et in Hierusalem abstulit Iosias ut statueret verba legis quae scripta sunt in libro quem invenit Helcias sacerdos in templo Domini
Lévitique 19.31 2 Rois 21.6 Genèse 31.19 Lévitique 20.27 Deutéronome 18.10-18.12
²⁵ similis illi non fuit ante eum rex qui reverteretur ad Dominum in omni corde suo et in tota anima sua et in universa virtute sua iuxta omnem legem Mosi neque post eum surrexit similis illi
2 Rois 18.5 1 Rois 15.5 Jérémie 29.13 Deutéronome 4.29 Deutéronome 6.5
²⁶ verumtamen non est aversus Dominus ab ira furoris sui magni quo iratus est furor eius contra Iudam propter inritationes quibus provocaverat eum Manasses
2 Rois 21.11-21.13 2 Rois 24.4 2 Rois 24.2 Jérémie 3.7-3.10 2 Chroniques 36.16
²⁷ dixit itaque Dominus etiam Iudam auferam a facie mea sicut abstuli Israhel et proiciam civitatem hanc quam elegi Hierusalem et domum de qua dixi erit nomen meum ibi
2 Rois 18.11 2 Rois 21.13 2 Rois 21.4 2 Rois 17.20 2 Rois 17.18
²⁸ reliqua autem verba Iosiae et universa quae fecit nonne haec scripta sunt in libro verborum dierum regum Iuda
2 Rois 20.20
²⁹ in diebus eius ascendit Pharao Necho rex Aegypti contra regem Assyriorum ad flumen Eufraten et abiit Iosias rex in occursum eius et occisus est in Mageddo cum vidisset eum
Jérémie 46.2 2 Chroniques 35.20-35.24 Juges 5.19 Zacharie 12.11 Romains 11.33
³⁰ et portaverunt eum servi sui mortuum de Mageddo et pertulerunt in Hierusalem et sepelierunt eum in sepulchro suo tulitque populus terrae Ioahaz filium Iosiae et unxerunt eum et constituerunt eum regem pro patre suo
2 Rois 9.28 2 Chroniques 36.1-36.4 2 Chroniques 35.24 2 Rois 21.24 1 Rois 22.33-22.38

Règne de Joachaz sur Juda

³¹ viginti trium annorum erat Ioahaz cum regnare coepisset et tribus mensibus regnavit in Hierusalem nomen matris eius Amithal filia Hieremiae de Lobna
1 Chroniques 3.15 Jérémie 22.11 2 Rois 24.18
³² et fecit malum coram Domino iuxta omnia quae fecerant patres eius
2 Rois 21.2-21.7 2 Rois 21.21-21.22
³³ vinxitque eum Pharao Necho in Rebla quae est in terra Emath ne regnaret in Hierusalem et inposuit multam terrae centum talentis argenti et talento auri
1 Rois 8.65 2 Rois 25.6 Jérémie 39.5-39.6 Jérémie 52.26-52.27 Jérémie 52.9-52.10
³⁴ regemque constituit Pharao Necho Eliachim filium Iosiae pro Iosia patre eius vertitque nomen eius Ioiachim porro Ioahaz tulit et duxit in Aegyptum
Ezéchiel 19.3-19.4 Jérémie 22.11-22.12 2 Rois 24.17 1 Chroniques 3.15 Daniel 1.7
³⁵ argentum autem et aurum dedit Ioiachim Pharaoni cum indixisset terrae per singulos ut conferretur iuxta praeceptum Pharaonis et unumquemque secundum vires suas exegit tam argentum quam aurum de populo terrae ut daret Pharaoni Necho
2 Rois 23.33 2 Rois 15.19-15.20

Règne de Jojakim sur Juda

³⁶ viginti quinque annorum erat Ioiachim cum regnare coepisset et undecim annis regnavit in Hierusalem nomen matris eius Zebida filia Phadaia de Ruma
2 Chroniques 36.5 1 Chroniques 3.15 Jérémie 1.3 Jérémie 26.1
³⁷ et fecit malum coram Domino iuxta omnia quae fecerant patres eius
Ezéchiel 19.5-19.9 Jérémie 26.20-26.23 2 Chroniques 33.4-33.10 2 Rois 23.32 Jérémie 36.31