Genèse 10.4
Bible en Swahili de l’est

¹ Hivi ndivyo vizazi vya wana wa Nuhu, Shemu, na Hamu, na Yafethi. Na kwao walizaliwa wana wa kiume baada ya gharika. ² Wana wa Yafethi ni Gomeri, na Magogu, na Madai, na Yavani, na Tubali, na Mesheki, na Tirasi. ³ Na wana wa Gomeri ni Ashkenazi, na Rifathi, na Togama. ⁴ Na wana wa Yavani ni Elisha, Tarshishi, Kitimu, na Warodani. ⁵ Kwa hao nchi za pwani za mataifa ziligawanyikana kuwa nchi zao, kila moja kwa lugha yake, kwa jamaa zao, kufuata mataifa yao. ⁶ Na wana wa Hamu ni Kushi, na Misri, na Putu, na Kanaani. ⁷ Na wana wa Kushi ni Seba, na Havila, na Sabta, na Raama, na Sabteka. Na wana wa Raama ni Sheba, na Dedani. ⁸ Kushi akamzaa Nimrodi, akaanza kuwa mtu hodari katika nchi. ⁹ Alikuwa hodari kuwinda wanyama mbele za Bwana. Kwa hiyo watu hunena, Kama Nimrodi, hodari wa kuwinda wanyama mbele za Bwana. ¹⁰ Mwanzo wa ufalme wake ulikuwa Babeli na Ereku, na Akadi, na Kalne, katika nchi ya Shinari. ¹¹ Akatoka katika nchi ile akaenda mpaka Ashuru, akajenga Ninawi, na Rehoboth-iri, na Kala; ¹² na Reseni, kati ya Ninawi na Kala, nao ni mji mkubwa. ¹³ Misri akazaa Waludi, na Waanami, na Walehabi, na Wanaftuhi, ¹⁴ na Wapathrusi, na Wakasluhi; huko ndiko walikotoka Wafilisti na Wakaftori. ¹⁵ Kanaani akamzaa Sidoni, mwanawe wa kwanza, na Hethi, ¹⁶ na Myebusi, na Mwamori, na Mgirgashi, ¹⁷ na Mhivi, na Mwarki, na Msini, ¹⁸ na Mwarvadi, na Msemari, na Mhamathi. Baadaye jamaa za Wakanaani walitawanyikana. ¹⁹ Na mpaka wa Wakanaani ulianza kutoka Sidoni kwa njia ya Gerari hata Gaza; tena kwa njia ya Sodoma, na Gomora, na Adma, na Seboimu, hata Lasha. ²⁰ Hao ndio wana wa Hamu, kufuata jamaa zao, kwa lugha zao, katika nchi zao, kufuata mataifa yao. ²¹ Naye Shemu ambaye ni baba wa wana wote wa Eberi, na ndugu mkubwa wa Yafethi, akazaliwa wana. ²² Wana wa Shemu ni Elamu, na Ashuru, na Arfaksadi, na Ludi, na Aramu. ²³ Na wana wa Aramu ni Usi, na Huli, na Getheri, na Mashi. ²⁴ Arfaksadi akamzaa Sela, Sela akamzaa Eberi. ²⁵ Eberi akazaliwa wana wawili wa kiume; jina la wa kwanza ni Pelegi maana katika siku zake nchi iligawanyika; na jina la nduguye ni Yoktani. ²⁶ Yoktani akamzaa Almodadi, na Shelefu, na Hasarmawethi, na Yera, ²⁷ na Hadoramu, na Uzali, na Dikla, ²⁸ na Obali, na Abimaeli, na Seba, ²⁹ na Ofiri, na Havila, na Yobabi. Hao wote ndio wana wa Yoktani. ³⁰ Makao yao yalikuwa kutoka Mesha kwa njia ya Sefari, mlima wa mashariki. ³¹ Hao ndio wana wa Shemu, kufuata jamaa zao, na lugha zao, katika nchi zao, kufuata mataifa yao. ³² Hizo ndizo jamaa za wana wa Nuhu, kufuata vizazi vyao, katika mataifa yao; na kwa hao mataifa yaligawanyika katika nchi baada ya gharika.