Job 11.7
Biblia Hebraica Stuttgartensia

¹ וַ֭יַּעַן צֹפַ֥ר הַֽנַּעֲמָתִ֗י וַיֹּאמַֽר׃Job 2.11 Job 20.1
² הֲרֹ֣ב דְּ֭בָרִים לֹ֣א יֵעָנֶ֑ה וְאִם־אִ֖ישׁ שְׂפָתַ֣יִם יִצְדָּֽק׃Job 18.2 Proverbes 10.19 Psaumes 140.11 Job 16.3 Job 8.2
³ בַּ֭דֶּיךָ מְתִ֣ים יַחֲרִ֑ישׁו וַ֝תִּלְעַ֗ג וְאֵ֣ין מַכְלִֽם׃Job 17.2 Job 34.7 Job 24.25 Job 15.2-15.3 Job 13.9
⁴ וַ֭תֹּאמֶר זַ֣ךְ לִקְחִ֑י וּ֝בַ֗ר הָיִ֥יתִי בְעֵינֶֽיךָ׃Job 10.7 Job 6.10 Job 14.4 Job 7.20 Job 6.29-6.30
⁵ וְֽאוּלָ֗ם מִֽי־יִתֵּ֣ן אֱלֹ֣והַּ דַּבֵּ֑ר וְיִפְתַּ֖ח שְׂפָתָ֣יו עִמָּֽךְ׃Job 38.1-38.2 Job 23.3-23.7 Job 42.7 Job 40.1-40.5 Job 40.8
⁶ וְיַגֶּד־לְךָ֨׀ תַּֽעֲלֻמֹ֣ות חָכְמָה֮ כִּֽי־כִפְלַ֪יִם לְֽת֫וּשִׁיָּ֥ה וְדַ֡ע כִּֽי־יַשֶּׁ֥ה לְךָ֥ אֱ֝לֹ֗והַ מֵעֲוֹנֶֽךָ׃Esdras 9.13 Job 15.5 Job 15.11 Job 9.4 Matthieu 13.35
⁷ הַחֵ֣קֶר אֱלֹ֣והַ תִּמְצָ֑א אִ֤ם עַד־תַּכְלִ֖ית שַׁדַּ֣י תִּמְצָֽא׃Romains 11.33 Ecclésiaste 3.11 Job 5.9 Psaumes 145.3 Job 37.23
⁸ גָּבְהֵ֣י שָׁ֭מַיִם מַה־תִּפְעָ֑ל עֲמֻקָּ֥ה מִ֝שְּׁאֹ֗ול מַה־תֵּדָֽע׃Job 22.12 Esaïe 55.9 Job 35.5 Job 26.6 Amos 9.2
⁹ אֲרֻכָּ֣ה מֵאֶ֣רֶץ מִדָּ֑הּ וּ֝רְחָבָ֗ה מִנִּי־יָֽם׃Psaumes 139.9-139.10 Psaumes 65.5-65.8 Job 28.24-28.25
¹⁰ אִם־יַחֲלֹ֥ף וְיַסְגִּ֑יר וְ֝יַקְהִ֗יל וּמִ֣י יְשִׁיבֶֽנּוּ׃Job 9.12-9.13 Apocalypse 3.7 Job 12.14 Job 9.4 Deutéronome 32.30
¹¹ כִּי־ה֭וּא יָדַ֣ע מְתֵי־שָׁ֑וְא וַיַּרְא־אָ֝֗וֶן וְלֹ֣א יִתְבֹּונָֽן׃Hébreux 4.13 Psaumes 10.14 Jérémie 17.9-17.10 Jean 2.24-2.25 Apocalypse 2.23
¹² וְאִ֣ישׁ נָ֭בוּב יִלָּבֵ֑ב וְעַ֥יִר פֶּ֝֗רֶא אָדָ֥ם יִוָּלֵֽד׃Job 39.5-39.8 Psaumes 73.22 Ecclésiaste 3.18 Psaumes 51.5 Job 28.28
¹³ אִם־אַ֭תָּ֗ה הֲכִינֹ֣ותָ לִבֶּ֑ךָ וּפָרַשְׂתָּ֖ אֵלָ֣יו כַּפֶּֽךָ׃Psaumes 88.9 Psaumes 78.8 1 Samuel 7.3 Psaumes 143.6 Job 22.21-22.22
¹⁴ אִם־אָ֣וֶן בְּ֭יָדְךָ הַרְחִיקֵ֑הוּ וְאַל־תַּשְׁכֵּ֖ן בְּאֹהָלֶ֣יךָ עַוְלָֽה׃Job 22.23 Zacharie 5.3-5.4 Jacques 4.8 Psaumes 101.2 Job 22.5
¹⁵ כִּי־אָ֤ז׀ תִּשָּׂ֣א פָנֶ֣יךָ מִמּ֑וּם וְהָיִ֥יתָ מֻ֝צָ֗ק וְלֹ֣א תִירָֽא׃Job 22.26 Psaumes 119.6-119.7 Proverbes 14.26 1 Timothée 2.8 Proverbes 28.1
¹⁶ כִּי־אַ֭תָּה עָמָ֣ל תִּשְׁכָּ֑ח כְּמַ֖יִם עָבְר֣וּ תִזְכֹּֽר׃Esaïe 65.16 Ecclésiaste 5.20 Esaïe 54.4 Esaïe 54.9 Job 22.11
¹⁷ וּֽ֭מִצָּהֳרַיִם יָק֣וּם חָ֑לֶד תָּ֝עֻ֗פָה כַּבֹּ֥קֶר תִּהְיֶֽה׃Psaumes 37.6 Esaïe 58.8-58.10 Job 42.11-42.17 Luc 2.26-2.32 Proverbes 4.18
¹⁸ וּֽ֭בָטַחְתָּ כִּי־יֵ֣שׁ תִּקְוָ֑ה וְ֝חָפַרְתָּ֗ לָבֶ֥טַח תִּשְׁכָּֽב׃Psaumes 3.5 Psaumes 4.8 Proverbes 3.24-3.26 Lévitique 26.5-26.6 Romains 5.3-5.5
¹⁹ וְֽ֭רָבַצְתָּ וְאֵ֣ין מַחֲרִ֑יד וְחִלּ֖וּ פָנֶ֣יךָ רַבִּֽים׃Psaumes 45.12 Job 42.8-42.9 Apocalypse 3.9 Genèse 26.26-26.31 Esaïe 45.14
²⁰ וְעֵינֵ֥י רְשָׁעִ֗ים תִּ֫כְלֶ֥ינָה וּ֭מָנֹוס אָבַ֣ד מִנְהֶ֑ם וְ֝תִקְוָתָ֗ם מַֽפַּח־נָֽפֶשׁ׃ פDeutéronome 28.65 Job 31.16 Job 17.5 Proverbes 20.20 Job 27.22