1 Samuel 9
Vulgate

¹ et erat vir de Beniamin nomine Cis filius Abihel filii Seror filii Bechoreth filii Afia filii viri Iemini fortis robore 1 Samuel 14.51 1 Chroniques 9.36-9.39 2 Samuel 19.32 Actes 13.21 1 Samuel 25.2
² et erat ei filius vocabulo Saul electus et bonus et non erat vir de filiis Israhel melior illo ab umero et sursum eminebat super omnem populum Genèse 6.2 1 Samuel 10.23-10.24 Jérémie 9.23 Nombres 13.33 1 Samuel 17.4
³ perierant autem asinae Cis patris Saul et dixit Cis ad Saul filium suum tolle tecum unum de pueris et consurgens vade et quaere asinas qui cum transissent per montem Ephraim 1 Samuel 10.2 Juges 10.4 Juges 5.10
⁴ et per terram Salisa et non invenissent transierunt etiam per terram Salim et non erant sed et per terram Iemini et minime reppererunt 2 Rois 4.42 Josué 24.33 Jean 3.23 Juges 17.1 Juges 19.1
⁵ cum autem venissent in terram Suph dixit Saul ad puerum suum qui erat cum eo veni et revertamur ne forte dimiserit pater meus asinas et sollicitus sit pro nobis 1 Samuel 10.2 1 Samuel 1.1 Matthieu 6.34 Matthieu 6.28 Matthieu 6.25
⁶ qui ait ei ecce est vir Dei in civitate hac vir nobilis omne quod loquitur absque ambiguitate venit nunc ergo eamus illuc si forte indicet nobis de via nostra propter quam venimus Deutéronome 33.1 1 Rois 13.1 Zacharie 1.5-1.6 1 Thessaloniciens 2.10 1 Thessaloniciens 5.13
⁷ dixitque Saul ad puerum suum ecce ibimus quid feremus ad virum panis defecit in sitarciis nostris et sportulam non habemus ut demus homini Dei nec quicquam aliud 2 Rois 8.8 1 Rois 14.3 2 Rois 5.5 2 Rois 4.42 Juges 13.15-13.17
⁸ rursum puer respondit Sauli et ait ecce inventa est in manu mea quarta pars stateris argenti demus homini Dei ut indicet nobis viam nostram ⁹ olim in Israhel sic loquebatur unusquisque vadens consulere Deum venite et eamus ad videntem qui enim propheta dicitur hodie vocabatur olim videns 2 Samuel 24.11 Amos 7.12 1 Chroniques 29.29 Esaïe 30.10 2 Rois 17.13
¹⁰ et dixit Saul ad puerum suum optimus sermo tuus veni eamus et ierunt in civitatem in qua erat vir Dei 2 Rois 5.13-5.14
¹¹ cumque ascenderent clivum civitatis invenerunt puellas egredientes ad hauriendam aquam et dixerunt eis num hic est videns Genèse 24.11 Exode 2.16 Juges 5.11 Genèse 24.18-24.20
¹² quae respondentes dixerunt illis hic est ecce ante te festina nunc hodie enim venit in civitate quia sacrificium est hodie populo in excelso Genèse 31.54 1 Rois 3.2-3.4 1 Samuel 10.5 1 Samuel 16.2 Deutéronome 12.6-12.7
¹³ ingredientes urbem statim invenietis eum antequam ascendat excelsum ad vescendum neque enim comesurus est populus donec ille veniat quia ipse benedicit hostiae et deinceps comedunt qui vocati sunt nunc ergo conscendite quia hodie repperietis eum Jean 6.11 Luc 24.30 Matthieu 26.26 1 Corinthiens 10.30 Jean 6.23
¹⁴ et ascenderunt in civitatem cumque illi ambularent in medio urbis apparuit Samuhel egrediens obviam eis ut ascenderet in excelsum ¹⁵ Dominus autem revelaverat auriculam Samuhel ante unam diem quam veniret Saul dicens 1 Samuel 15.1 Actes 13.21 2 Samuel 7.27 Psaumes 25.14 Marc 11.2-11.4
¹⁶ hac ipsa quae nunc est hora cras mittam ad te virum de terra Beniamin et ungues eum ducem super populum meum Israhel et salvabit populum meum de manu Philisthinorum quia respexi populum meum venit enim clamor eorum ad me 1 Samuel 10.1 Exode 3.7-3.9 Psaumes 25.18 1 Samuel 16.3 Psaumes 106.44
¹⁷ cumque aspexisset Samuhel Saulem Dominus ait ei ecce vir quem dixeram tibi iste dominabitur populo meo Néhémie 13.19 1 Samuel 3.13 Actes 13.21 1 Samuel 16.6-16.12 Néhémie 13.25
¹⁸ accessit autem Saul ad Samuhelem in medio portae et ait indica oro mihi ubi est domus videntis ¹⁹ et respondit Samuhel Sauli dicens ego sum videns ascende ante me in excelsum ut comedatis mecum hodie et dimittam te mane et omnia quae sunt in corde tuo indicabo tibi Jean 4.29 1 Corinthiens 14.25
²⁰ et de asinis quas perdidisti nudius tertius ne sollicitus sis quia inventae sunt et cuius erunt optima quaeque Israhel nonne tibi et omni domui patris tui 1 Samuel 8.5 1 Samuel 12.13 1 Samuel 9.3 1 Chroniques 29.3 1 Samuel 4.20
²¹ respondens autem Saul ait numquid non filius Iemini ego sum de minima tribu Israhel et cognatio mea novissima inter omnes familias de tribu Beniamin quare ergo locutus es mihi sermonem istum 1 Samuel 15.17 Juges 20.46-20.48 Psaumes 68.27 Osée 13.1 1 Samuel 18.18
²² adsumens itaque Samuhel Saulem et puerum eius introduxit eos in triclinium et dedit eis locum in capite eorum qui fuerant invitati erant enim quasi triginta viri Genèse 43.32 Luc 14.10
²³ dixitque Samuhel coco da partem quam dedi tibi et praecepi ut reponeres seorsum apud te 1 Samuel 1.5 Genèse 43.34
²⁴ levavit autem cocus armum et posuit ante Saul dixitque Samuhel ecce quod remansit pone ante te et comede quia de industria servatum est tibi quando populum vocavi et comedit Saul cum Samuhel in die illa Lévitique 7.32-7.33 Ezéchiel 24.4 Exode 29.22 Exode 29.27 Nombres 18.18
²⁵ et descenderunt de excelso in oppidum et locutus est cum Saul in solario Actes 10.9 Deutéronome 22.8 2 Samuel 11.2 Néhémie 8.16 Jérémie 19.13
²⁶ cumque mane surrexissent et iam dilucesceret vocavit Samuhel Saul in solarium dicens surge ut dimittam te et surrexit Saul egressique sunt ambo ipse videlicet et Samuhel Genèse 44.4 Juges 19.28 Josué 7.13 Genèse 19.14
²⁷ cumque descenderent in extrema parte civitatis Samuhel dixit ad Saul dic puero ut antecedat nos et transeat tu autem subsiste paulisper ut indicem tibi verbum Domini 2 Rois 9.5-9.6 1 Samuel 15.16 1 Samuel 20.38-20.39 Jean 15.14-15.15