Job 1.13
Vulgate

¹ vir erat in terra Hus nomine Iob et erat vir ille simplex et rectus ac timens Deum et recedens a maloEzéchiel 14.14 Ezéchiel 14.20 Jacques 5.11 Genèse 17.1 Genèse 6.9
² natique sunt ei septem filii et tres filiaeJob 42.13 Psaumes 127.3-127.5 Psaumes 107.38 Job 13.13 Esther 5.11
³ et fuit possessio eius septem milia ovium et tria milia camelorum quingenta quoque iuga boum et quingentae asinae ac familia multa nimis eratque vir ille magnus inter omnes OrientalesJob 29.25 Job 42.12 Genèse 12.16 Juges 6.3 Juges 6.5
⁴ et ibant filii eius et faciebant convivium per domos unusquisque in die suo et mittentes vocabant tres sorores suas ut comederent et biberent cum eisHébreux 13.1 Psaumes 133.1
⁵ cumque in orbem transissent dies convivii mittebat ad eos Iob et sanctificabat illos consurgensque diluculo offerebat holocausta per singulos dicebat enim ne forte peccaverint filii mei et benedixerint Deo in cordibus suis sic faciebat Iob cunctis diebusGenèse 8.20 Job 42.8 1 Samuel 16.5 1 Rois 21.13 1 Rois 21.10
⁶ quadam autem die cum venissent filii Dei ut adsisterent coram Domino adfuit inter eos etiam SatanJob 2.1 Job 38.7 Zacharie 3.1 1 Rois 22.19 1 Chroniques 21.1
⁷ cui dixit Dominus unde venis qui respondens ait circuivi terram et perambulavi eam1 Pierre 5.8 Job 2.2 Apocalypse 12.12-12.17 2 Rois 5.25 Apocalypse 12.9
⁸ dixitque Dominus ad eum numquid considerasti servum meum Iob quod non sit ei similis in terra homo simplex et rectus et timens Deum ac recedens a maloJob 1.1 Job 2.3 2 Rois 23.25 Esaïe 1.16 Proverbes 8.13
⁹ cui respondens Satan ait numquid frustra timet Iob DeumMatthieu 16.26 Job 2.10 Job 21.14-21.15 Job 1.21 1 Timothée 6.6
¹⁰ nonne tu vallasti eum ac domum eius universamque substantiam per circuitum operibus manuum eius benedixisti et possessio illius crevit in terraPsaumes 34.7 1 Pierre 1.5 Psaumes 107.38 Proverbes 10.22 Deutéronome 28.2-28.6
¹¹ sed extende paululum manum tuam et tange cuncta quae possidet nisi in facie tua benedixerit tibiJob 2.5 Job 19.21 Apocalypse 16.11 Job 1.5 Apocalypse 16.21
¹² dixit ergo Dominus ad Satan ecce universa quae habet in manu tua sunt tantum in eum ne extendas manum tuam egressusque est Satan a facie DominiGenèse 16.6 2 Corinthiens 12.7 1 Rois 22.23 1 Corinthiens 10.13 Job 2.4-2.7
¹³ cum autem quadam die filii et filiae eius comederent et biberent vinum in domo fratris sui primogenitiJob 1.4 Luc 17.27-17.29 Luc 21.34 Proverbes 27.1 Ecclésiaste 9.12
¹⁴ nuntius venit ad Iob qui diceret boves arabant et asinae pascebantur iuxta eosJérémie 51.31 1 Samuel 4.17 2 Samuel 15.13
¹⁵ et inruerunt Sabei tuleruntque omnia et pueros percusserunt gladio et evasi ego solus ut nuntiarem tibiGenèse 10.7 Job 6.19 Job 1.16-1.17 Psaumes 72.10 1 Samuel 22.20-22.21
¹⁶ cumque adhuc ille loqueretur venit alter et dixit ignis Dei cecidit e caelo et tactas oves puerosque consumpsit et effugi ego solus ut nuntiarem tibi2 Rois 1.12 Genèse 19.24 2 Rois 1.14 1 Samuel 14.15 Exode 9.28
¹⁷ sed et illo adhuc loquente venit alius et dixit Chaldei fecerunt tres turmas et invaserunt camelos et tulerunt eos necnon et pueros percusserunt gladio et ego fugi solus ut nuntiarem tibiGenèse 11.28 Habakuk 1.6 Esaïe 23.13 Genèse 11.31 2 Samuel 1.3
¹⁸ loquebatur ille et ecce alius intravit et dixit filiis tuis et filiabus vescentibus et bibentibus vinum in domo fratris sui primogenitiJob 1.4 Job 1.13 Job 19.9-19.10 Ecclésiaste 9.2 Job 16.14
¹⁹ repente ventus vehemens inruit a regione deserti et concussit quattuor angulos domus quae corruens oppressit liberos tuos et mortui sunt et effugi ego solus ut nuntiarem tibiActes 28.4 Luc 13.1-13.5 1 Rois 20.30 Matthieu 7.27 Genèse 37.32-37.33
²⁰ tunc surrexit Iob et scidit tunicam suam et tonso capite corruens in terram adoravit1 Pierre 5.6 Genèse 37.29 Genèse 37.34 Esdras 9.3 Deutéronome 9.18
²¹ et dixit nudus egressus sum de utero matris meae et nudus revertar illuc Dominus dedit Dominus abstulit sit nomen Domini benedictumEcclésiaste 5.15 1 Thessaloniciens 5.18 Ephésiens 5.20 1 Timothée 6.7 Job 2.10
²² in omnibus his non peccavit Iob neque stultum quid contra Deum locutus estJob 2.10 Jacques 1.12 Jacques 1.4 1 Pierre 1.7 Romains 9.20