1 Samuel 11.13
Vulgate

Victoire de Saül sur les Ammonites

¹ ascendit autem Naas Ammonites et pugnare coepit adversus Iabesgalaad dixeruntque omnes viri Iabes ad Naas habeto nos foederatos et serviemus tibi
Juges 21.8 1 Rois 20.34 Ezéchiel 17.13 1 Samuel 12.12 Genèse 26.28
² et respondit ad eos Naas Ammonites in hoc feriam vobiscum foedus ut eruam omnium vestrum oculos dextros ponamque vos obprobrium in universo Israhel
1 Samuel 17.26 Nombres 16.14 Genèse 34.14 Juges 16.21 Jérémie 39.7
³ et dixerunt ad eum seniores Iabes concede nobis septem dies ut mittamus nuntios in universos terminos Israhel et si non fuerit qui defendat nos egrediemur ad te
⁴ venerunt ergo nuntii in Gabaath Saulis et locuti sunt verba audiente populo et levavit omnis populus vocem suam et flevit
Juges 2.4 1 Samuel 10.26 1 Samuel 30.4 Juges 21.2 1 Samuel 15.34
⁵ et ecce Saul veniebat sequens boves de agro et ait quid habet populus quod plorat et narraverunt ei verba virorum Iabes
1 Rois 19.19 Esaïe 22.1 Psaumes 78.71 Genèse 21.17 1 Samuel 9.1
⁶ et insilivit spiritus Domini in Saul cum audisset verba haec et iratus est furor eius nimis
1 Samuel 10.10 Juges 6.34 1 Samuel 16.13 Juges 3.10 Juges 14.6
⁷ et adsumens utrumque bovem concidit in frusta misitque in omnes terminos Israhel per manum nuntiorum dicens quicumque non exierit secutusque fuerit Saul et Samuhelem sic fiet bubus eius invasit ergo timor Domini populum et egressi sunt quasi vir unus
Juges 19.29 Juges 20.1 Juges 21.5-21.11 Genèse 35.5 2 Chroniques 17.10
⁸ et recensuit eos in Bezec fueruntque filiorum Israhel trecenta milia virorum autem Iuda triginta milia
Juges 1.4-1.5 2 Samuel 24.9 2 Chroniques 17.12-17.19 1 Samuel 13.15 1 Samuel 15.4
⁹ et dixerunt nuntiis qui venerant sic dicetis viris qui sunt in Iabesgalaad cras erit vobis salus cum incaluerit sol venerunt ergo nuntii et adnuntiaverunt viris Iabes qui laetati sunt
Psaumes 18.17
¹⁰ et dixerunt mane exibimus ad vos et facietis nobis omne quod placuerit vobis
1 Samuel 11.2-11.3
¹¹ et factum est cum venisset dies crastinus constituit Saul populum in tres partes et ingressus est media castra in vigilia matutina et percussit Ammon usque dum incalesceret dies reliqui autem dispersi sunt ita ut non relinquerentur in eis duo pariter
Juges 7.16 Juges 9.43 Psaumes 46.1 Juges 4.16 1 Samuel 30.17-30.18
¹² et ait populus ad Samuhel quis est iste qui dixit Saul non regnabit super nos date viros et interficiemus eos
1 Samuel 10.27 Luc 19.27 Psaumes 21.8
¹³ et ait Saul non occidetur quisquam in die hac quia hodie fecit Dominus salutem in Israhel
2 Samuel 19.22 Exode 14.13 1 Samuel 19.5 Exode 14.30 Esaïe 59.16
¹⁴ dixit autem Samuhel ad populum venite et eamus in Galgala et innovemus ibi regnum
1 Samuel 10.8 1 Samuel 7.16 1 Samuel 10.24-10.25 1 Chroniques 12.38-12.39 1 Samuel 5.3
¹⁵ et perrexit omnis populus in Galgala et fecerunt ibi regem Saul coram Domino in Galgala et immolaverunt ibi victimas pacificas coram Domino et laetatus est ibi Saul et cuncti viri Israhel nimis
1 Samuel 10.8 1 Samuel 10.17 Osée 13.10-13.11 1 Samuel 12.13-12.15 Jacques 4.16