Romains 13.14
Vulgate

¹ omnis anima potestatibus sublimioribus subdita sit non est enim potestas nisi a Deo quae autem sunt a Deo ordinatae suntTite 3.1 1 Pierre 2.13-2.17 Jean 19.11 Proverbes 8.15-8.16 Jude 1.8
² itaque qui resistit potestati Dei ordinationi resistit qui autem resistunt ipsi sibi damnationem adquirunt1 Pierre 2.13 Tite 3.1 Romains 13.5 Marc 12.40 Jacques 3.1
³ nam principes non sunt timori boni operis sed mali vis autem non timere potestatem bonum fac et habebis laudem ex illaRomains 13.4 Proverbes 14.35 Jérémie 22.15-22.18 Proverbes 20.2 Deutéronome 25.1
⁴ Dei enim minister est tibi in bonum si autem male feceris time non enim sine causa gladium portat Dei enim minister est vindex in iram ei qui malum agitRomains 12.19 2 Chroniques 19.6 1 Thessaloniciens 4.6 Proverbes 24.23-24.24 Jérémie 5.28
⁵ ideo necessitate subditi estote non solum propter iram sed et propter conscientiamEcclésiaste 8.2 1 Pierre 2.19 Actes 24.16 Hébreux 13.18 Tite 3.1-3.2
⁶ ideo enim et tributa praestatis ministri enim Dei sunt in hoc ipsum servientesMatthieu 22.17-22.21 Matthieu 17.24-17.27 Marc 12.14-12.17 Luc 20.21-20.26 Deutéronome 1.9-1.17
⁷ reddite omnibus debita cui tributum tributum cui vectigal vectigal cui timorem timorem cui honorem honoremMatthieu 17.25 Luc 20.25 Matthieu 22.21 1 Timothée 5.17 Lévitique 19.32
⁸ nemini quicquam debeatis nisi ut invicem diligatis qui enim diligit proximum legem implevitRomains 13.10 Matthieu 7.12 Galates 5.14 Jacques 2.8 Matthieu 22.39-22.40
⁹ nam non adulterabis non occides non furaberis non concupisces et si quod est aliud mandatum in hoc verbo instauratur diliges proximum tuum tamquam te ipsumLévitique 19.18 Matthieu 19.18-19.19 Exode 20.12-20.17 Luc 10.27 Marc 12.31
¹⁰ dilectio proximo malum non operatur plenitudo ergo legis est dilectioRomains 13.8 Matthieu 22.39-22.40 1 Corinthiens 13.4-13.7
¹¹ et hoc scientes tempus quia hora est iam nos de somno surgere nunc enim propior est nostra salus quam cum credidimusEphésiens 5.14 1 Corinthiens 15.34 1 Pierre 4.7 Luc 21.28 Ecclésiaste 9.10
¹² nox praecessit dies autem adpropiavit abiciamus ergo opera tenebrarum et induamur arma lucisEphésiens 5.11 2 Corinthiens 6.7 Ezéchiel 18.31-18.32 1 Thessaloniciens 5.5-5.8 Esaïe 30.22
¹³ sicut in die honeste ambulemus non in comesationibus et ebrietatibus non in cubilibus et inpudicitiis non in contentione et aemulationeGalates 5.21 1 Thessaloniciens 4.12 Luc 21.34 1 Thessaloniciens 4.3-4.5 Ephésiens 5.18
¹⁴ sed induite Dominum Iesum Christum et carnis curam ne feceritis in desideriisGalates 3.27 Ephésiens 4.24 Galates 5.24 1 Pierre 2.11 Romains 8.12-8.13