Job 11.3
Biblia Hebraica Stuttgartensia

¹ וַ֭יַּעַן צֹפַ֥ר הַֽנַּעֲמָתִ֗י וַיֹּאמַֽר׃Job 2.11 Job 20.1
² הֲרֹ֣ב דְּ֭בָרִים לֹ֣א יֵעָנֶ֑ה וְאִם־אִ֖ישׁ שְׂפָתַ֣יִם יִצְדָּֽק׃Job 18.2 Proverbes 10.19 Jacques 1.19 Psaumes 140.11 Job 16.3
³ בַּ֭דֶּיךָ מְתִ֣ים יַחֲרִ֑ישׁו וַ֝תִּלְעַ֗ג וְאֵ֣ין מַכְלִֽם׃Job 17.2 Job 21.3 Psaumes 83.16 Job 12.4 Psaumes 35.16
⁴ וַ֭תֹּאמֶר זַ֣ךְ לִקְחִ֑י וּ֝בַ֗ר הָיִ֥יתִי בְעֵינֶֽיךָ׃Job 10.7 Job 6.10 Job 35.2 1 Pierre 3.15 Job 14.4
⁵ וְֽאוּלָ֗ם מִֽי־יִתֵּ֣ן אֱלֹ֣והַּ דַּבֵּ֑ר וְיִפְתַּ֖ח שְׂפָתָ֣יו עִמָּֽךְ׃Job 38.1-38.2 Job 31.35 Job 33.6-33.18 Job 23.3-23.7 Job 42.7
⁶ וְיַגֶּד־לְךָ֨׀ תַּֽעֲלֻמֹ֣ות חָכְמָה֮ כִּֽי־כִפְלַ֪יִם לְֽת֫וּשִׁיָּ֥ה וְדַ֡ע כִּֽי־יַשֶּׁ֥ה לְךָ֥ אֱ֝לֹ֗והַ מֵעֲוֹנֶֽךָ׃Esdras 9.13 Ephésiens 3.5 Lamentations 3.22 Deutéronome 29.29 Psaumes 103.10
⁷ הַחֵ֣קֶר אֱלֹ֣והַ תִּמְצָ֑א אִ֤ם עַד־תַּכְלִ֖ית שַׁדַּ֣י תִּמְצָֽא׃Romains 11.33 Ecclésiaste 3.11 Job 5.9 Psaumes 145.3 Job 37.23
⁸ גָּבְהֵ֣י שָׁ֭מַיִם מַה־תִּפְעָ֑ל עֲמֻקָּ֥ה מִ֝שְּׁאֹ֗ול מַה־תֵּדָֽע׃Job 22.12 Job 26.6 Amos 9.2 Esaïe 55.9 Job 35.5
⁹ אֲרֻכָּ֣ה מֵאֶ֣רֶץ מִדָּ֑הּ וּ֝רְחָבָ֗ה מִנִּי־יָֽם׃Psaumes 139.9-139.10 Psaumes 65.5-65.8 Job 28.24-28.25
¹⁰ אִם־יַחֲלֹ֥ף וְיַסְגִּ֑יר וְ֝יַקְהִ֗יל וּמִ֣י יְשִׁיבֶֽנּוּ׃Job 9.12-9.13 Apocalypse 3.7 Job 12.14 Job 34.29 Job 38.8
¹¹ כִּי־ה֭וּא יָדַ֣ע מְתֵי־שָׁ֑וְא וַיַּרְא־אָ֝֗וֶן וְלֹ֣א יִתְבֹּונָֽן׃Hébreux 4.13 Psaumes 10.14 Psaumes 94.11 Psaumes 35.22 Job 34.21-34.23
¹² וְאִ֣ישׁ נָ֭בוּב יִלָּבֵ֑ב וְעַ֥יִר פֶּ֝֗רֶא אָדָ֥ם יִוָּלֵֽד׃Job 39.5-39.8 Psaumes 73.22 Ecclésiaste 3.18 1 Corinthiens 3.18-3.20 Psaumes 92.6
¹³ אִם־אַ֭תָּ֗ה הֲכִינֹ֣ותָ לִבֶּ֑ךָ וּפָרַשְׂתָּ֖ אֵלָ֣יו כַּפֶּֽךָ׃Psaumes 88.9 1 Samuel 7.3 Psaumes 78.8 Psaumes 143.6 Psaumes 68.31
¹⁴ אִם־אָ֣וֶן בְּ֭יָדְךָ הַרְחִיקֵ֑הוּ וְאַל־תַּשְׁכֵּ֖ן בְּאֹהָלֶ֣יךָ עַוְלָֽה׃Job 22.23 Job 34.32 Job 4.7 Esaïe 1.15 Zacharie 5.3-5.4
¹⁵ כִּי־אָ֤ז׀ תִּשָּׂ֣א פָנֶ֣יךָ מִמּ֑וּם וְהָיִ֥יתָ מֻ֝צָ֗ק וְלֹ֣א תִירָֽא׃Job 22.26 1 Jean 3.19-3.22 Psaumes 46.1 1 Jean 2.28 2 Corinthiens 1.12
¹⁶ כִּי־אַ֭תָּה עָמָ֣ל תִּשְׁכָּ֑ח כְּמַ֖יִם עָבְר֣וּ תִזְכֹּֽר׃Esaïe 65.16 Ecclésiaste 5.20 Proverbes 31.7 Apocalypse 7.14-7.17 Genèse 41.51
¹⁷ וּֽ֭מִצָּהֳרַיִם יָק֣וּם חָ֑לֶד תָּ֝עֻ֗פָה כַּבֹּ֥קֶר תִּהְיֶֽה׃Psaumes 37.6 Esaïe 58.8-58.10 Zacharie 14.6-14.7 Malachie 4.2 1 Chroniques 29.10
¹⁸ וּֽ֭בָטַחְתָּ כִּי־יֵ֣שׁ תִּקְוָ֑ה וְ֝חָפַרְתָּ֗ לָבֶ֥טַח תִּשְׁכָּֽב׃Psaumes 3.5 Psaumes 4.8 Proverbes 3.24-3.26 Lévitique 26.5-26.6 Job 7.6
¹⁹ וְֽ֭רָבַצְתָּ וְאֵ֣ין מַחֲרִ֑יד וְחִלּ֖וּ פָנֶ֣יךָ רַבִּֽים׃Psaumes 45.12 Esaïe 45.14 Lévitique 26.6 Proverbes 19.6 Esaïe 60.14
²⁰ וְעֵינֵ֥י רְשָׁעִ֗ים תִּ֫כְלֶ֥ינָה וּ֭מָנֹוס אָבַ֣ד מִנְהֶ֑ם וְ֝תִקְוָתָ֗ם מַֽפַּח־נָֽפֶשׁ׃ פDeutéronome 28.65 Job 17.5 Job 31.16 Amos 9.1-9.3 Lamentations 4.17