Josué 14.14
Vulgate

¹ hoc est quod possederunt filii Israhel in terra Chanaan quam dederunt eis Eleazar sacerdos et Iosue filius Nun et principes familiarum per tribus IsrahelNombres 34.17-34.29
² sorte omnia dividentes sicut praeceperat Dominus in manu Mosi novem tribubus et dimidiae tribuiNombres 34.13 Nombres 33.54 Nombres 26.55-26.56 Matthieu 25.34 Psaumes 16.5-16.6
³ duabus enim tribubus et dimidiae dederat Moses trans Iordanem possessionem absque Levitis qui nihil terrae acceperunt inter fratres suosJosué 13.14 Josué 13.8 Nombres 32.29-32.42 Deutéronome 3.12-3.17 Josué 13.32-13.33
⁴ sed in eorum successerant locum filii Ioseph in duas divisi tribus Manasse et Ephraim nec acceperunt Levitae aliam in terra partem nisi urbes ad habitandum et suburbana earum ad alenda iumenta et pecora suaGenèse 48.5 1 Chroniques 5.1-5.2 Josué 21.2-21.42 Nombres 35.2-35.8 1 Chroniques 6.54-6.81
⁵ sicut praecepit Dominus Mosi ita fecerunt filii Israhel et diviserunt terramJosué 21.2 Nombres 35.1-35.2
⁶ accesserunt itaque filii Iuda ad Iosue in Galgala locutusque est ad eum Chaleb filius Iepphonne Cenezeus nosti quid locutus sit Dominus ad Mosen hominem Dei de me et te in CadesbarneNombres 14.24 Nombres 14.30 Nombres 13.6 Josué 14.14 Josué 15.17
⁷ quadraginta annorum eram quando me misit Moses famulus Domini de Cadesbarne ut considerarem terram nuntiavique ei quod mihi verum videbaturNombres 13.6 Nombres 14.6-14.10 Nombres 13.26-13.33 Nombres 13.16-13.20
⁸ fratres autem mei qui ascenderant mecum dissolverunt cor populi et nihilominus ego secutus sum Dominum Deum meumNombres 14.24 Deutéronome 1.36 Josué 14.14 Apocalypse 14.4 Nombres 13.31
⁹ iuravitque Moses in die illo dicens terram quam calcavit pes tuus erit possessio tua et filiorum tuorum in aeternum quia secutus es Dominum Deum meumDeutéronome 1.36 Josué 1.3 Nombres 13.22 Nombres 14.22-14.24
¹⁰ concessit ergo Dominus vitam mihi sicut pollicitus est usque in praesentem diem quadraginta et quinque anni sunt ex quo locutus est Dominus verbum istud ad Mosen quando ambulabat Israhel per solitudinem hodie octoginta quinque annorum sumNombres 14.30 Josué 11.18 Nombres 14.33-14.34
¹¹ sic valens ut eo valebam tempore quando ad explorandum missus sum illius in me temporis fortitudo usque hodie perseverat tam ad bellandum quam ad gradiendumDeutéronome 34.7 Deutéronome 31.2 Psaumes 90.10 Psaumes 103.5
¹² da ergo mihi montem istum quem pollicitus est Dominus te quoque audiente in quo Enacim sunt et urbes magnae atque munitae si forte sit Dominus mecum et potuero delere eos sicut promisit mihiNombres 13.33 Nombres 13.28 Philippiens 4.13 Romains 8.31 Psaumes 44.3
¹³ benedixitque ei Iosue et tradidit Hebron in possessionemJosué 22.6 Juges 1.20 1 Chroniques 6.55-6.56 Josué 21.11-21.12 Josué 10.36-10.37
¹⁴ atque ex eo fuit Hebron Chaleb filio Iepphonne Cenezeo usque in praesentem diem quia secutus est Dominum Deum IsrahelJosué 14.8-14.9 1 Corinthiens 15.58
¹⁵ nomen Hebron antea vocabatur Cariatharbe Adam maximus ibi inter Enacim situs est et terra cessavit a proeliisJosué 11.23 Genèse 23.2 Josué 15.13 Juges 3.11 Juges 3.30