Proverbes 9.13
Bible en Swahili de l’est

La sagesse et la folie

¹ Hekima umeijenga nyumba yake, Amezichonga nguzo zake saba;
² Amechinja nyama zake, umechanganya divai yake, Ameiandalia meza yake pia.
³ Amewatuma wajakazi wake, analia, Mahali pa mjini palipoinuka sana,
⁴ Kila aliye mjinga na aingie humu. Tena amwambia mtu aliyepungukiwa na akili,
⁵ Njoo ule mkate wangu, Ukanywe divai niliyoichanganya.
⁶ Enyi wajinga, acheni ujinga, mkaishi, Mkaende katika njia ya ufahamu.
⁷ Amkemeaye mwenye dharau hujipatia fedheha; Amkaripiaye mtu mbaya hujipatia aibu.
⁸ Usimkaripie mwenye dharau, asije akakuchukia; Mkaripie mwenye hekima, naye atakupenda.
⁹ Mwelimishe mwenye hekima, naye atazidi kuwa na hekima; Mfundishe mwenye haki, naye atazidi kuwa na elimu;
¹⁰ Kumcha Bwana ni mwanzo wa hekima; Na kumjua Mtakatifu ni ufahamu.
¹¹ Maana, kwa msaada wangu siku zako zitazidishwa; Na miaka ya maisha yako itaongezwa.
¹² Kama una hekima, una hekima kwa nafsi yako; Na kama una dharau, utaichukua peke yako.
¹³ Mwanamke mpumbavu hupiga kelele, Ni mjinga, hajui kitu.
¹⁴ Hukaa mlangoni pa nyumba yake, Juu ya kiti mahali pa mjini palipoinuka,
¹⁵ Apate kuwaita wapitao njiani, Waendao moja kwa moja katika njia zao.
¹⁶ Kila aliye mjinga na aingie humu. Tena amwambia mtu aliyepungukiwa na akili,
¹⁷ Maji yaliyoibiwa ni matamu, Na mkate ulioliwa kwa siri hupendeza.
¹⁸ Lakini huyo hajui ya kuwa wafu wamo humo; Ya kuwa wageni wake wamo chini kuzimuni.