Job 11
Biblia Hebraica Stuttgartensia

¹ וַ֭יַּעַן צֹפַ֥ר הַֽנַּעֲמָתִ֗י וַיֹּאמַֽר׃ Job 2.11 Job 20.1
² הֲרֹ֣ב דְּ֭בָרִים לֹ֣א יֵעָנֶ֑ה וְאִם־אִ֖ישׁ שְׂפָתַ֣יִם יִצְדָּֽק׃ Proverbes 10.19 Job 18.2 Psaumes 140.11 Job 16.3 Job 8.2
³ בַּ֭דֶּיךָ מְתִ֣ים יַחֲרִ֑ישׁו וַ֝תִּלְעַ֗ג וְאֵ֣ין מַכְלִֽם׃ Job 17.2 Job 12.4 Psaumes 35.16 Job 34.7 Job 24.25
⁴ וַ֭תֹּאמֶר זַ֣ךְ לִקְחִ֑י וּ֝בַ֗ר הָיִ֥יתִי בְעֵינֶֽיךָ׃ Job 10.7 Job 6.10 1 Pierre 3.15 Job 14.4 Job 7.20
⁵ וְֽאוּלָ֗ם מִֽי־יִתֵּ֣ן אֱלֹ֣והַּ דַּבֵּ֑ר וְיִפְתַּ֖ח שְׂפָתָ֣יו עִמָּֽךְ׃ Job 38.1-38.2 Job 33.6-33.18 Job 23.3-23.7 Job 42.7 Job 40.1-40.5
⁶ וְיַגֶּד־לְךָ֨׀ תַּֽעֲלֻמֹ֣ות חָכְמָה֮ כִּֽי־כִפְלַ֪יִם לְֽת֫וּשִׁיָּ֥ה וְדַ֡ע כִּֽי־יַשֶּׁ֥ה לְךָ֥ אֱ֝לֹ֗והַ מֵעֲוֹנֶֽךָ׃ Esdras 9.13 Deutéronome 29.29 Psaumes 103.10 Job 15.5 Job 15.11
⁷ הַחֵ֣קֶר אֱלֹ֣והַ תִּמְצָ֑א אִ֤ם עַד־תַּכְלִ֖ית שַׁדַּ֣י תִּמְצָֽא׃ Romains 11.33 Ecclésiaste 3.11 Job 5.9 Psaumes 145.3 Job 37.23
⁸ גָּבְהֵ֣י שָׁ֭מַיִם מַה־תִּפְעָ֑ל עֲמֻקָּ֥ה מִ֝שְּׁאֹ֗ול מַה־תֵּדָֽע׃ Job 22.12 Amos 9.2 Esaïe 55.9 Job 35.5 Job 26.6
⁹ אֲרֻכָּ֣ה מֵאֶ֣רֶץ מִדָּ֑הּ וּ֝רְחָבָ֗ה מִנִּי־יָֽם׃ Psaumes 139.9-139.10 Psaumes 65.5-65.8 Job 28.24-28.25
¹⁰ אִם־יַחֲלֹ֥ף וְיַסְגִּ֑יר וְ֝יַקְהִ֗יל וּמִ֣י יְשִׁיבֶֽנּוּ׃ Job 9.12-9.13 Apocalypse 3.7 Job 12.14 Esaïe 41.27 Daniel 4.35
¹¹ כִּי־ה֭וּא יָדַ֣ע מְתֵי־שָׁ֑וְא וַיַּרְא־אָ֝֗וֶן וְלֹ֣א יִתְבֹּונָֽן׃ Hébreux 4.13 Psaumes 10.14 Psaumes 35.22 Job 34.21-34.23 Jérémie 17.9-17.10
¹² וְאִ֣ישׁ נָ֭בוּב יִלָּבֵ֑ב וְעַ֥יִר פֶּ֝֗רֶא אָדָ֥ם יִוָּלֵֽד׃ Job 39.5-39.8 Psaumes 73.22 Ecclésiaste 3.18 Romains 12.16 Jérémie 2.24
¹³ אִם־אַ֭תָּ֗ה הֲכִינֹ֣ותָ לִבֶּ֑ךָ וּפָרַשְׂתָּ֖ אֵלָ֣יו כַּפֶּֽךָ׃ Psaumes 88.9 1 Samuel 7.3 Psaumes 78.8 Psaumes 143.6 2 Chroniques 19.3
¹⁴ אִם־אָ֣וֶן בְּ֭יָדְךָ הַרְחִיקֵ֑הוּ וְאַל־תַּשְׁכֵּ֖ן בְּאֹהָלֶ֣יךָ עַוְלָֽה׃ Job 22.23 Esaïe 1.15 Zacharie 5.3-5.4 Jacques 4.8 Psaumes 101.2
¹⁵ כִּי־אָ֤ז׀ תִּשָּׂ֣א פָנֶ֣יךָ מִמּ֑וּם וְהָיִ֥יתָ מֻ֝צָ֗ק וְלֹ֣א תִירָֽא׃ Job 22.26 1 Jean 2.28 2 Corinthiens 1.12 Psaumes 119.6-119.7 Proverbes 14.26
¹⁶ כִּי־אַ֭תָּה עָמָ֣ל תִּשְׁכָּ֑ח כְּמַ֖יִם עָבְר֣וּ תִזְכֹּֽר׃ Esaïe 65.16 Ecclésiaste 5.20 Genèse 41.51 Esaïe 54.4 Esaïe 54.9
¹⁷ וּֽ֭מִצָּהֳרַיִם יָק֣וּם חָ֑לֶד תָּ֝עֻ֗פָה כַּבֹּ֥קֶר תִּהְיֶֽה׃ Psaumes 37.6 Esaïe 58.8-58.10 1 Chroniques 29.10 Job 42.11-42.17 Luc 2.26-2.32
¹⁸ וּֽ֭בָטַחְתָּ כִּי־יֵ֣שׁ תִּקְוָ֑ה וְ֝חָפַרְתָּ֗ לָבֶ֥טַח תִּשְׁכָּֽב׃ Psaumes 3.5 Psaumes 4.8 Proverbes 3.24-3.26 Lévitique 26.5-26.6 Job 6.11
¹⁹ וְֽ֭רָבַצְתָּ וְאֵ֣ין מַחֲרִ֑יד וְחִלּ֖וּ פָנֶ֣יךָ רַבִּֽים׃ Psaumes 45.12 Proverbes 19.6 Esaïe 60.14 Job 42.8-42.9 Apocalypse 3.9
²⁰ וְעֵינֵ֥י רְשָׁעִ֗ים תִּ֫כְלֶ֥ינָה וּ֭מָנֹוס אָבַ֣ד מִנְהֶ֑ם וְ֝תִקְוָתָ֗ם מַֽפַּח־נָֽפֶשׁ׃ פ Deutéronome 28.65 Job 31.16 Job 17.5 Lamentations 4.17 Proverbes 20.20