Josué 14.5
Bible en Swahili de l’est

Partage du pays à l’ouest du Jourdain

¹ Kisha hizi ndizo nchi ambazo wana wa Israeli walizitwaa katika nchi ya Kanaani, ambazo Eleazari kuhani, na Yoshua mwana wa Nuni, na vichwa vya nyumba za mababa wa kabila za Israeli, waliwagawanyia,
Nombres 34.17-34.29
² kwa kuandama hiyo kura ya urithi wao, vile vile kama Bwana alivyoamuru kwa mkono wa Musa, kwa ajili ya hizo kabila kenda, na hiyo nusu ya kabila.
Nombres 34.13 Nombres 33.54 Nombres 26.55-26.56 Matthieu 25.34 Psaumes 16.5-16.6
³ Kwa kuwa Musa alikuwa amekwisha kuwapa urithi hizo kabila mbili na nusu, ng’ambo ya pili ya Yordani; lakini hakuwapa Walawi urithi uwao wote kati yao.
Josué 13.14 Josué 13.8 Josué 13.32-13.33 Nombres 32.29-32.42 Deutéronome 3.12-3.17
⁴ Kwa kuwa wana wa Yusufu walikuwa kabila mbili, Manase na Efraimu; nao hawakuwapa Walawi sehemu katika hiyo nchi, isipokuwa waliwapa miji wapate kuikaa, pamoja na viunga vyake kwa ajili ya wanyama wao wa mifugo, na kwa ajili ya riziki zao.
Genèse 48.5 1 Chroniques 5.1-5.2 Nombres 35.2-35.8 1 Chroniques 6.54-6.81 Josué 21.2-21.42
⁵ Vile vile kama Bwana alivyomwamuru Musa, hao wana wa Israeli walifanya vivyo, nao wakaigawanya hiyo nchi.
Josué 21.2 Nombres 35.1-35.2

Territoire accordé à Caleb

⁶ Wakati huo wana wa Yuda walimkaribia Yoshua hapo Gilgali; na Kalebu, mwana wa Yefune, huyo Mkenizi, akamwambia, Wewe wajua hilo neno Bwana alilomwambia Musa, huyo mtu wa Mungu, katika habari zangu, na katika habari zako wewe, tulipokuwa katika Kadesh-barnea.
Nombres 13.6 Nombres 14.24 Nombres 14.30 Josué 15.17 Nombres 13.26
⁷ Mimi nilikuwa mtu wa miaka arobaini umri wangu, hapo Musa mtumishi wa Bwana aliponituma niende kutoka Kadesh-barnea ili kuipeleleza hiyo nchi; nami nilimletea habari tena, kama ilivyokuwa ndani ya moyo wangu.
Nombres 13.6 Nombres 13.26-13.33 Nombres 13.16-13.20 Nombres 14.6-14.10
⁸ Lakini wale ndugu zangu waliokwea kwenda pamoja nami waliiyeyusha mioyo ya watu; ila mimi nilimfuata Bwana, Mungu wangu, kwa utimilifu.
Nombres 14.24 Deutéronome 1.36 Josué 14.14 Apocalypse 14.4 Nombres 13.31
⁹ Kisha Musa akaniapia siku hiyo, akasema, Hakika hiyo nchi ambayo miguu yako imekanyaga itakuwa ni urithi kwako wewe, na kwa watoto wako milele, kwa sababu wewe umemfuata Bwana, Mungu wako, kwa utimilifu.
Josué 1.3 Deutéronome 1.36 Nombres 14.22-14.24 Nombres 13.22
¹⁰ Sasa basi, angalia, yeye Bwana ameniweka hai, kama alivyosema, miaka hii arobaini na mitano, tangu wakati huo Bwana alipomwambia Musa neno hilo, wakati Israeli waliokuwa wakienenda barani; na sasa tazama, hivi leo nimepata miaka themanini na mitano umri wangu.
Nombres 14.33-14.34 Nombres 14.30 Josué 11.18
¹¹ Hata sasa mimi nina nguvu zangu hivi leo kama nilivyokuwa siku hiyo Musa aliyonituma; kama nguvu zangu zilivyokuwa wakati huo, na nguvu zangu ndivyo zilivyo sasa, kwa vita na kwa kutoka nje na kuingia ndani.
Deutéronome 34.7 Deutéronome 31.2 Psaumes 90.10 Psaumes 103.5
¹² Basi sasa unipe mlima huu, ambao Bwana alinena habari zake siku hiyo; kwani wewe ulisikia siku hiyo jinsi Waanaki walivyokuwa huko, na miji ilivyokuwa mikubwa yenye boma; yumkini yeye Bwana atakuwa pamoja nami, nami nitawafukuza watoke nje, kama Bwana alivyonena.
Nombres 13.33 Nombres 13.28 Philippiens 4.13 Romains 8.31 Psaumes 60.12
¹³ Yoshua akambarikia, akampa Kalebu, huyo mwana wa Yefune, Hebroni kuwa urithi wake.
Juges 1.20 Josué 22.6 1 Chroniques 6.55-6.56 Josué 21.11-21.12 Josué 10.36-10.37
¹⁴ Kwa hiyo Hebroni ukawa urithi wa Kalebu, mwana wa Yefune, Mkenizi, hata leo; kwa sababu alimwandama Bwana, Mungu wa Israeli, kwa utimilifu.
Josué 14.8-14.9 1 Corinthiens 15.58
¹⁵ Basi jina la Hebroni hapo kwanza uliitwa Kiriath-arba; huyo Arba alikuwa ni mtu mkubwa kupita wenziwe wote katika hao Waanaki. Hiyo nchi nayo ikatulia, vita vikakoma.
Josué 11.23 Genèse 23.2 Josué 15.13 Juges 5.31 Juges 8.28