2 Chroniques 36
Vulgate

¹ tulit ergo populus terrae Ioachaz filium Iosiae et constituit regem pro patre suo in Hierusalem Jérémie 22.11 1 Chroniques 3.15 2 Rois 23.30-23.37 2 Chroniques 26.1 2 Chroniques 33.25
² viginti trium annorum erat Ioachaz cum regnare coepisset et tribus mensibus regnavit in Hierusalem ³ amovit autem eum rex Aegypti cum venisset Hierusalem et condemnavit terram centum talentis argenti et talento auri 2 Rois 23.33
⁴ constituitque regem pro eo Eliacim fratrem eius super Iudam et Hierusalem et vertit nomen eius Ioacim ipsum vero Ioachaz tulit secum et adduxit in Aegyptum Jérémie 22.10-22.12 1 Chroniques 3.15 2 Rois 23.34-23.35 Ezéchiel 19.3-19.4
⁵ viginti quinque annorum erat Ioacim cum regnare coepisset et undecim annis regnavit in Hierusalem fecitque malum coram Domino Deo suo 2 Rois 23.36-23.37 Jérémie 22.13-22.19 Jérémie 26.1 Jérémie 35.1 Jérémie 36.27-36.32
⁶ contra hunc ascendit Nabuchodonosor rex Chaldeorum et vinctum catenis duxit in Babylonem 2 Chroniques 33.11 Ezéchiel 19.5-19.9 Habakuk 1.5-1.10 2 Rois 24.13-24.20 Daniel 1.1-1.2
⁷ ad quam et vasa Domini transtulit et posuit ea in templo suo 2 Rois 24.13 Jérémie 27.16-27.18 Daniel 5.2-5.4 Jérémie 28.3 Daniel 1.2
⁸ reliqua autem verborum Ioacim et abominationum eius quas operatus est et quae inventa sunt in eo continentur in libro regum Israhel et Iuda regnavitque Ioachin filius eius pro eo 2 Rois 24.5-24.6 Jérémie 22.24 Jérémie 22.28 1 Chroniques 3.16-3.17 Matthieu 1.11-1.12
⁹ octo annorum erat Ioachin cum regnare coepisset et tribus mensibus ac decem diebus regnavit in Hierusalem fecitque malum in conspectu Domini 2 Rois 24.8-24.17
¹⁰ cumque anni circulus volveretur misit Nabuchodonosor rex qui et adduxerunt eum in Babylonem asportatis simul pretiosissimis vasis domus Domini regem vero constituit Sedeciam fratrem eius super Iudam et Hierusalem Jérémie 37.1 2 Chroniques 36.7 Jérémie 24.1 Ezéchiel 17.12 Ezéchiel 1.2
¹¹ viginti et unius anni erat Sedecias cum regnare coepisset et undecim annis regnavit in Hierusalem 2 Rois 24.18-24.20 Jérémie 27.1 Jérémie 28.1 Jérémie 52.1-52.3
¹² fecitque malum in oculis Domini Dei sui nec erubuit faciem Hieremiae prophetae loquentis ad se ex ore Domini 2 Chroniques 33.23 Jérémie 38.14-38.28 Jérémie 37.2-37.21 Jérémie 34.2-34.22 1 Pierre 5.6
¹³ a rege quoque Nabuchodonosor recessit qui adiuraverat eum per Deum et induravit cervicem suam et cor ut non reverteretur ad Dominum Deum Israhel 2 Chroniques 30.8 Exode 9.17 Néhémie 9.29 Néhémie 9.16-9.17 Jérémie 52.2-52.3
¹⁴ sed et universi principes sacerdotum et populus praevaricati sunt inique iuxta universas abominationes gentium et polluerunt domum Domini quam sanctificaverat sibi in Hierusalem 2 Rois 16.10-16.16 Ezéchiel 22.6 Ezéchiel 22.26-22.28 Michée 3.1-3.4 2 Chroniques 33.9
¹⁵ mittebat autem Dominus Deus patrum suorum ad illos per manum nuntiorum suorum de nocte consurgens et cotidie commonens eo quod parceret populo et habitaculo suo Jérémie 35.15 Jérémie 25.3-25.4 Jérémie 44.4-44.5 Jérémie 7.25 Jérémie 7.13
¹⁶ at illi subsannabant nuntios Dei et parvipendebant sermones eius inludebantque prophetis donec ascenderet furor Domini in populum eius et esset nulla curatio 2 Chroniques 30.10 Proverbes 29.1 Jérémie 5.12-5.13 Esdras 5.12 Psaumes 74.1
¹⁷ adduxit enim super eos regem Chaldeorum et interfecit iuvenes eorum gladio in domo sanctuarii sui non est misertus adulescentis et virginis et senis nec decrepiti quidem sed omnes tradidit manibus eius Psaumes 74.20 Esdras 9.7 Lamentations 2.20-2.22 Jérémie 15.8-15.9 Daniel 9.14
¹⁸ universaque vasa domus Domini tam maiora quam minora et thesauros templi et regis et principum transtulit in Babylonem 2 Chroniques 36.10 2 Chroniques 36.7 Jérémie 52.17-52.23 2 Rois 25.13-25.17 Zacharie 1.6
¹⁹ incenderunt hostes domum Dei destruxerunt murum Hierusalem universas turres conbuserunt et quicquid pretiosum fuerat demoliti sunt Psaumes 79.1 2 Rois 25.9-25.11 Psaumes 79.7 Jérémie 52.13-52.15 Jérémie 7.14
²⁰ si quis evaserat gladium ductus in Babylonem servivit regi et filiis eius donec imperaret rex Persarum Jérémie 27.7 Deutéronome 28.47-28.48 2 Rois 25.11 Esdras 1.1-1.11 2 Chroniques 36.22
²¹ et conpleretur sermo Domini ex ore Hieremiae et celebraret terra sabbata sua cunctis enim diebus desolationis egit sabbatum usque dum conplerentur septuaginta anni Jérémie 29.10 Lévitique 26.34-26.35 Daniel 9.2 Zacharie 1.12 Jérémie 26.6-26.7
²² anno autem primo Cyri regis Persarum ad explendum sermonem Domini quem locutus fuerat per os Hieremiae suscitavit Dominus spiritum Cyri regis Persarum qui iussit praedicari in universo regno suo etiam per scripturam dicens Jérémie 25.12 Esdras 1.1-1.3 Jérémie 29.10 Daniel 10.1 Jérémie 32.42-32.44
²³ haec dicit Cyrus rex Persarum omnia regna terrae dedit mihi Dominus Deus caeli et ipse praecepit mihi ut aedificarem ei domum in Hierusalem quae est in Iudaea quis ex vobis est in omni populo eius sit Dominus Deus suus cum eo et ascendat Daniel 5.18 Psaumes 75.5-75.7 Esdras 7.13 Daniel 4.35 1 Chroniques 22.16