Nombres 19.1
Vulgate

La vache rousse et l’eau de purification

¹ locutusque est Dominus ad Mosen et Aaron dicens
² ista est religio victimae quam constituit Dominus praecipe filiis Israhel ut adducant ad te vaccam rufam aetatis integrae in qua nulla sit macula nec portaverit iugum
Deutéronome 21.3 Lévitique 22.20-22.25 1 Samuel 6.7 Lamentations 1.14 Philippiens 2.6-2.8
³ tradetisque eam Eleazaro sacerdoti qui eductam extra castra immolabit in conspectu omnium
Lévitique 4.12 Lévitique 4.21 Lévitique 13.45-13.46 Nombres 3.4 Nombres 15.36
⁴ et tinguens digitum in sanguine eius asperget contra fores tabernaculi septem vicibus
Lévitique 4.17 Lévitique 4.6 Lévitique 16.14 Lévitique 16.19 Hébreux 9.13-9.14
⁵ conburetque eam cunctis videntibus tam pelle et carnibus eius quam sanguine et fimo flammae traditis
Exode 29.14 Lévitique 4.11-4.12 Psaumes 22.14 Lévitique 4.21 Esaïe 53.10
⁶ lignum quoque cedrinum et hysopum coccumque bis tinctum sacerdos mittet in flammam quae vaccam vorat
Lévitique 14.4 Lévitique 14.49 Lévitique 14.6 Psaumes 51.7 Hébreux 9.19-9.23
⁷ et tunc demum lotis vestibus et corpore suo ingredietur in castra commaculatusque erit usque ad vesperam
Lévitique 11.25 Lévitique 11.40 Lévitique 16.26-16.28 Nombres 19.19 Lévitique 14.8-14.9
⁸ sed et ille qui conbuserit eam lavabit vestimenta sua et corpus et inmundus erit usque ad vesperam
⁹ colliget autem vir mundus cineres vaccae et effundet eos extra castra in loco purissimo ut sint multitudini filiorum Israhel in custodiam et in aquam aspersionis quia pro peccato vacca conbusta est
Hébreux 9.13 Nombres 19.13 Nombres 19.20-19.21 Hébreux 7.26 Nombres 8.7
¹⁰ cumque laverit qui vaccae portaverat cineres vestimenta sua inmundus erit usque ad vesperum habebunt hoc filii Israhel et advenae qui habitant inter eos sanctum iure perpetuo
Colossiens 3.11 Nombres 15.15-15.16 Romains 3.29-3.30 Nombres 19.19 Nombres 19.7-19.8
¹¹ qui tetigerit cadaver hominis et propter hoc septem diebus fuerit inmundus
Nombres 5.2 Nombres 31.19 Lévitique 21.1 Lévitique 21.11 Nombres 19.16
¹² aspergetur ex hac aqua die tertio et septimo et sic mundabitur si die tertio aspersus non fuerit septimo non poterit emundari
Nombres 31.19 Exode 19.15 Actes 15.9 Apocalypse 7.14 1 Corinthiens 15.3-15.4
¹³ omnis qui tetigerit humanae animae morticinum et aspersus hac commixtione non fuerit polluet tabernaculum Domini et peribit ex Israhel quia aqua expiationis non est aspersus inmundus erit et manebit spurcitia eius super eum
Lévitique 15.31 Lévitique 22.3 Lévitique 7.20 Nombres 8.7 Lévitique 5.17
¹⁴ ista est lex hominis qui moritur in tabernaculo omnes qui ingrediuntur tentorium illius et universa vasa quae ibi sunt polluta erunt septem diebus
¹⁵ vas quod non habuerit operculum nec ligaturam desuper inmundum erit
Nombres 31.20 Lévitique 11.32 Lévitique 14.36
¹⁶ si quis in agro tetigerit cadaver occisi hominis aut per se mortui sive os illius vel sepulchrum inmundus erit septem diebus
Matthieu 23.27 Nombres 31.19 Luc 11.44 Nombres 19.11 Ezéchiel 39.11-39.16
¹⁷ tollent de cineribus conbustionis atque peccati et mittent aquas vivas super eos in vas
Jean 7.38 Apocalypse 7.17 Nombres 19.9 Cantique 4.15 Jean 4.10-4.11
¹⁸ in quibus cum homo mundus tinxerit hysopum asperget eo omne tentorium et cunctam supellectilem et homines huiuscemodi contagione pollutos
Hébreux 9.14 Psaumes 51.7 Jean 17.19 Jean 17.17 Jean 15.2-15.3
¹⁹ atque hoc modo mundus lustrabit inmundum tertio et septimo die expiatusque die septimo lavabit et se et vestimenta sua et mundus erit ad vesperam
Nombres 19.12 Lévitique 14.9 Nombres 31.19 Hébreux 10.22 Genèse 2.2
²⁰ si quis hoc ritu non fuerit expiatus peribit anima illius de medio ecclesiae quia sanctuarium Domini polluit et non est aqua lustrationis aspersus
Genèse 17.14 Nombres 19.13 Nombres 15.30 Actes 13.39-13.41 2 Pierre 3.14
²¹ erit hoc praeceptum legitimum sempiternum ipse quoque qui aspergit aquas lavabit vestimenta sua omnis qui tetigerit aquas expiationis inmundus erit usque ad vesperam
Hébreux 7.19 Hébreux 9.10 Hébreux 10.4 Lévitique 11.40 Lévitique 16.26-16.28
²² quicquid tetigerit inmundus inmundum faciet et anima quae horum quippiam tetigerit inmunda erit usque ad vesperum
Aggée 2.13 Marc 7.21-7.23 Matthieu 15.19-15.20 Lévitique 15.5 Lévitique 7.19