Apocalypse 17.4
Vulgate

La chute de Babylone

¹ et venit unus de septem angelis qui habebant septem fialas et locutus est mecum dicens veni ostendam tibi damnationem meretricis magnae quae sedet super aquas multas
Jérémie 51.13 Apocalypse 21.9 Apocalypse 19.2 Apocalypse 15.1 Apocalypse 16.19
² cum qua fornicati sunt reges terrae et inebriati sunt qui inhabitant terram de vino prostitutionis eius
Apocalypse 14.8 Apocalypse 18.3 Jérémie 51.7 Apocalypse 18.9 Apocalypse 17.17
³ et abstulit me in desertum in spiritu et vidi mulierem sedentem super bestiam coccineam plenam nominibus blasphemiae habentem capita septem et cornua decem
Apocalypse 12.3 Apocalypse 12.6 Apocalypse 12.14 Daniel 7.20 Daniel 7.8
⁴ et mulier erat circumdata purpura et coccino et inaurata auro et lapide pretioso et margaritis habens poculum aureum in manu sua plenum abominationum et inmunditia fornicationis eius
Jérémie 51.7 Apocalypse 18.16 Apocalypse 18.12 Daniel 11.38 1 Rois 14.24
⁵ et in fronte eius nomen scriptum mysterium Babylon magna mater fornicationum et abominationum terrae
Apocalypse 14.8 2 Thessaloniciens 2.7 Apocalypse 17.7 Apocalypse 16.19 Jérémie 51.47-51.48
⁶ et vidi mulierem ebriam de sanguine sanctorum et de sanguine martyrum Iesu et miratus sum cum vidissem illam admiratione magna
Apocalypse 16.6 Apocalypse 13.15 Apocalypse 2.13 Apocalypse 18.20-18.24 Habakuk 1.13
⁷ et dixit mihi angelus quare miraris ego tibi dicam sacramentum mulieris et bestiae quae portat eam quae habet capita septem et decem cornua
Apocalypse 17.1-17.6 Apocalypse 17.8
⁸ bestiam quam vidisti fuit et non est et ascensura est de abysso et in interitum ibit et mirabuntur inhabitantes terram quorum non sunt scripta nomina in libro vitae a constitutione mundi videntes bestiam quia erat et non est
Apocalypse 11.7 Apocalypse 17.11 Apocalypse 19.15-19.21 Apocalypse 3.5 Apocalypse 3.10
⁹ et hic est sensus qui habet sapientiam septem capita septem montes sunt super quos mulier sedet et reges septem sunt
Apocalypse 13.18 Apocalypse 17.3 Matthieu 24.15 Apocalypse 17.7 Matthieu 13.11
¹⁰ quinque ceciderunt unus est alius nondum venit et cum venerit oportet illum breve tempus manere
¹¹ et bestia quae erat et non est et ipsa octava est et de septem est et in interitum vadit
Apocalypse 17.8
¹² et decem cornua quae vidisti decem reges sunt qui regnum nondum acceperunt sed potestatem tamquam reges una hora accipiunt post bestiam
Apocalypse 13.1 Daniel 7.24 Apocalypse 12.3 Apocalypse 18.10 Zacharie 1.18-1.21
¹³ hii unum consilium habent et virtutem et potestatem suam bestiae tradunt
Apocalypse 17.17 Actes 4.28 Philippiens 2.2 Philippiens 1.27 Esaïe 10.5-10.7
¹⁴ hii cum agno pugnabunt et agnus vincet illos quoniam Dominus dominorum est et rex regum et qui cum illo sunt vocati et electi et fideles
1 Timothée 6.15 Apocalypse 16.14 Apocalypse 1.5 Apocalypse 2.10 Apocalypse 3.21
¹⁵ et dixit mihi aquas quas vidisti ubi meretrix sedet populi sunt et gentes et linguae
Apocalypse 17.1 Jérémie 51.42 Apocalypse 11.9 Apocalypse 10.11 Psaumes 18.4
¹⁶ et decem cornua quae vidisti et bestiam hii odient fornicariam et desolatam facient illam et nudam et carnes eius manducabunt et ipsam igni concremabunt
Apocalypse 18.8 Lévitique 21.9 Apocalypse 18.16-18.17 Apocalypse 18.19 Jérémie 50.41-50.42
¹⁷ Deus enim dedit in corda eorum ut faciant quod illi placitum est ut dent regnum suum bestiae donec consummentur verba Dei
Apocalypse 10.7 2 Thessaloniciens 2.10-2.12 Apocalypse 17.13 Luc 22.22 Luc 22.37
¹⁸ et mulier quam vidisti est civitas magna quae habet regnum super reges terrae
Apocalypse 16.19 Luc 2.1 Apocalypse 18.2 Daniel 2.40-2.41 Apocalypse 12.4