Apocalypse 13
Vulgate

Les bêtes

1 et vidi de mare bestiam ascendentem habentem capita septem et cornua decem et super cornua eius decem diademata et super capita eius nomina blasphemiae
Apocalypse 12.3 Apocalypse 17.3 Daniel 11.36 Apocalypse 11.7 Daniel 7.23-7.25
2 et bestiam quam vidi similis erat pardo et pedes eius sicut ursi et os eius sicut os leonis et dedit illi draco virtutem suam et potestatem magnam
Apocalypse 16.10 Apocalypse 20.2 Apocalypse 17.12 Apocalypse 12.15 Jérémie 13.23
3 et unum de capitibus suis quasi occisum in mortem et plaga mortis eius curata est et admirata est universa terra post bestiam
Apocalypse 17.8 Apocalypse 13.14 Apocalypse 17.13 Apocalypse 17.6 Apocalypse 13.1-13.2
4 et adoraverunt draconem quia dedit potestatem bestiae et adoraverunt bestiam dicentes quis similis bestiae et quis poterit pugnare cum ea
Apocalypse 18.18 Apocalypse 13.2 Psaumes 106.37-106.38 Apocalypse 17.14 2 Thessaloniciens 2.4
5 et datum est ei os loquens magna et blasphemiae et data est illi potestas facere menses quadraginta duo
Daniel 11.36 Daniel 7.8 Daniel 7.25 Daniel 7.11 Apocalypse 12.6
6 et aperuit os suum in blasphemias ad Deum blasphemare nomen eius et tabernaculum eius et eos qui in caelo habitant
Apocalypse 12.12 Jean 1.14 Hébreux 9.2 Hébreux 9.11-9.12 Apocalypse 18.20
7 et datum est illi bellum facere cum sanctis et vincere illos et data est ei potestas in omnem tribum et populum et linguam et gentem
Apocalypse 11.7 Daniel 7.21 Daniel 7.25 Apocalypse 12.17 Daniel 12.1
8 et adorabunt eum omnes qui inhabitant terram quorum non sunt scripta nomina in libro vitae agni qui occisus est ab origine mundi
1 Pierre 1.19-1.20 Ephésiens 1.4 Matthieu 25.34 Apocalypse 17.8 Apocalypse 3.5
9 si quis habet aurem audiat
Apocalypse 2.7 Apocalypse 2.17 Apocalypse 2.29 Apocalypse 2.11
10 qui in captivitatem in captivitatem vadit qui in gladio occiderit oportet eum gladio occidi hic est patientia et fides sanctorum
Hébreux 6.12 Esaïe 33.1 Apocalypse 14.12 Jacques 5.7-5.8 Esaïe 26.21
11 et vidi aliam bestiam ascendentem de terra et habebat cornua duo similia agni et loquebatur sicut draco
Daniel 7.24-7.25 2 Corinthiens 11.13-11.15 Matthieu 7.15 Apocalypse 17.6 Daniel 7.8
12 et potestatem prioris bestiae omnem faciebat in conspectu eius et facit terram et inhabitantes in eam adorare bestiam primam cuius curata est plaga mortis
Apocalypse 13.14-13.17 Apocalypse 17.10-17.11 2 Thessaloniciens 2.4 Apocalypse 19.20 Apocalypse 14.11
13 et fecit signa magna ut etiam ignem faceret de caelo descendere in terram in conspectu hominum
Matthieu 24.24 Apocalypse 16.14 Apocalypse 20.9 Apocalypse 19.20 1 Rois 18.38
14 et seducit habitantes terram propter signa quae data sunt illi facere in conspectu bestiae dicens habitantibus in terra ut faciant imaginem bestiae quae habet plagam gladii et vixit
Apocalypse 19.20 Apocalypse 12.9 Apocalypse 13.8 Apocalypse 20.3-20.4 Apocalypse 13.15
15 et datum est illi ut daret spiritum imagini bestiae ut et loquatur imago bestiae et faciat quicumque non adoraverint imaginem bestiae occidantur
Apocalypse 20.4 Apocalypse 19.20 Apocalypse 16.2 Apocalypse 14.11 Apocalypse 17.6
16 et faciet omnes pusillos et magnos et divites et pauperes et liberos et servos habere caracter in dextera manu aut in frontibus suis
Apocalypse 7.3 Apocalypse 19.18 Apocalypse 20.4 Apocalypse 19.5 Apocalypse 19.20
17 et ne quis possit emere aut vendere nisi qui habet caracter nomen bestiae aut numerum nominis eius
Apocalypse 14.11 Apocalypse 15.2 Apocalypse 13.18 Apocalypse 13.16 Apocalypse 22.4
18 hic sapientia est qui habet intellectum conputet numerum bestiae numerus enim hominis est et numerus eius est sescenti sexaginta sex
Apocalypse 17.9 Apocalypse 21.17 Apocalypse 15.2 Daniel 12.10 Apocalypse 1.3